Министерството за одбрана на Турција соопшти дека шест членови на екипажот загинале при пад на хеликоптер УХ-1, кој изведувал тренажен лет во Испарта во југозападна Турција.

„Еден од нашите хеликоптери УХ-1, кој изведуваше тренажен лет во Испарта, доживеа несреќа и вкупно шест членови на нашиот персонал загинаа“, се вели во соопштението.

Забележано е дека еден член на персоналот кој бил пренесен во болница со сериозни повреди здобиени во хеликоптерската несреќа починал, со што бројот на загинати се искачи на шест.

Министерството за одбрана на Турција упати сочувство до семејствата на загинатите и турските вооружени сили, а на повредениот персонал му посака брзо закрепнување.

Меѓутоа, како што изјави генерал-мајор на вооружените сили на Босна и Херцеговина Мирсад Ахмиќ, во несреќата учествувал и припадник на вооружените сили на Босна и Херцеговина.

„Врз основа на информациите што ги разменивме со нашите колеги од Турција, во моментот на хеликоптерската несреќа во еден хеликоптер имало еден припадник на вооружените сили на Босна и Херцеговина. Нашиот член е добро и моментално сме во комуникација со него и неговото семејство. Министерството за одбрана изразува жалење за несреќата и испративме телеграми со сочувство до Република Турција во врска со смртта на припадниците на вооружените сили на Република Турција. Во контакт сме со родителите, ќе ја следиме понатамошната состојба, а моментално се на редовни лекарски прегледи“, објасни Ахмиќ за Н1.

Чеченскиот лидер Рамзан Кадиров изјави денеска дека новоизбраниот американски претседател Доналд Трамп „не поставува услови“ и дека одлучувачкиот чекор во мирното решавање на конфликтот во Украина е на рускиот претседател Владимир Путин.

Кадиров рече дека Трамп може да престане да финансира и испраќа платеници „кои се испратени да го убиваат рускиот народ“, но само Путин може да го направи одлучувачкиот чекор.

„Само нашиот претседател става крај. Се друго се празни муабети“, рече Кадиров, пренесува агенцијата ТАСС.

Рускиот претседател Владимир Путин денеска изјави дека никој нема да може да ја освои или скрши Русија.

„Никој нема да може да ја освои или скрши Русија. Ја имаме вистината, силата на оружјето и силата на духот на наша страна“, рече тој на церемонијата на доделување златни ѕвезди на Хероите на Русија.

Путин додаде дека одлучноста на руските ловци не остава сомнеж за победата на Русија во конфликтот со Украина, пренесува РТ.