Контакт

Свет

Експерти: „Кризата чука на врата“, пожарите во Грција сурова реалност на климатските промени

Објавено пред

Шумските пожари што веќе седум дена ја пустошат Евија, вториот по големина остров во Грција, евакуирајќи илјадници луѓе, се директен резултат на климатските промени, беше соопштено од страна на глобалниот конзорциум на експерти за време и климатски промени.

Од избувнувањето на пожарите минатиот вторник, грчката крајбрежна стража евакуираше повеќе од 2.000 луѓе од популарната туристичка дестинација, околу 60 километри североисточно од Атина, изјави портпаролот. Пожарникари од повеќе од 20 европски земји се во Евија за да помогнат во гаснењето на пожарот што уништи борова шума и неколку згради.

Но, некои веруваат дека помошта можеби е залудна.

„Веќе е предоцна, областа е уништена“, рече Јанис Конциас, градоначалник на северната општина Истија.

Светската метеоролошка организација соопшти дека пожарите, кои го покрија сонцето со чад среде топлотниот бран, нешто што не е забележано веќе три децении, се дел од синџирот на екстремни временски услови предизвикани од климатските промени како резултат на човечкото однесување.

Откако Меѓувладиниот панел на Обединетите нации за климатски промени (ИПЦЦ) објави извештај, генералниот секретар на СМО, професорот Петери Талас, во изјавата предупреди дека климатските промени се предупредување и дека некои се неповратни.

„Суровата реалност на климатските промени се одвива во реално време пред нашите очи“, истакна Талас, кој не се сомнева дека екстремните временски температури и пожарите во Европа и низ целиот свет се поврзани.

„Ова е пример за тоа со што ќе се соочат идните генерации. Некои негативни промени се веќе заклучени во климатскиот систем, но други сè уште можат да се решат ако сега силно, брзо и одржливо ги намалиме емисиите на штетни гасови“, додаде тој.

Грчкиот премиер Кирјакос Мицотакис се извини за грешките во сузбивањето на разорните пожари што ги зафатија деловите на Грција. Мицотакис вети дека грешките ќе бидат утврдени и исправени и повика на единство.

„Целосно ја разбирам болката на нашите сограѓани кои гледаа како им горат куќите или имотот“, рече тој.

Европа

Швајцарија на референдум кажа „да“ за истополовите бракови

Објавено пред

На денешниот референдум, швајцарските граѓани дадоа зелено светло за истополовите бракови и посвојувањето на деца од страна на геј двојките.

Според податоците објавени од федералната влада, 64,1 отсто од избирачите гласале за истополови бракови.

„Многу сме среќни“, рече Антонија Хаусвирт од националниот комитет „Бракови за сите“, додавајќи дека поддржувачите на истополовите бракови вечерва слават во Берн.

„Амнести Интернешнл“ објави дека ова гласање е голем чекор во рамноправноста.

Швајцарската министерка за правда Карин Келер-Зутер рече дека законот ќе стапи во сила на 1 јули 2022 година.

Прикажи повеќе...

Свет

Проекции: Социјалдемократите со мало водство пред конзервативците на изборите во Германија

Објавено пред

Според проекциите на две германски телевизии, Социјалдемократската партија на Германија (СПД) на денешните парламентарни избори освои околу еден процент повеќе гласови од конзервативната коалиција.

Според проекцијата на АРД, врз основа на резултатите од излезната анкета и првичното пребројување на гласовите, СПД доби 25,5 проценти од гласовите, а конзервативната коалиција на Христијанско -демократската унија (ЦДУ) и Христијанско -социјалната унија (ЦСУ ) 24,5 проценти.

Телевизиската проекција на ЗДФ покажува дека СПД, чиј кандидат за канцелар е Олаф Шолц, освои 25,7 проценти, а Демохристијаните, предводени од Армин Лашет, освоија 24,6 проценти од гласовите.

И двете проекции предвидуваат дека Зелените преводени од Аналена Бербок се на третото место, со околу 14 проценти од гласовите.

Според проекциите, Бундестагот ја вклучува и либералната Слободна демократска партија (ФДП) со околу 12 проценти од гласовите, екстремно десничарската Алтернатива за Германија (АфД) со која никој не сака да соработува со околу 11 проценти , и Левица, која е на крајно левичарски позиции, со околу пет проценти.

На претходните избори, одржани во 2017 година, ЦДУ имаше 32,9 проценти од гласовите, СПД 20,5 проценти, Зелените 8,9 проценти, ФДП 10,7 проценти, АфД 12,6 проценти и Левицата 9,2 проценти.

Тесниот резултат на денешните избори сугерира дека претстојат долги преговори за нова влада и оти е неизвесно кој ќе ја наследи канцеларката Ангела Меркел, која се пензионира по 16 години на чело на владата.

Доколку излезните анкети се покажат како точни, резултатот на ЦДУ ќе биде негов најлош во повоената историја на Германија.

Процесот за формирање нова коалиција може да трае со месеци, а Меркел ќе остане на чело на техничката влада, таканаречената голема црно-црвена коалиција, која ги вклучува и ЦДУ-ЦСУ и СПД.

Партијата што освои најмногу гласови на изборите нема загарантирано канцелариско место.

СПД може да ја формира таканаречена „семафор коалиција“ со Зелените и ФДП. Додека Зелените традиционално се вртат кон социјалдемократите, главната пречка за таа црвено-зелено-жолта коалиција е тоа што либералите претпочитаат да дојдат на власт со идеолошки поблиските демохристијани.

Најголемата шанса на Лашет да ја добие функцијата канцелар би била коалицијата ЦДУ-ЦСУ со Зелените и либералите. За оваа „јамајканска коалиција“, таканаречена поради црно-зелено-жолтата партиска боја, најголемата пречка е јазот меѓу демохристијаните и Зелените во буџетската и финансиската политика.

По објавувањето на резултатите врз основа на излезните анкети, и демохристијаните и социјалдемократите изразија надеж дека ќе формираат владејачка коалиција и дека нивниот кандидат ќе ја наследи Меркел.

Конзервативниот лидер Лашет рече дека неговата коалиција ќе стори сé за да формира нова влада, иако, како што рече, „тие не можат да бидат задоволни со резултатите“ врз основа на излезните анкети.

Тој изјави дека таквиот исход на изборите „претставува голем предизвик за Германија, ЦДУ и сите демократски партии“.

Социјалдемократската партија на Германија објави дека смета дека и е даден мандат за формирање владејачка коалиција и дека нејзиниот кандидат Олаф Шолц треба да стане канцелар.

Шолц го оцени резултатот од СПД како „голем успех“, наведувајќи дека многу гласачи гласале за таа партија затоа што сакаат промена на власта.

„Сега ќе ги чекаме конечните резултати, но потоа ќе се фатиме за работа“, порача Шолц.

Прикажи повеќе...

Европа

Излезни анкети во Германија: Мртва трка помеѓу ЦДУ и СПД

Објавено пред

Според првичните прогнози по парламентарните избори во Германија, демохристијаните (ЦДУ/ЦСУ) и социјалдемократите (СПД) освоија по 25 проценти од гласовите.

На трето место се Зелените со освоени 15 проценти од гласовите. Либералите (ФДП) и деснопопулистичката АфД имаат по 11 отсто гласови, Левица освои 5 проценти, а преостанатите 8 отсто од гласовите ги делат другите партии кои се тркаа за место во Бундестагот, пишува „Дојче Веле“.

Од 18 часот се затворија избирачките места. Околу 60,4 милиони Германци имаа можност да одлучат за идниот состав на парламентот, и индиректно за идниот канцелар, што ќе ја наследи Ангела Меркел.

До рано попладнево одзивот на изборите беше помал отколку пред четири години. До 14 часот, на гласање изглегле 36,5 проценти од граѓаните со право на глас.

Прикажи повеќе...

Најново

Свет39 минути

Проекции: Социјалдемократите со мало водство пред конзервативците на изборите во Германија

Според проекциите на две германски телевизии, Социјалдемократската партија на Германија (СПД) на денешните парламентарни избори освои околу еден процент повеќе...

Топ5 часа

Пронајден починат лекар во Психијатриската болница „Скопје“

Дежурен лекар во Психијатриската болница „Скопје“ бил пронајден починат синоќа по полноќ на работното место. Како што соопшти МВР, здравствениот...

Регион6 часа

Борел: Ја следиме ситуацијата на северот на Косово, провокациите се неприфатливи

Високиот претставник на ЕУ, Жозеп Борел рече дека внимателно се следи ситуацијата на северот на Косово и им кажа на...

Македонија6 часа

Регистрирани 336 нови случаи на коронавирус, починаа 17 лица

Во последните 24 часа направени се 3.425 тестирања, а регистрирани се 336 нови случаи на Ковид-19: Скопје – 169, Велес...

Македонија10 часа

ВМРО-ДПМНЕ тврди дека Шилегов исплаќал милионски суми на наместени тендери

Опозициската ВМРО-ДПМНЕ, на прес-конференција обвини дека градоначалникот на Град Скопје, Петре Шилегов исплаќал милионски суми на наместени тендери, а случајот го...

Македонија10 часа

(Видео) Заев се попиша: „Конечно ќе добиеме релевантни податоци за креирање на реални политики“

Претседателот на Владата, Зоран Заев, заедно со своето семејство во својот дом во Струмица, ја исполни граѓанската должност и законска...

Европа13 часа

Германија бира наследник на Меркел

Околу 60,4 милиони Германци денеска на федералните избори, имаат можност да одлучат за идниот состав на парламентот, и индиректно за...

Македонија13 часа

Од утре изборна кампања

Од утре стартува изборната кампања за Локалните избори што се закажани на 17 октомври. Кампањата ќе заврши на 15 октомври...

Македонија1 ден

Регистрирани 392 нови случаи на коронавирус, починаа 20 лица

Во последните 24 часа направени се 4.633 тестирања, а регистрирани се 392 нови случаи на Ковид-19: Скопје – 180, Куманово...

Македонија1 ден

Заев за виенски „Стандард“: ЕУ треба да го забрза процесот на донесување одлуки

„Понекогаш членките на ЕУ ја забораваат причината зошто работиме заедно, а тоа е затоа што сме заемно корисни. ЕУ е...

Европа1 ден

(Видео) Ерупцијата на вулканот на шпанскиот остров влезе во најинтензивната фаза

Реки лава течеа низ вулканот на шпанскиот остров Ла Палма ноќта помеѓу петокот и саботата, поради што локалниот аеродром беше...

Регион1 ден

Татко си ги задавил трите деца во Загреб, oставил писмо на „Фејсбук“

Три малолетни деца биле задавени од страна на нивниот татко во стан во Загреб, во населбата Млинови. Полицијата на местото...

Европа2 дена

Кој ќе ја наследи Меркел: Изборите се неизвесни, постизборните сојузи се уште понеизвесни

Околу 60,4 милиони Германци в недела, 26 септември на федералните избори, имаат можност да одлучат за идниот состав на парламентот,...

Македонија2 дена

Заклучен избирачкиот список, кампањата почнува в понеделник

Државната изборна комисија го заклучи избирачкиот список, со што од понеделник почнува кампањата за локалните избори закажани на 17 октомври....

Македонија2 дена

Досега се попишани околу 1,4 милион граѓани, пописот ќе заврши во четврток

Заклучно до вчера до 12 часот попишани се вкупно 1.395.000 граѓани, над 435.000 домаќинства и над 600.000 станови, а се...

Македонија2 дена

Нови 525 случаи на коронавирус, починаа 12 лица

Во последните 24 часа во Македонија се потврдени 525 нови случаи на коронавирус, 449 оздравеа, а 12 лица починаа, информира...

Македонија2 дена

Осумдесет oтсто од хоспитализираните со Ковид-19 се невакцинирани

Министерството за здравство ја објави анализата на вакцинирани од позитивни случаи на Ковид-19 во периодот од 6 август заклучно со...

Македонија2 дена

Еврејската заедница во Македонија смета дека со бришењето на терминот „бугарски“ се искривува историската вистина

Eврејската верска заедница и Фондот на холокаустот на Евреите од Македонија велат дека не се согласуваат со намерата за бришење...

Европа2 дена

Норвешка од утре ги укинува сите ковид-мерки

Норвешка ќе ги укине сите рестриктивни мерки воведени поради пандемијата на коронавирус, објави владата. „Поминаа 561 ден откако ги воведовме...

Европа2 дена

„Епл“ реагира на одлуката дека во ЕУ ќе мора да има универзален полнач за сите мобилни телефони

Европската Унија денеска објави дека ќе нареди воведување на универзални полначи за мобилните телефони. Овој потег го налути „Епл“, кој...

Досие