Свет

Дутерте: Да ги вакцинираме додека спијат и готово

Објавено пред

3 дена

- 12 октомври, 2021

Од

Луѓето што сѐ уште не сакаат да се вакцинираат против коронавирусот треба да се вакцинираат додека спијат, оцени денеска претседателот на Филипини, Родриго Дутерте.

„Знам дека многумина сѐ уште не сакаат да се вакцинираат и тие се проблем. Значи, ајде да влеземе во нивните куќи и да ги вакцинираме додека спијат. Крај на приказната“, предложи Дутерте во телевизиско обраќање велејќи дека тој ќе ја води акцијата, пренесува „Тас с“.

Тој посочи дека покрај имунизацијата, важно е да се носат маски и да се одржува дистанца бидејќи само тие мерки може да го спречат ширењето на коронавирусот во земјата.

Речиси 50 милиони дози вакцини против коронавирусот од разни производители се дадени на Филипините досега. Повеќе од 23 милиони луѓе се целосно имунизирани, а властите се надеваат дека ќе имунизираат до 70 милиони од 111,5 милиони жители до крајот на годината.

Дутерте претходно повика на донесување закон со кој ќе се дозволат затворски казни за оние што го прекршуваат карантинот. Тој исто така рече дека учесниците во масовните настани треба да одат во затвор.

На почетокот на јуни Дутерте рече дека оние што се свесни оти се позитивни на Ковид-19, но ги прекршуваат мерките, заразуваат други и предизвикуваат смрт, ќе бидат обвинети за убиство.

Досега 2,67 милиона луѓе се заразени од коронавирусот на Филипини, од кои околу 39.600 починале.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

(Видео) Бездомник среде бел ден се обиде да киднапира тригодишно девојче во Њујорк, го спасиле минувачи

Претходно

Во Германија на интензивна нега само 10 отсто вакцинирани

Европа

Постигнат договор за идната германска влада

Објавено пред

19 минути

- 15 октомври, 2021

Од

Макфакс

Социјалдемократите, кои собраа најмногу гласови на парламентарните избори во Германија, кон крајот на септември, Зелените и либералите денеска објавија дека постигнале подготвителен договор за формирање влада.

„Успеавме да го усогласиме документот. Тоа е многу добар резултат, јасно покажува дека може да се формира влада во Германија“, рече социјалдемократот Олаф Шолц, кој најверојатно ќе биде иден канцелар.

Шолц ова го изјави на прес-конференција со лидерите на Зелените и Партијата на слободата (FDP).

Прикажи повеќе...

Регион

Остануваат истите услови за влез во Грција

Објавено пред

2 часа

- 15 октомври, 2021

Од

Макфакс

Условите за влез во Грција остануваат непроменети до 22 октомври.

Сегашните услови за влез во Грција се продолжени за уште седум дена, односно до 22 октомври.

За влез во Грција потребен е сертификат за вакцинација, под услов да поминале 14 дена од ревакцинацијата, потврда за прележан коронавирус во период од најмалку 30 и најмногу 180 дена пред патувањето, негативен брз тест, негативен ПЦР-тест заедно со пополнет електронски формулар PLF.

Ова важи за сите посетители без оглед на државјанството и начинот на влегување во земјата.

Овие услови се однесуваат за сите возрасни и деца над 12 години.

Прикажи повеќе...

Свет

(Видео) Силна експлозија во џамија во Авганистан, се стравува дека има многу жртви

Објавено пред

3 часа

- 15 октомври, 2021

Од

Макфакс

Силна експлозија oдекна денеска во џамија во авганистанскиот град Кандахар, пренесува АФП.

Засега не е познат точниот број на жртви, но Би-би-си наведува дека многумина загинале.

Експлозијата се случила за време на петочната молитва.

Purported video shows the scene at Fatemieh Imam Bargah in #Kandahar after an explosion was witnessed during prayers. #Afghanistan #Afghan #Kabul #Taliban #Talibans pic.twitter.com/vAW9oGqzCB
— The Pakistan Daily (@ThePakDaily) October 15, 2021

Снимките што се појавија на социјалните мрежи покажуваат верници како бегаат во паника и страв. Портпаролот на талибанското Министерство за внатрешни работи изјави дека досега се потврдени седум жртви.

Blast reported at a Shia mosque in Kandahar… this after a suicide bombing by IS-K in Kunduz last week, targeting Shia worshippers at Friday prayers https://t.co/XLgmvMQYqL
— Secunder Kermani (@SecKermani) October 15, 2021

Иако сѐ уште никој не ја презел одговорноста за нападот, дописник на Би-би-си од Авганистан на „Твитер“ напиша дека се очекува Исламската држава набргу да објави дека се работи за дело на бомбаш самоубиец.

Пред точно седум дена експлозија се случи и во џамија во провинцијата Кундуз во Авганистан. Во тој напад, за кој и натаму никој не презеде одговорност, загинаа најмалку 100 луѓе.

И двете експлозии се случија во петок кога припадниците на шиитското верско малцинство во голем број доаѓаат на молитва.

Прикажи повеќе...