Во Австрија е пронајдена прва тегла бебешка храна од брендот „Хип“ во која е потврдено присуство на отров за стаорци, по што полицијата издаде итно предупредување. Властите стравуваат дека контаминирани производи можеби се пуштени во продажба, а случајот е поврзан со уцена на производителот, јави „Хојте.ат“.

Контаминираната тегла, со вкус „морков и компир“, била пронајдена во Бургенланд и не била консумирана. Лабораториска анализа потврдила присуство на отров, а слични сомнителни производи се пријавени и во Чешка и Словачка.

Полицијата ги повика родителите да бидат внимателни и да не отвораат ниту да даваат на деца сомнителни производи. Како знаци за сомнеж се наведуваат оштетено пакување, недостиг на вакуумски затворач или необичен мирис.

Трговскиот ланец „Шпар Австрија“ превентивно ги повлече сите производи на „Хип“ од продажба и ги повика купувачите да ги вратат, со можност за рефундација и без сметка.

Во говор на настан во Детроит, во американската сојузна држава Мичиген, поранешната кандидатка за претседателка на САД, Камала Харис изјави дека израелскиот премиер Бенјамин Нетанјаху го вовлекол Доналд Трамп во конфликт со Иран.

Таа ја нарече администрацијата на Трамп „најкорумпираната во историјата на САД“, пренесе Фокс њуз.

Една од клучните точки на несогласување меѓу САД и Иран се однесува на ураниумот.

Американскиот претседател Доналд Трамп изјави дека Иран ќе го предаде својот збогатен ураниум, кој потоа ќе биде префрлен во САД. Сепак, заменик-министерот за надворешни работи на Иран ја отфрли изјавата на американскиот претседател како „неприфатлива“.

Директорот на руската државна компанија за нуклеарна енергија „Росатом“ изјави дека компанијата е подготвена да помогне во отстранувањето на збогатениот ураниум од Иран. Алексеј Лихачов посочи дека „Росатом“ внимателно го следи напредокот на мировните преговори меѓу САД и Иран.