Контакт

Свет

Директорот на „АстраЗенека“: Вакцината бара дополнителна студија

Објавено пред

Вакцината против Ковид-19 развиена од британската лабораторија „АстраЗенека“ и Универзитетот во Оксфорд, бара понатамошно истражување, рече извршниот директор на „АстраЗенека“ по критиките за објавените резултати за ефикасноста.

„Сега, кога се чини дека ја најдовме најдобрата ефикасност, треба да ја потврдиме, затоа треба да спроведеме дополнителна студија“, рече Паскал Сориот во интервју за „Блумберг“.

Резултатите од оваа нова меѓународна студија, додаде тој, може да се постигнат побрзо затоа што знаеме дека ефективноста е висока и затоа ни требаат помалку пациенти.

Сориот не верува дека овој дополнителен тест ќе го забави одобрувањето на вакцините што треба да го дадат регулаторите во Европската унија и Велика Британија, но на американските власти ќе им треба повеќе време да дадат зелено светло.

Британската лабораторија во понеделникот, врз основа на големи клинички испитувања во Велика Британија и Бразил, објави дека вакцината е во просек ефикасна 70 проценти.

Сепак, зад овој просечен резултат лежат големи разлики помеѓу два различни протоколи. Така, ефикасноста беше 90 проценти за волонтерите кои прво добија половина од дозата, а потоа и целата доза еден месец подоцна, а за групата што ја прими целосната доза двапати, исто така, со разлика од еден месец, ефикасноста беше 62 проценти.

Лабораторијата објави дека инјектирањето на половина од дозата во првата група е резултат на случајна грешка, така што само 3.000 пациенти биле подложени на ваков протокол. Сепак овие резултати сугерираат дека таквата шема предизвикува подобар имунолошки одговор.

Сепак, критиките дојдоа токму затоа што станува збор за мала група волонтери и затоа што откритието е направено по грешка.

Понатаму, просечната возраст на групата која примила половина од дозата не надминува 55 години, со што се исклучуваат ризичните групи.

Новата студија треба да ја процени ефикасноста на вакцината со давање помала доза.

„АстраЗенека“ има предност во однос на конкурентите затоа што користи потрадиционална технологија и затоа е поевтина и полесна за чување. Вакцината може да се чува на температура од обичен фрижидер, а не на екстремно ниски температури како во случајот на вакцината на „Модерна“ (-20 степени Целзиусови), или -80 за вакцината што ја развиваат „Фајзер“ и „Бионтек“.

Во понеделникот, „АстраЗенека“ објави дека брзо ќе започне со производство на 3 милијарди дози што ќе бидат достапни во 2021 година. За споредба, „Фајзер“ и нејзиниот партнер „Бионтек“ објавија дека ќе произведат 1,3 милијарди дози до крајот на 2021 година.

Свет

Фаучи: Веќе не мора да му противречам на Трамп, се чувствувам слободно

Објавено пред

Водечкиoт американски имунолог Ентони Фаучи, советник на американскиот претседател за пандемија, им изјавил на новинарите дека се чувствува полесно по заминувањето на Доналд Трамп од Белата куќа.

Од почетокот на пандемијата Фаучи имаше многу активна во комуникацијата со новинарите, но во последните месеци се држеше на дистанца.

„Отсекогаш сум зборувал сè што знам и затоа понекогаш имав проблеми“, рече тој.

Објасни дека му било тешко да слуша изјави што немаат научна основа. Тој исто така призна дека бил многу вознемирен кога Трамп во март се залагал за употреба на хидроксихлорокин во третманот на коронавирус, лек против маларија за кој се покажало дека нема ефект против вирусот.

„Не беше воопшто лесно да му се спротивставиш на претседателот“, рече Фаучи, додавајќи: „И не изгледаше дека тоа може да мине без последици“.

„Самото сознание дека денеска можам да дојдам овде, да го кажам тоа што го знам, да презентирам докази и да зборувам врз основа на науката е ослободувачко чувство“, заклучи имунологот.

Прикажи повеќе...

Свет

Коалицијата предводена од Саудиска Арабија спречила два напада од Хутите

Објавено пред

Коалицијата предводена од Саудиска Арабија соопшти денеска дека спречила два напада од Хутите, објави Саудиската државна телевизија на „Твитер“. Коалицијата уништила брод полн со експлозиви во јужното Црвено Море и беспилотно летало со експлозив наменето за Саудиска Арабија.

Коалицијата на арапски држави предводена од Саудиска Арабија влезе во судирот меѓу владата на Јемен и Хутите, вооружените политички опозициски сили, на страната на властите на земјата во 2015 година откако Хутите остварија значителен напредок на почетокот на судирите.

Оттогаш коалицијата спроведуваше воздушни, копнени и поморски операции против милитантите кои ја контролираат Сана и големи области во северен и западен Јемен.

Во последниве неколку месеци, границата меѓу Саудиска Арабија и Јемен, која е опфатена со граѓанска војна од 2014 година, беше жариште на повеќе напади со ракети, беспилотни летала и експлозиви пријавени од Ријад како провокации на Хутите.

Последниот инцидент, во кој беше пресретнат дрон насочен кон Ријад, се случи на 4 декември.

Прикажи повеќе...

Свет

Случај Реџени: Обвинителството во Рим бара судење на египетските офицери

Објавено пред

Јавниот обвинител во Рим официјално побара правна постапка против четворица офицери на египетската Агенција за национална безбедност обвинети за убиството на италијанскиот студент Џулио Реџени во Каиро во 2016 година.

Италијанските новински агенции ја цитираат Канцеларијата на јавното обвинителство која вели дека четворицата офицери, генерал-мајор Тарик Сабер, полковник Азер Камел Мухамед Ибрахим, полковникот Хусам Хелми и мајорот Ибрахим Абдел ал-Шариф, се обвинети за киднапирање, заговор за извршување убиство и нанесување тешка телесна повреда .

Неидентификувани напаѓачи го киднапираа италијанскиот студент Џулио Реџени, кој во тоа време имал 28 години, во јануари 2016 година. Регени бил во Египет да ги истражува синдикатите, кои локалните власти ги сметаат за политички чувствителна тема. Неколку дена подоцна, телото на Реџени беше пронајдено осакатено и со знаци на тортура, во едно предградие на Каиро.

Италијанските истражители ги обвинија египетските разузнавачки служби за „измачување на Реџени со денови со палење на делови од неговото тело и удирање клоци и тупаници, покрај тоа што користеле ладно оружје и палки пред да го убијат. Сепак, Каиро ги отфрла овие обвинувања.

Италијанските власти во 2018 година идентификуваа петмина осомничени кои работеле за египетската Служба за разузнавање. Италијанското јавно обвинителство ги отфрли обвиненијата против еден од осомничените, заклучувајќи дека жртвата починала поради респираторна слабост предизвикана од ударите што му биле нанесени.

Ако судијата во претходна постапка се согласи да го почне судењето, тоа ќе се одржи во отсуство поради одбивањето на египетските власти да ги екстрадираат осомничените.

На 31 декември, италијанската влада информираше дека одлуката на египетското јавно обвинителство да ги отфрли обвиненијата против осомничените агенти на Националната безбедност е неприфатлива.

Случајот предизвика тензија меѓу Каиро и Рим бидејќи Италија ги обвинува египетските власти дека одбиваат соработка, па дури и дека ги довеле во заблуда италијанските истражители. Сепак, Египет купи две фрегати од Италија во вредност од 1,2 милијарди евра во јуни минатата година, во знак на закрепнување на билатералните односи меѓу двете земји.

Прикажи повеќе...

Најново

Македонија49 минути

Филипче: Спремни сме да ги примиме вакцините од Србија

Министерот за здравство, Венко Филипче, пред денешниот разговор за вакцините со Србија вели дека не постојат пречки ковид-вакцините да пристигнат...

Топ2 часа

(Видео) Пресечен меѓународен канал за дрога, запленети 40 килограми марихуана

Одделот за криминалистичка полиција, Сектор за недозволена трговија со дрога, оружје и опасни материи, заедно со Одделот за специјални полициски...

Македонија2 часа

Општина Центар додели 400.000 денари помош за Петриња и Сисак

Советот на Општина Центар додели парична помош во висина од 400.000 денари на градовите Петриња и Сисак во Хрватска. „По...

Македонија2 часа

Заев и Спасовски земаат највисоки плати во Владата

Премиерот Зоран Заев зема највисока плата од 87.813 денари, а министерот за внатрешни работи, Оливер Спасовски, е втор на списокот...

Македонија3 часа

Царовска на средба со МАНУ: Реформите во образованието се неопходни ако сакаме подобри резултати

Министерството за образование и наука, Бирото за развој на образованието и членовите на работната група денес ги продолжуваат дебатите за предложените...

Регион3 часа

Мира Фурлан починала од западнонилска треска

Познатата актерка Мира Фурлан починала од вирусот на западнонилската треска, пишуваат хрватските медиуми. Актерката неколку месеци се борела со болеста...

Европа4 часа

Урсула фон дер Лаен: ЕУ ќе мора што побргу да обезбеди вакцини за Западен Балкан

Европската Унија со посебен механизам ќе обезбеди вакцини против коронавирусот за Западен Балкан што е можно побргу, рече претседателката на...

Свет4 часа

Уапсени двајца соработници на Навални затоа што повикувале на протести

Русија уапси двајца соработници на затворениот критичар на Кремљ, Алексеј Навални, и се закани дека ќе ги тужи другите поради...

Европа5 часа

ЕУ воведува темноцрвени зони на епидемиолошката карта на Европа

Претседателката на Европската комисија, Урсула фон дер Лаен, најави воведување нова ознака на епидемиолошката карта на Европа, темноцрвена зона, од...

Свет5 часа

Бајден бара петгодишно продолжување на договорот за контрола на нуклеарното оружје со Русија

Претседателот на САД, Џо Бајден, ќе побара петгодишно продолжување на договорот за контрола на нуклеарното оружје „Нов СТАРТ“ со Русија,...

Свет16 часа

(Видео) Бајден: Ќе ги поместиме небото и земјата за да вакцинираме што е можно повеќе луѓе

Новиот американски претседател Џо Бајден ѝ се обрати на американската јавност по повод презентацијата на планот за борба против пандемијата...

Европа17 часа

Холандија воведува полициски час, луѓето веќе смислуваат начини како да го избегнат

Предлогот на холандската влада да воведе полициски час, прв по Втората светска војна, помина во парламентот, пренесува АФП. #BREAKING Dutch...

Македонија18 часа

Филипче: Попис во време на пандемија е голем предизвик, но може да се спроведе

Спроведувањето на пописот во време на пандемија е голем предизвик, но процесот може да се спроведе и заврши по сите...

Македонија20 часа

15 починати и 356 новозаразени од Ковид-19

Министерството за здравство информира дека во последните 24 часа се направени 1.906 тестирања, а регистрирани се 356 нови случаи на...

Свет20 часа

(Видео) Најмалку петмина мртви во пожарот што ја зафати зградата на најголемиот светски производител на вакцини

Голем пожар избувна денес во Индискиот институт за серуми (SII), фабрика за производство на вакцини во градот Пуна. Пожарот го...

Македонија22 часа

Фетаи: Oд доказите произлегува дека изборот на жртвите е да се Македонци

Обвинетите Алил Демири, Африм Исмаиловиќ, Агим Исмаиловиќ да бидат осудени на доживатна казна затвор, на Фејзи Азири да му биде...

Македонија1 ден

Собранието го изгласа законот за попис

По 19 години, во април ќе се одржи попис на населението во земјата. Собрането денеска со 62 гласа „за“, без...

Македонија1 ден

Брнабиќ: Ќе помогнеме вакцините на „Фајзер“ да се регистрираат во Северна Македонија

Српската премиерка Ана Брнабиќ за ТВ „Хепи“ изјави дека земјата е подготвена да испрати 8.000 вакцини во Северна Македонија и...

Македонија1 ден

Фетаи за „Монструм“: Овој чин не заслужува ништо помалку од доживотен затвор

Обвинителката Фатиме Фетаи, која го застапува случајот „Монструм“, преку анализа на доказите, односно вештачењата и сведочењата, му докажуваше на судот...

Македонија1 ден

Матурантите ја бојкотираат наставата

Матурантите го бојкотираат почетокот на второто поллугодие. Тие бараат да полагаат два наместо четири предмети од државната матура. „Сојузот на...

Досие