Контакт

Свет

Европскиот совет изрази загриженост за безбедносните предизвици во Црното Море

Објавено пред

Министрите за надворешни работи на 28 земји членки на ЕУ изразија загриженост за безбедносната ситуација во регионот на Црното Море и ја потврдија политиката за непризнавање на Крим, објави Европскиот совет во изјавата усвоена на состанокот во Луксембург, пренесува ТАСС.

„Советот останува загрижен за безбедносните предизвици во регионот на Црното Море. Во овој контекст, повторуваме дека почитувањето на меѓународното право, вклучувајќи ги и принципите на независност, суверенитет и територијален интегритет, Конвенцијата на ОН за поморско право, слободата на навигацијата, како и политичките одлуки на ЕУ и политиката за непризнавање на илегалната анексија на Крим, се основни за пристапот на ЕУ кон регионалната соработка во регионот на Црното Море“, се вели во соопштението.

Советот ја истакна зголемената стратешка важност на регионот на Црното Море за ЕУ повикувајќи на засилено вклучување на ЕУ во регионалната соработка. Тука особено ја истакнува важноста на искористување на новите можности за економски развој и поврзаност во регионот и пошироко.

Во документот се вели дека Советот признава оти подобрената регионална соработка на Црното Море ќе придонесе за имплементација на Стратегијата на ЕУ за поврзување на Европа и Азија и нејзините четири приоритети во однос на транспортот, енергијата, дигиталното и меѓучовечкото поврзување.

Советот ја нагласува важноста за изработка на план за комуникација за поддршка на придонесот на ЕУ за регионална соработка во регионот на Црното Море и за зголемување на видливоста на работата на ЕУ и нејзините земји членки.

ЕУ разговараше за областа на Црното Море на разни нивоа по инцидентот на 25 ноември 2018 година кога три украински воени брода ги прекршија правилата за минување низ теснината Керч. И покрај повторените предупредувања и барања да престанат, украинските бродови продолжија со својот пат принудувајќи ја Русија да користи оружје. Тројца украински војници беа лесно повредени. Бродот беше запленет, а 24 украински морнари беа уапсени под обвинение дека ги повредиле границите на Русија.

 

 

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Се затвора озлогласен затвор во Њујорк

Објавено пред

Њујоршкото градско собрание денес изгласа затворање на озлогласениот градски затвор „Рикерс“ до 2026 година оценувајќи го како нехуман комплекс кој е оптоварен со хронично насилство.

Затворањето на „Рикерс“ и уште три градски затвори ќе ја чини градската каса 8,7 милијарди долари, односно од тие средства ќе се финансира отворањето четири похумани затвори во градот, а островот Рикерс ќе биде претворен во јавен простор.

„Островот Рикерс е симбол на суровост и нехуманост и време е да го затвориме еднаш засекогаш“, рече претседателот на Градскиот совет, Кори Џонсон, пред гласањето.

„Мислам дека не претерувам кога ќе кажам дека за многумина од нас, ова е еден од најважните гласови што ќе ги дадеме во целата наша кариера“, рече тој.

Во затворот, кој се протега на 160 хектари на остров на Ист Ривер, поврзан со мост со њујоршкиот округ Квинс, има околу 7.000 затвореници, од кои повеќето чекаат судење или издржуваат казни помали од една година.

Во екот на криминалниот бран пред две децении во тој затвор на дневно ниво во просек имало над 20.000 затвореници.

Во 2017 година градоначалникот Бил де Бласио предложи затворање на „Рикерс“ во рок од 10 години, а заклучно со 2018 година лица под 18-годишна возраст не се држат во озлогласениот затвор.

Прикажи повеќе...

Европа

Австриската канцеларка разочарана од дебатата за проширување на ЕУ

Објавено пред

Австриската канцеларка, Бригит Бирлајн, е разочарана што на самитот на ЕУ не е донесена одлука за почнување пристапни преговори со Албанија и Северна Македонија и посочи дека ова не е добар знак за солидарноста во Унијата, како ни за безбедноста во регионот.

„За жалење е. Австрија и другите земји вршат притисок за почеток на преговорите“, рече Бирлајн пред почетокот на вториот ден од самитот во Брисел.

Таа смета дека Северна Македонија и Албанија ги исполниле барањата на Европската комисија и имаат право на пристапни преговори.

„Одлуката не е донесена поради одделни држави. Верувам дека ова не е добар знак за солидарноста во Унијата, како и за безбедноста во регионот“, порача австриската канцеларка.

Бирлајн нагласи дека денеска разговарала со премиерите на Северна Македонија и Албанија, кои ја известиле дека се разочарани.

„И тие се многу разочарани. Ги уверив дека ќе продолжиме да ги поддржуваме“, рече Бирлајн.

Одлуката за пристапни преговори со Северна Македонија не е донесена поради, како што објавија австриските медиуми, противењето на францускиот претседател Емануел Макрон, а Албанија ја блокирале данскиот и холандскиот премиер, Мете Фредериксен и Марк Руте.

Прикажи повеќе...

Европа

Пучдемон им се предаде на белгиските власти

Објавено пред

Поранешниот лидер на Каталонија, Карлес Пучдемон, им се предаде денеска на белгиските правосудни органи кога Шпанија издаде нов налог за негово апсење по пресудата за каталонските сепаратистички политичари и активисти.

Како што соопштија од канцеларијата на Пучдемон, тој во придружба на неговите адвокати доброволно се појавил пред белгиските власти во врска со налогот за апсење. Во соопштението се наведува дека Пучдемон го отфрла налогот за апсење и се противи на каков било обид да биде вратен во Шпанија.

Пучдемон и неколку негови соработници избегаа во Белгија во октомври 2017 година кога беа повикани на суд поради обид за сецесија и одржаниот референдум за независност на Каталонија, кој шпанската влада го прогласи за нелегален.

Врховниот суд во Мадрид во понеделникот осуди девет поранешни каталонски политичари и активисти на казни од девет до 13 години затвор поради нивната улога во неуспешниот обид за прогласување независност на Каталонија во 2017 година. Поранешниот потпретседател на каталонската влада, Ориол Жункерас, е осуден на 13 години затвор за бунт и злоупотреба на јавните фондови за организирање на референдумот за независност на Каталонија.

Пресудите предизвикаа протести низ Каталонија, а во Барселона ескалираа во насилство.

Прикажи повеќе...

Најново

Европа2 часа

Пучдемон им се предаде на белгиските власти

Поранешниот лидер на Каталонија, Карлес Пучдемон, им се предаде денеска на белгиските правосудни органи кога Шпанија издаде нов налог за...

Топ2 часа

Воз удри во автомобил во Прилеп, повредени четири лица

Четири лица се повредени во железничка несреќа што се случила во близина на меѓуградската автобуска станица во Прилеп. Според информациите на...

Македонија3 часа

Без многу оптимизам се очекува конечната одлука за преговори со ЕУ

Денешните разговори на лидерите на ЕУ во Брисел се последна надеж дека земјава може да го добие очекуваниот датум за...

Свет4 часа

Трамп во нова трговска офанзива, воведе царини на многубројни европски производи

Дополнителни царини во вредност од 7,5 милијарди американски долари за низа европски производи денеска воведоа САД, што претставува нова трговска...

Свет4 часа

Eксплозии и пукање во Сирија еден ден по договорот за прекин на огнот

Експлозии на гранати и пукање во областа на градот Рас ел-Ајн во североисточна Сирија на само еден ден по договорот...

Европа5 часа

(Видео) Барселона во пламен, протестите излегоа од контрола

Илјадници луѓе синоќа излегоа на протест на улиците на Барселона, четврти ден по ред. Како што пренесуваат локалните медиуми, на...

Свет16 часа

Турција ги прекинува воените операции во Сирија

Американскиот потпретседател Мајк Пенс изјави дека постигнал договор со турскиот претседател Реџеп Таип Ердоган за прекин на огнот во северна...

Регион18 часа

Рама: Направивме сè што побараа од нас

Го направивме тоа што го бараа, изјави албанскиот премиер Еди Рама., по состанокот со комесарот на ЕУ за соседска политика...

Македонија19 часа

Францускиот сенат го ратификуваше Протоколот за членство во НАТО

Францускиот Сенат го усвои предлог-законот за ратификација на Протоколот за членство на Република Северна Македонија во НАТО. Предлог-законот беше усвоен...

Свет20 часа

Лајен: Длабоко жалам, но најверојатно и денеска нема одлука за проширување

Нема сигнал дека на состанокот на лидерите на ЕУ во Брисел ќе биде постигната одлука за процесот на проширување на...

Регион21 час

(Видео) Борисов: Македонија е колку Софија, каков ризик може да биде?

Бугарскиот премиер Бојко Борисов пред почетокот на самитот на лидерите на ЕУ рече дека Македонија и Албанија треба да добијат...

Македонија21 час

(Видео) Пакети со хигиенски влошки ќе се донираат на сиромашни жени и девојчиња

Пакети со хигиенски влошки, кои граѓаните ги донираа денеска на собирен пункт во „Веро Центар“, ќе бидат поделени на жени...

Македонија23 часа

(Видео) Манчевски: Регистарот на населението ќе помогне за прочистување на Избирачкиот список

Регистарот на населението ќе биде алатка што ќе го помогне спроведувањето на пописот, а податоците од Регистарот ќе бидат искористени...

Македонија23 часа

Сивиот дом замина во историјата, децата од „Ранка Милановиќ“ сместени во групни домови

Во двата мали групни дома отворени денеска се згрижени децата што досега престојуваа во поранешната установа „Ранка Милановиќ“. Од денеска...

Топ1 ден

Скопјанец со пиштол на дијаболи сакал да ограби златарници во Охрид

Дваесет и тригодишен скопјанец со пиштол на дијаболи влегол во златарници во Охрид сакајќи да ги ограби. Според информациите на...

Македонија1 ден

(Видео) „Екогерила“: Масовна сеча на шума на Шара за да се градат хидроцентрали

Се опустошува шумата на Шар Планина, масовно се сечат дрвјата за да се градат хидроцентрали, апармираат невладините организации од Тетовскиот...

Топ1 ден

Расчистено убиството во Кочани – синот го избол татка си до смрт

Полицијата го расчисти убиството што се случи на крајот на септември во Кочани. Истрагата покажала дека синот со нож го...

Македонија1 ден

Заев-Тимерманс: ЕУ да донесе одлука за почеток на преговорите

Европската Унија сега треба да го направи одлучниот чекор и да донесе одлука за почеток на преговорите за пристапување во...

Европа1 ден

Постигнат договор за брегзитот

Договорот за брегзитот, конечно, е постигнат денес во Брисел, јавуваат странските медиуми. Велика Британија и ЕУ се согласија за новиот...

Македонија1 ден

Меркел: Се исплаќа на Северна Македонија и на Албанија да им се даде европска перспектива

„Мислам дека се исплаќа на Северна Македонија и на Албанија да им се даде европска перспектива“, порача германската канцеларка Ангела...

Досие