Контакт

Европа

Европскиот суд одлучи дека сите фирми ќе мораат да водат евиденција за работните часови

Објавено пред

Компаниите кои работат во земјите членки на ЕУ мора да воспостават систем за евиденција на работното време на нивниот персонал, пресуди Европскиот суд за правда (ЕСП).

Судот соопшти дека е неопходно да се евидентираат часовите на вработените за да можат правилно да се применат законските ограничувања во работното време.

„Со цел да се обезбеди ефикасност на правата предвидени во Директивата за работно време и Повелбата, земјите членки мораат да бараат од работодавачите да воспостават објективен, сигурен и пристапен систем што ќе овозможи мерење на работното време на секој вработен“, рече ЕСП во своето соопштение.

Секоја земја ќе може слободно да дефинира како да го имплементира таквиот систем, додаде тој.

Пресудата од 14 мај следува по случајот во кој шпански синдикат бара „Дојче банк“ да биде принудена да воспостави систем за евидентирање на работното време за своите вработени во Шпанија.

„Синдикатот сметаше дека таков систем ќе овозможи придржување до утврденото работно време и обврската утврдена со националниот закон да се обезбедат информации за прекувремена работа секој месец“, рече ЕСП.

„Дојче банк“ не го евидентирала работното време на своите вработени бидејќи рече дека шпанскиот закон бара само да води евиденција за прекувремени работни часови на вработените.

Според информациите наведени во изјавата на ЕСП, 53,7% од сработените прекувремени часови во Шпанија не се евидентирани. Шпанските компании, исто така, се законски обврзани точно да го знаат бројот на нормални работни часови со цел да утврдат дали биле сработени прекувремени часови.

Отсуството на систем за мерење на сработените часови секој работен ден од страна на секој вработен не дозволува и мерење на прекувремените часови, а со тоа и обезбедување на правата на работниците, истакна ЕСП.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Израелскиот „крал на дрогата“ им побегнал на Украинците при депортација

Објавено пред

Амос Дов Силвер, основач на најголемата светска мрежа за продажба на дрога преку интернет, побегнал од киевскиот меѓународен аеродром „Бориспил“, пренесе агенцијата „Тасс“.

Украинската национална полиција ја потврди ова информација.

„Да, бегството навистина се случило. Меѓутоа, полицијата не беше официјално информирана за тоа. Неговата екстрадиција беше одговорност исклучиво на Украинската служба за безбедност (СБУ), а тие не ја известија полицијата, јавниот обвинител или која било агенција вообичаено вклучена во вакви постапки. Затоа ова прашање е во нивна надлежност“, соопшти полицијата.

Од СБУ биле недостапни за коментар за руската агенција.

Претходно, украинскиот портал „Стен“ објави дека бегството на „кралот на дрогата“ се случило синоќа, кога тој бил донесен на аеродромот за да биде депортиран назад во Израел.

Според информациите на порталот, откако ја минал пасошката контрола, од глуждот му бил отстранет уредот за електронски надзор, по што се упатил кон бесцаринската зона и исчезнал.

Одлуката за депортација на израелскиот државјанин беше донесена на 15 август, но украинските власти за тоа не ги известиле израелските колеги и самите ја спровеле.

Силвер, има двојно државјанство американско и израелско, а беше уапсен во Киев, на барање на Израел.

 

Прикажи повеќе...

Европа

Путин и Макрон следната недела на средба во Франција

Објавено пред

Претседателите на Русија и Франција, Владимир Путин и Емануел Макрон, на состанок на 19 август ќе разговараат за начините за враќање на безбедноста во Европа. Средбата ќе се одржи во летната резиденција на Макрон, пет дена пред состанокот на членките на Г7.

Разговорите ќе се фокусираат и на соработката на Русија со Европската унија, рече денеска Јуриј Ушаков, советник на рускиот претседател за меѓународни работи.

„Освен билатералните односи, тие ќе разговараат за меѓународни прашања и европската безбедност, имајќи ја предвид улогата на Русија и Франција на европската политичка сцена и фактот дека и двете држави се постојани членки на Советот за безбедност на Обединетите нации“, рече Ушаков.

Тој додаде дека посебно интересно ќе биде прашањето за развојот на соработката меѓу Русија и ЕУ, имајќи ги предвид промените во водечките европски институции.

„Русија постојано ја искажува својата подготвеност да продолжи со политичкиот дијалог со ЕУ. Ние сакаме да ги обновиме контактите со раководството на Европската комисија и другите институции на ЕУ“, нагласи Ушаков.

Тој додаде дека најверојатно на средбата меѓу двајцата претседатели ќе се разговара и за прашањето за учеството на Русија во работата на парламентарното собрание на Советот на Европа.

Ушаков рече дека Путин и Макрон, исто така, ќе разговараат за плановите за одржување нов самит на четворката за Сирија, а меѓу најавените теми се и Иран и неговата нуклеарна програма, како и ситуацијата во Либија.

Прикажи повеќе...

Европа

Меркел планира средба со Џонсон во врска со брегзит

Објавено пред

Германската канцеларка Ангела Меркел сака во блиска иднина да се сретне со британскиот премиер Борис Џонсон за да разговатаат за брегзит и други прашања од заеднички интерес, изјави денеска портпаролот на германската влада во Берлин.

„Средбата би требало да се одржи наскоро“, рече портпаролот Штефен Зајберт, без да го прецизира датумот на состанокот, пренесе агенцијата АП.

Двајцата лидери ќе присуствуваат на Самитот Г7 во Франција, кој ќе се одржи од 24 до 26 август.

Прикажи повеќе...

Најново

Македонија10 часа

Пожарот над скопските села ставен под контрола, догаснувањето продолжува утре

Делумно е ставен под контрола шумскиот пожар кој избувна утрото околу 10 часот над скопските села Буковиќ, Раовиќ и Ласкарци....

Свет11 час

Ново убиство на метро станица во Германија, маж и жена избодени до смрт

Маж и жена се избодени до смрт на преполна метро станица во германскиот град Изерлон, соопшти полицијата, наведувајќи дека се...

Свет11 час

Салвини попушти, ќе ги прими малолетните мигранти

Италијанскиот министер за внатрешни работи, Матео Салвини потклекна под политичкиот притисок, и од меѓународната заедница, но и од внатрешно-политичкиот, околу...

Регион11 час

Бугарија на второ место во НАТО според буџет за одбрана

Бугарија е на второто место во НАТО според буџетот за одбрана во однос на бруто домашниот производ и веднаш зад...

Регион12 часа

Српски полицајци го спасија животот на 9-годишно дете на автопатот Ниш-Белград

Двајца сообраќајни полицајци од Србија станаа вистински херои во медиумите и на социјалните мрежи, откако успеаа да го спасат животот...

Свет14 часа

Јункер итно пренесен на операција

Претседателот на Европската комисија, Жан Клод Јункер го прекинал одморот и ќе биде итно опериран, соопшти ЕК. Според информациите, Јункер...

Свет15 часа

Незадоволен гостин уби келнер во ресторан во Париз

Келнер во француски ресторан бил убиен од страна на гостин, бидејќи предолго чекал сендвич, пренесуваат фарнцуски медиуми. Инцидентот се случил...

Регион19 часа

(Видео) Авион слета на автопатот Загреб – Риека откако му откажал моторот

На автопатот Загреб-Риека помеѓу Врбоско и Равна Гора, помал спортски авион слета на патот. Граѓани кои се возеле во автопатот...

Топ20 часа

Гори планината над Буковиќ

Пожар избувна изутринава на тешко пристапен терен над селото Буковиќ, во близина на Сарај. Како што дознава ,,Макфакс”, пожарот избувнал...

Свет20 часа

„Не сме на продажба“ – му порача Гренланд на Трамп

Владата на Гренланд соопшти дека нејзината територија не е на продажба, по извештаите дека претседателот на САД Доналд Трамп бара...

Свет22 часа

(Видео) Осум лица загинаа, а десет се повредени во пожар во хотел во Одеса

Осум лица загинаа, а десетина се повредени во пожар кој рано утрово изби во хотел во украинскиот град Одеса, соопшти...

Свет22 часа

Трамп планира да им продаде борбени авиони на Тајван за осум милијарди долари

Администрацијата на американскиот претседател Доналд Трамп го информираше Конгресот дека планира да му продаде борбени авиони Ф-16 на Тајван, во...

Култура22 часа

Почина актерот Питер Фонда, ѕвездата на филмот „Голи во седло“

Актерот Питер Фонда почина на 79-годишна возраст на својот имот во Лос Анџелес. Тој боледуваше од рак на белите дробови....

Македонија23 часа

Ленче Ристоскa: Со панични движења подлабоко се тоне во живиот песок

„Интересен феномен. Со продолжено или панично движење подлабоко се тоне во живиот песок“, напиша на Фејсбук обвинителката Ленче Ристоска, без...

Економија24 часа

„Алибаба“ прва на листата на 100 најдобри кинески интернет-компании

Кинескиот гигант за електронска трговија „Алибаба“ е прв на листата на 100 најдобри кинески интернет-компании. Веднаш зад „Алибаба“ се наоѓаат...

Македонија2 дена

Пациент со западнонилска треска хоспитализиран на Инфективна клиника

Пациент заразен со западнонилска треска е хоспитализиран на Клиниката за инфективни болести во Скопје. Од Центарот за јавно здравје соопштија...

Топ2 дена

Расветлено и второто убиство кај браната Турија – го застрелал, го ставил во резервоар за гориво и го фрлил во водата

Полицијата соопшти детали за убиството на струмичанецот кој се водеше за исчезнат, а неговото тело потоа беше пронајдено во водите...

Македонија2 дена

(Видео) Рустеми: Ако чувствував влијание од Јанева за моето сведочење, ќе пријавев

Бурим Рустеми вели дека одговорил на сите прашања од обвинителството поврзани со случајот „Рекет”. Тој не сакаше да каже дали...

Топ2 дена

Загина 26-годишен тетовец на патот Гостивар-Тетово

Дваесет и шестгодишен жител на селото Топлица, Врапчиште, синоќа загинал во сообраќајна несреќа, откако изгубил контрола на возилото и излетал...

Македонија2 дена

Битолчанец го враќа сонцето од Кутлеш на шахтите

Битолчанец ги враќа отстранетите ѕвезди од Кутлеш на шахтите во градот кои беа отстранети според преспанскиот договор. Тој направил шаблон...

Досие