Европската агенција за лекови ја одобри вакцината на „Фајзер“

Објавено пред

4 недели

- 21 декември, 2020

Од

Европската агенција за лекови (ЕМА) препорача вакцината на „Фајзер“ и „Бионтек“ против коронавирус да добие одобрение за употреба во Европската Унија.

Во соопштението објавено од ЕМА се тврди дека организацијата направила ригорозна проценка на вакцината и дека е задоволна од податоците за квалитетот, безбедноста и ефикасноста.

„Денешните позитивни вести се важен чекор напред во нашата борба против оваа пандемија, што предизвика страдања и тешкотии за многумина“, рече Емер Кук, извршен директор на ЕМА.

Одлуката за одобрување на вакцината сега ќе ѝ биде предадена на Европската комисија (ЕК).

Претседателката на ЕК, Урсула фон дер Лајен, рече дека Комисијата брзо ќе постапи по препораката на ЕМА.

„Ќе дејствуваме брзо. Очекувам одлука на Европската комисија до вечер“, напиша таа на „Твитер“.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Џо Бајден денеска во живо ќе се вакцинира против коронавирус

Претходно

Кремљ ги смета санкциите против „Северен тек 2“ за елементи на хибридна војна

Во Јапонија верижен судар на 130 возила

Објавено пред

1 час

- 19 јануари, 2021

Од

Макфакс

Едно лице загина, а десет се повредени во верижен судар на 130 возила, предизвикан од снежната бура која го зафати автопатот во северниот дел на Јапонија, во префектурата Мијаги.

Јапонија во изминатите неколку недели е погодена од силно невреме.

Во некои делови од земјата има двојно повеќе врнежи од снег, во однос на просечните.

Прикажи повеќе...

(Видео) Владимир Путин традиционално влезе во студената вода за Водици

Објавено пред

1 час

- 19 јануари, 2021

Од

Макфакс

Рускиот претседател, Владимир Путин, се нурна во ладната вода во Московската област на православниот празник Богојавление.

Путин. Подмосковье. -20 pic.twitter.com/aVZxokcQ05
— Кремлевский пул РИА (@Kremlinpool_RIA) January 19, 2021

Тој влезе во дупката во водата направена во облик на крст, се прекрсти три пати и се нурна во ладната вода.

„Владимир Путин учествуваше во богојавленското бањање и тоа е негова традиција која не ја менува поради ништо“, реле портпаролот на претседателот, Дмитриј Песков.

Прикажи повеќе...

Лидерите на ЕУ в четврток ќе разговараат за вакцини за Западен Балкан

Објавено пред

5 часа

- 19 јануари, 2021

Од

Макфакс

Набавката на вакцини за Западен Балкан ќе биде една од темите на состанокот на лидерите на членките на Европската унија (ЕУ), што ќе се одржи в четврток, објави Брисел.

Претседателот на Европскиот совет, Шарл Мишел, истакна дека лидерите на ЕУ треба да разговараат за соработката со трети земји во врска со вакцините.

„Ќе видиме како можеме да им помогнеме на нашите партнери во соседството и пошироко“, рече Мишел, пренесува Танјуг.

Во писмото со покана до лидерите на земјите-членки на ЕУ, во пресрет на видео-конференцијата закажана за четврток во 18 часот, Мишел наведува дека на состанокот ќе се разговара и за кампањата за вакцинација во рамките на Унијата.

„Забрзувањето на вакцинацијата низ ЕУ е наш апсолутен приоритет“, рече Мишел.

Покрај дискусијата за набавка и дистрибуција на вакцини низ ЕУ и во соседството, Мишел објави и разговори за сертификати за вакцинација.

„Ќе разговараме за соодветноста на заедничкиот пристап кон сертифицирање, како и, доколку е потребно, околностите под кои може да се користат ваквите сертификати“, рече Мишел.

Тој оцени дека моменталната состојба со заразата со Ковид-19 во Европа бара голема претпазливост.

Мишел повика, покрај почетокот на вакцинацијата, да се продолжи со обемно тестирање и следење на контактите, но и да се овозможи прекугранично движење во рамките на ЕУ.

Прикажи повеќе...