Контакт

Свет

Експлозија на бомба во Авганистан, загинаа седум лица

Објавено пред

Во експлозија на бомба на патот во Авганистан загинаа седум цивили, изјави официјален претставник.

Никој не ја презеде одговорноста за бомбашкиот напад во областа Џагату, во провинцијата Газни, пренесува АП.

Според локалните власти, три жени, две деца и двајца мажи загинале кога нивното возило налетало на бомбата на патот.

Според извештајот на Обединети нации во првите шест месеци од годината во вооружени судири во Авганистан загинаа 1.282 луѓе, а стотици се повредени. Повеќе од 40 проценти од цивилните жртви се жени и деца.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Израел повторно ја затвори земјата, граѓаните незадоволни

Објавено пред

Израел е меѓу земјите со најголем број на заразени со коронавирус. Владата затоа воведе нов локдаун. Таа одлука наиде на отпор кај населението, пишува „Дојче веле“.

Земјата беше во локдаун и за време на Пасха, еврејски празник во април, кога изостанаа сите видови прослави. Израелската влада сега одлучи по втор пат да забрани движење – само неколку часа пред почетокот на еврејската Нова година.

Одлуката за повторно воведување на забрана за движење ја дели нацијата. Според новите правила, на Израелците им е дозволено да се оддалечат максимум еден километар од своите домови. Долг список на ограничувања и исклучоци беше објавен во четвртокот.

„Ситуацијата е апсурдна. Нема доверба во одлуката за ново затворање на земјата“, вели Анат Дример. Последното купување го извршила на пазар во Ерусалим. “Многумина се бесни и збунети во исто време. Не беше добро подготвено. Ниту минатиот пат немаше јасна стратегија да се излезе од локдаунот. И сега започнува нов циклус на ужас”.
Економијата сè уште не е закрепната.

Анат Дример е актерка и нема работа од почетокот на пандемијата. „Не знам кога повторно ќе можеме да работиме нормално и дали некој ќе се грижи за нас. Имам впечаток дека многу работи се прават само заради политички и религиозен притисок“.

Израелската економија сè уште не е опоравена од првата блокада што се случи во март и април. Премиерот Бенјамин Нетанјаху тогаш доби пофалби од сите страни за начинот на кој ја решава кризата и работи на борбата против пандемијата.

Но, од тогаш, критиките кон владата растат: веќе со месеци граѓаните протестираат секоја недела пред резиденцијата на премиерот во Ерусалим. Причината е неговата афера со корупција, но и начинот на кој владата ја решава кризата со коронавирусот.

Израел сега е меѓу земјите со најголем број на заразени. Но, додека бројот на нови случаи продолжи да расте во последните неколку недели, политичарите, медицинските лица и ултраортодоксните донесувачи на одлуки само одлучија регионално да ги ограничат ноќните излегувања во градовите и градските квартови.

Нејасната насока и попустливост на владата кон разни интересни групи налути многу граѓани. Претседателот Реувен Ривлин призна дека израелското раководство ги разочарало граѓаните. „Го разбирам чувството на збунетост, несигурност и страв кај многу граѓани. Разбирам и пред сè сакам да се извинам за тоа”, рече Ривлин.

Прикажи повеќе...

Свет

Насукани 270 китови на брегот на Тасманија, во тек е спасувачка операција на преживеаните

Објавено пред

Најмалку една третина од 270 китови кои се насукаа покрај брегот на островот Тасманија во Австралија умреле, а тој број може да се зголеми.

Во понеделникот беше откриено масовно заглавување китови на плажата, а спасувачите веднаш дојдоа да спасат што повеќе животни.

Не е познато зошто толку многу китови се приближиле до брегот. Последното вакво насукување било забележано во 2009 година, кога на брегот заглавиле околу 200 китови, пишува Би-би-си.

Четириесет спасувачи ги вратиле преживеаните китови назад во подлабока вода за да заздрават.

„Ако покажат знаци дека се подобри, следниот чекор е да се испратат уште подлабоко“, рекоа спасувачите и објаснија дека заглавените китови можат да преживеат три до четири дена, а оние што преживеале досега се во добра состојба бидејќи биле на мокро и студено.

Иако ова е честа појава, научниците сè уште не знаат зошто китовите се заглавуваат. Тие веруваат дека тоа го прават во толку големи групи затоа што се поврзани така што кога некој оди кон брегот, сите други одат по него.

Прикажи повеќе...

Свет

„Сите мораме да соработуваме“, порачаа светските лидери на годишнината на Обединетите нации

Објавено пред

Светските лидери за време на специјалната сесија на ООН посветена на 75-годишнината од основањето на таа организација се согласија дека е потребна посилна соработка.

Тоа е, како што беше истакнато, особено важно во случај на глобални проблеми како што е пандемијата на коронавирусот.

Германската канцеларка Ангела Меркел изјави дека по Втората светска војна, ООН учествувале во воспоставувањето нов светски поредок и заедница за зачувување на мирот и иднината. Сепак, канцеларката истакна дека ООН премногу често мора да заостанува зад своите идеали, бидејќи интересите на одделни земји членки одвреме-навреме спречувале овој поредок да функционира на начинот на кој првично било замислено. Канцеларката посочи дека оние кои веруваат дека самите можат подобро грешат.

„Нашиот свет е нешто што го споделуваме, исто така и нашето страдање. Ние сме еден свет“, истакна Меркел.

Таа се осврна на пандемијата Ковид-19 и рече дека ова е еден од примерите што покажува дека глобалните проблеми бараат глобална соработка надвор од националните граници и на сите нивоа.

Шпанскиот крал Филип Шести изрази благодарност за постоењето на ООН, како и благодарност до сите оние без кои оваа организација немала да постои и на сите кои учествувале и кои учествуваат во реализацијата на нејзината мисија.

Кралот посочи дека е потребно поголемо единство и соработка меѓу народите, како што покажа пандемијата Ковид-19, со која целиот свет во моментов се бори.

Шпанскиот крал рече дека идејата за посветеност е важна за ООН и во тој контекст посочи дека Шпанија ќе остане лојална членка на ООН и сигурен партнер на другите земји кои се нејзини членки.

Претходно на сесијата, претседателот на Европскиот совет, Шарл Мишел, оцени дека предизвиците на иднината не се исти денес како и пред 75 години, кога беа основани Обединетите нации, и дека овие предизвици бараат наше целосно залагање и борба за универзалните вредности.

Како што рече, и како политичар и како граѓанин, тој е загрижен за иднината на планетата и би сакал да осигури дека неговите и другите деца ќе имаат слобода и почит, свет без дискриминација, како и пристап до вода и „ќе ги рашират крилјата“.

Претставникот на САД изјави дека институциите постојат за да им служат на луѓето, како и дека САД се горди што ѝ служат на ООН 75 години.

ООН претрпе неверојатна еволуција, рече американскиот претставник и посочи дека САД се најголем донатор на ООН за сите 75 години.

Кинескиот претседател Шји Џјинпинг рече дека пандемијата Ковид-19 е голем предизвик за човештвото, и поради новата реалност, светот мора да размисли каква ООН сака во ерата по пандемијата.

Како што рече, сите мора да работиме заедно за да обезбедиме безбедност, што е императив.

Францускиот претседател Емануел Макрон изјави дека многу градители на мирот се обврзале да работат во служба на ООН на различни нивоа.

Како што рече, постои посветеност и потреба да се соочиме со реалноста.

Прикажи повеќе...

Најново

Македонија21 минута

Училишниот час ќе трае пократко од 40 минути, постои можност и учебната година да заврши порано

Собранието вчера вечерта ги изгласа измените на Законите за основно и средно образование со кои се обезбедува непречено организирање на...

Македонија38 минути

Од почетокот на пандемијата во Македонија починаа 700 лица

Од почетокот на пандемијата досега починаа 700 лица, откако вчера беше потврдена смртта на уште 7 пациенти. Меѓу починатите вчера...

Свет1 час

„Сите мораме да соработуваме“, порачаа светските лидери на годишнината на Обединетите нации

Светските лидери за време на специјалната сесија на ООН посветена на 75-годишнината од основањето на таа организација се согласија дека...

Македонија2 часа

Собраниска седница за избор на заменик-министри во Владата

Собранието денеска треба да ја одржи 13-тата седница на чиј дневен ред е предлогот за именување на заменик-министри во Владата....

Македонија3 часа

Димитров во прва работна посета на Брисел од формирањето на новата Влада

Заменик-претседателот на Владата задолжен за европски прашања, Никола Димитров, денеска ќе престојува во работна посета на Брисел, што всушност е...

Македонија12 часа

Игор Јанушев се повлече од функцијата

Централниот комитет на ВМРО-ДПМНЕ вечерва избра нови членови на Извршниот комитет на партијата. Генералниот секретар на партијата, Игор Јанушев, се...

Македонија12 часа

(Видео) Мицкоски: Предложив вонреден конгрес на кој јас нема да бидам претседател, но предлогот беше одбиен

Лидерот на ВМРО-ДПМНЕ, Христијан Мицкоски, предложил вонреден конгрес за избор на нов лидер, каде што тој нема да се кандидира,...

Македонија18 часа

Седум лица починаа од коронавирус, потврдени се 45 нови случаи

Министерството за здравство информира дека во последните 24 часа се направени 552 тестирања, а регистрирани се 45 нови случаи на...

Свет18 часа

СЗО ѝ се заблагодари на Русија за напорите за развој на безбедна и ефикасна вакцина против коронавирусот

Првата официјално регистрирана вакцина против Ковид-19, развиена од Институтот за епидемиологија и микробиологија при Научноистражувачкиот центар „Гамалеја“, сега се наоѓа...

Македонија19 часа

Пратениците на Беса го напуштија СДСМ во Собранието, но договорот за коалиција не се растура

Четворицата пратеници на партијата Беса од денеска во Собранието нема да дејствуваат како дел од коалицијата со СДСМ туку како...

Македонија19 часа

Станиците Битола 1 и Миладиновци не мерат ПМ10 оти дотраените инструменти биле извор на радијација

Мерните станици се во функција, но дел од инструментите кои ги мерат ПМ10-честичките не работат, велат од Министрството за здрава и...

Македонија20 часа

Драма во Струмица: Роднини насилно го однеле телото на починат пациент, заедно со болничкиот кревет

Роднини и пријатели на пациент кој починал во струмичката болница насилно го зеле телото сосе болничкиот кревет и преку оградата...

Економија21 час

Наместо карго-аеродром во Штип, ќе се градат училишта, водовод и канализации, соопшти Бектеши

Министерството за економија лани направило измени на Законот за јавно приватно партнерство со кој се отвора можноста средствата предвидени во...

Македонија22 часа

Од Германија екстрадиран Јетон Љужа, обвинет за убиството на Саздо

Третообвинетиот Јетон Љужа во случајот за убиството на Никола Саздовски-Саздо денеска бил екстрадиран од Германија, соопшти МВР. „Денеска од Германија...

Европа24 часа

Две волонтерки претрпеле невролошки проблеми по примањето на оксфордската вакцина

Две лица се разболеле за време на испитувањето на вакцината против коронавирусот на компанијата „Астра Зенека“ во Велика Британија, откриваат...

Економија24 часа

Сојузот на стопански комори предложи 25 мерки за економски спас

Сојузот на стопански комори на Македонија минатата недела достави 25 мерки за економски спас, кои очекува Владата да ги усвои...

Македонија1 ден

Приведено лицето кое нападна лекар на токсикологија, Филипче го осуди инцидентот

Приведено е лицето кое вчера го нападна дежурниот лекар на Клиниката за токсикологија, бидејќи го препратил неговото малолетно дете на...

Свет1 ден

Гутереш: Ширете го мирот за да се борите со коронавирусот

Генералниот секретар на ОН, Антонио Гутереш, во своето годишно обраќање во Генералното собрание на светската организација истакна дека повторно ќе...

Македонија1 ден

Денеска ќе се одлучува дали ќе има дневен престој во училиштата

Комисијата за заразни болести денеска на состанок ќе расправа за воведување целодневен престој во училиштата. Директорот на Здравствен дом Скопје,...

Свет2 дена

САД постигнаа нов рекорд со повеќе од еден милион тестови дневно

САД поставија нов рекорд со повеќе од милион тестови за коронавирус за еден ден, но експертите велат дека им требаат...

Досие