Турскиот претседател Реџеп Таип Ердоган изјави денеска дека грчкиот премиер Киријакос Мицотакис повеќе не постои за него бидејќи за време на неговата посета на САД се обидел да ја блокира продажбата на воените авиони Ф-16 на Турција.

„Се договоривме да не вклучуваме трети земји во нашиот спор. Сепак, тој ги посети САД минатата недела и ги предупреди во Конгресот да не ни даваат Ф-16“, рече Ердоган на прес-конференција по седницата на владата.

„Тој веќе не постои за мене. Никогаш повеќе нема да се согласам да се сретнам со него. Ќе продолжиме со чесните политичари“, додаде тој.

Минатата недела ОН побараа од Русија да го отвори пристапот до украинските пристаништа на Црното Море – да дозволи извозот на жито да продолжи. Шефот на Светската програма за храна на ОН, Дејвид Бисли, сугерираше дека затворањето на пристаништата ја влошува кризата со храна.

Русија бара да се ревидираат санкциите наметнати на Москва во замена за отворање на пристаништето, наведува новинската агенција „Интерфакс“.

Украина, еден од најголемите светски производители на жито, ги користеше своите поморски пристаништа за најголемиот дел од својот извоз.

Две лица загинаа, а 120 се повредени во експлозија на плинска боца во ресторан во Абу Даби, објави полицијата на Твитер.

Во експлозијата беа оштетени и неколку продавници.

Екипите за цивилна одбрана го гаснат пожарот, јавува „Ројтерс“.