Контакт

Свет

Европа ќе се откаже од американскиот долар во плаќањата за иранската нафта

Објавено пред

Европската Унија планира плаќањата за купување нафта од Иран да ги врши во евра, со што ги елиминира трансакциите во американски долари, изјави дипломатски извор за „РИА новости“. Брисел е во судир со Вашингтон поради повлекувањето на САД од нуклеариот договор со Иран, кој беше постигнат за време на администрацијата на Барак Обама. Претседателот Доналд Трамп се заложи за повторно наметнување на санкциите против Исламската Република.

„Дојдов до информации дека ЕУ ќе се префрли од долари во евра за плаќање на суровата нафта од Иран“, изјави изворот за агенцијата.

Претходно неделава шефицата на ЕУ за надворешна политика, Федерика Могерини, рече дека министрите за надворешни работи на Велика Британија, Франција, Германија и на Иран се согласиле во следните неколку недели да изготват практични решенија како одговор на потегот на Вашингтон. Наводно, европскиот блок планира да ги одржи и да ги продлабочи економските врски со Иран, вклучително и во областа на нафтата и гасот. Могерини истакна дека страните треба заеднички да работат на укинување на санкциите како интегрален дел од историскиот нуклеарен договор.

„Не сме наивни и знаеме дека ќе биде тешко за сите страни“, изјави таа.

Иранскиот нуклеарен договор беше потпишан пред три години во Виена меѓу Техеран и групата П5 + 1 (Кина, Франција, Русија, Велика Британија, САД плус Германија). Со договорот се укинаа неколкудецениски меѓународни санкции во замена за прекинување на контроверзната нуклеарна програма на Иран. На 16 јануари 2016 година страните на договорот го објавија почетокот на неговото спроведување. Укинувањето на меѓународните санкции првпат по речиси четири децении му овозможи на Иран пристап до светските пазари. Оттогаш Техеран успеа значително да го зголеми својот извоз на сурова нафта.

Иранската економија ќе биде подготвена ако американскиот претседател Доналд Трамп одлучи да го напушти нуклеарниот договор посредуван во 2015 година, велат од Централната банка на земјата. Меѓутоа, нафтата е поврзана со американскиот долар на меѓународните пазари, што им отежнува на иранските партнери да вршат исплати за суровата нафта и нивно префрлање на Техеран.

Бидејќи доларот ја игра водечката улога на меѓународните финансиски пазари, повторното наметнување санкции би значело исклучување на Иран од глобалниот финансиски систем. Со тоа ќе ѝ се наштети на иранската економија, а европските фирми ќе изгубат огромен пазар на Блискиот Исток. Преминувањето во алтернативни валути за исплата им овозможува на двете страни да продолжат со тргување и покрај санкциите на САД.

Регион

Шарпланинецот Паша мирно го чека Путин: Има и пасош со кој од Србија ќе патува во Русија

Објавено пред

Малиот шарпланинец по име Паша, кого српскиот претседател Александар Вучиќ ќе му го подари на неговиот руски колега Владимир Путин, е подготвен во Белград да го пречека својот нов стопан.

Тримесечното кученце е целосно исчистено и средено за првата средба со рускиот претседател, пишуваат српските портали. Познато е дека Путин обожава кучиња и дека неколку државници досега му имаат подарувано кучиња од раси кои се симбол на нивните земји.

„Кутрето има сериозно педигре од седум генерации. Станува збор за нашата најстара автохтона раса и познато е дека претседателот Путин сака токму такви раси“, изјави вчера извор од српското претседателство.

Паша има пасош со кој ќе отпатува за Русија, а во него се наведени сите најважни податоци за него, како на пример каде му е вграден чипот и кога е вакциниран.

 

Прикажи повеќе...

Свет

Во Анкара се гради најголемиот забавен парк во Европа, опозицијата обвинува дека е опасен за живот

Објавено пред

„Анкапарк“ − гигантскиот забавен парк кој напролет ќе биде отворен во главниот град на Турција стана тема на критиките на опозицијата упатени кон власта, пред пролетните локални избори кои ќе се одржат на 31 март годинава во Турција.

Џем Узан, генералниот директор на градското претпријатие што управува со, како што го нарекува најголемиот тематски парк во Европа, во изјавата за агенцијата „Анадолу“ изрази надеж дека нема да се доцни со отворање на објектот кој поседува вкупно 2 илјади и 117 „играчки“ (рекреативно-забавни елементи) за разлика од европските во кои нивниот број изнесува најмногу 90. Според Узан, деновиве се работи на отстранување на некои недостатоци во инфраструктурата и елементите за забава и дека наскоро ќе започнат последните тестови на гигантските забавни „играчки“ од страна на меѓународната стручна фирма „ТУВ“ со седиште во Германија.

Токму овие изјави на Узан повторно ги предизвикаа реакциите на опозицијата. Пратеничката на најголемата опозициска партија во земјата ЏХП (Републиканската Народна Партија на Кемал Киличдаролу) од Анкара, Гамзе Ташчиер, поднесе интерпелација во парламентот за „Анкапарк“ тврдејќи дека одредена фирма од Кина утврдила ризици по животот на посетителите на паркот и истакна дека Анкарците во еден незавршен објект во име на политички шоу ќе бидат користени како заморчиња само тој да биде отворен пред локалните избори. Таа побара од министерот за Екологија и урбанизам, Мурат Курум, меѓу другото, да одговори и на нејзиното прашање дали е точно дека откако паркот и покрај сите ризици ќе биде отворен пред локалните избори на 31 март годинава потоа, повторно ќе се оди на поправања на недостатоците. Ташчиер подвлече дека изградувајќи го паркот на плацот на Шумарската фарма, подарок на Ататурк на Анкарците, и трошејќи милијарди лири на жителите на престолнината, освен што е причинета материјална и нематеријална штета сега на тоа се додава и животна опасност најмногу за децата и сето тоа во име на политичко шоу на владеачката АКП (Партијата на правдата и просперитетот на Реџеп Тајип Ердоан).

На овие напади на пратеничката од опозицијата преку својот профил на „твитер“ се огласи поранешниот градоначалник на Анкара, Мелих Ѓокчек, кој во 2013 го постави камен-темелникот на „Анкапарк“, напаѓајќи ја опозицијата дека почнала да паничи притоа порачувајќи ѝ на пратеничката Ташчиер дека „ќе пукне од инает кога ќе дојде да го посети паркот“. Ѓокчек порано имаше соопштено дека изградбата на забавно-рекреативниот парк чинела околу 450 милиони долари кои биле средства на граѓаните.

Минатата година, Мухарем Инџе, претседателскиот кандидат на опозициската Републиканската народна партија (ЏХП) на претседателските избори од 24 јуни 2018, ја критикуваше оваа инвестиција напаѓајќи ја владата дека практиката на ограбување на јавните извори од страна на лошата власт ги зафатила и нејзините општини. „Зад денешните економски проблеми стојат ваквите лоши потези поради кои расте инфлацијата и девизниот курс, а паѓа националниот приход и се осиромашува народот“, објави тогаш Инџе на својот „твитер“ профил.

На нападите на опозицијата дека со брзање објектот да се стави во употреба се ставаат во опасност и животите на граѓаните, генералниот директор на „Анкапарк“ Џем Узан одговара дека 90 отсто од гигантските забавни елементи се купени од европски фирми, а само 10 отсто од елементите како панорамското тркало и рингишпилот се со потекло од Турција и Кина, додавајќи дека контролата на објектите со сите потребни сертификати ја изведува меѓународната стручна фирма „ТУВ“.

„Анкапарк“, кој е во сопственост на анкарската општина, се простира на површина од 1 милион 400 илјади метри квадратни, а со покриениот простор од 130 илјади метри квадратни ќе биде активен 12 месеци во годината. Тендерот за „Анкапарк“ го добија 3 турски и една кинеска фирма со право да го водат изнајмениот објект во наредните 29 години. Поради ова, се очекува кинескиот партнер во новата туристичка атракција на Анкара да привлече околу 500 илјади кинески туристи, но исто така се цели и кон привлекување на голем број туристи од Блискиот Исток и Русија што ќе биде додатен импулс за туризмот во турската престолнина со што, според Узан, ќе се придонесе за зголемување на благосостојбата на нејзините жители.

Освен забавниот дел, комплексот има и 100 продавници, посебни простории за роденденски и други забави и јапонски, кинески и италијански ресторани, но основна тема врз која е работено е османлиската, во склоп на која ќе бидат опфатени речиси сите специјалитети од турската кујна. Влезницата во паркот ќе изнесува 25 турски лири или околу 4 евра.

Асуде А. Кочан

Прикажи повеќе...

Регион

Снешко Белчо блокира пруга во Србија, реагираше и полицијата

Објавено пред

Возот што сообраќа на релацијата Ниш – Прокупле  речиси дваесет минути  стоеше вчера во близина на рампата и железничката станица во населбата Гариќ поради Снешко Белчо, кој бил направен на шините!

Полицијата, исто така, беше информирана и излезе на терен, но сторителите не беа пронајдени.

До оваа ситуација дојде на улицата Браќа Стојановиќ кога возот требаше да влезе во станицата во Прокупле.

Машиновозачот оддалеку забележал дека има нешто на шините, па го запрел возот.

Снешко го направија деца, веројатно и не размислувајќи за она што ќе следува.

Прикажи повеќе...

Најново

Македонија14 минути

Агенцијата за обезбедување СГС доби нов тендер од 113 илјади евра

Агенцијата за обезбедување Секјурити Груп Сервисес (СГС) која се поврзува со поранешниот директор на УБК Сашо Мијалков, доби нов тендер...

Македонија1 час

Стразбур ја донесе првата пресуда во корист на девојка од Македонија што го смени полот

Европскиот суд за човекови права во Стразбур, денеска, првпат се произнесе за случај на македонско трансродово лице и пресуди во...

Македонија3 часа

Владимир Талески и 20 обвинети во „Транспортер“ слушаа разговор меѓу Јанкулоска и Ставрески

Во кривичниот суд во Скопје продолжи изведувањето на писмените докази во случајот на СЈО со кодно име „Транспортер“. Претходно беше...

Монструм Монструм
Македонија3 часа

Косово сè уште молчи за екстрадицијата на обвинетите во ,,Монструм”

Министерството за правда сè уште нема добиено одговор од Косово за екстрадиција на двајцата обвинети за петкратното убиство кај Смилковското...

Свет3 часа

(Видео) Пронајдена коса од двегодишното дете што падна во бунар во Шпанија

Спасувачките екипи пронајдоа коса од двегодишното дете што падна во длабок бунар во Шпанија. Со ДНК-тестовите е потврдено дека детето...

Свет4 часа

Тереза Меј подготвена да соработува со опозицијата за да се оствари брегзитот

Британската премиерка, Тереза Меј, изјави дека на опозицискта Лабуристичка партија ѝ се отворени вратите за преговори за брегзитот, при што...

Вести4 часа

Секој трет вработен во ОН бил сексуално вознемируван

Секој трет вработен во Обединетите нации бил сексуално вознемируван во последните две години, покажува извештај на оваа меѓународна организација, објави...

Свет5 часа

Путин во Белград со двајца двојници

Владимир Путин денеска ќе пристигне во Белград во придружба на 30 најблиски специјалци од Федералната служба за обезбедување, а околу...

Свет6 часа

Исчезната германска туристка пронајдена мртва во австралиската дивина

Телото на една германска туристка, која исчезна претходно овој месец, било пронајдено во средата во пеколно жешката австралиска пустелија, соопшти...

Свет6 часа

Планот на САД за Блискиот Исток: 90 отсто од Западниот Брег за Палестина и поделен Ерусалим

Планот за мирно решавање на кризата на Блискиот Исток, кој го подготвува администрацијата на американскиот претседател Доналд Трамп, ќе биде...

Регион16 часа

Ципрас ја доби довербата од Парламентот

Со 151 глас, Владата на грчкиот премиер, Алексис Ципрас, ја доби довербата во Парламентот по дебатата која траеше два дена....

Европа17 часа

Преживеа Владата на Тереза Меј

Владата на британската премиерка Тереза Меј вечерва ја доби довербата од Парламентот. 306 пратеници гласаа против Меј, а 325 за неа....

Македонија18 часа

(Видео) Власта и опозицијата се договорија – Антикорупциска ќе има увид во банкарските сметки на функционерите

Прашањето за директен увид во сметките на носителите на јавни функции е затворено, Државната комисија за спречување  корупцијаа ќе има...

Македонија21 час

Избега еден од осудените напаѓачи на Села, распишана е потерница

Никола Војминовски, кој е осуден на 13 и пол години затвор за обидот за убиство на пратеникот Зијадин Села на...

Економија22 часа

И официјално заврши стечајот за „Фени“, апелација ги одби жалбите

Судот во Велес денес соопшти дека е правосилно одобрен планот за реорганизација на „Фени индустри“ од Кавадарци со што и...

Македонија22 часа

Меѓународна криминална група осомничена за кражби од сефови во македонски банки

Обвинителството отвори истрага против седум лица, и тоа четворица државјани на Украина и по еден државјанин од Молдавија, Казахстан и на...

Македонија23 часа

(Видео) Анкета: Џабе ни е јазикот кога младите си заминаа во странство

„Џабе ни е двојазичност кога младите континуирано бегаат од државата. Заев само зборува, зборува на празно, каде е таа плата...

Македонија23 часа

Три илјади анкетни листови за имотот на функционерите заглавени во антикорупциската комисија

Повеќе од 60 претставки за корупција и триесетина предмети за судир на интереси стојат во фиоките на Државната комисија за...

Македонија23 часа

(Фото) Олимпија фати морбили

Посине споменикот на мајката на Александар Македонски, Олимпија, која се наоѓа на плоштадот Карпошово востание. На спомениците на Олимпија и...

Македонија1 ден

Скопјани принудувале малолетничка на проституција

Обвинителството отвори истражна постапка за трговија со дете кога било пријавено дека двајца скопјани принудувале 16-годишно девојче да врши полови...

Досие