Со 200 гласа „за“ наспроти 117 „против“ британската премиерка, Тереза Меј, вечерва го преживеа гласањето недоверба. На Меј ѝ е сигурна позицијата една година, период во кој не смее да се одржи повторно гласање недоверба, пренесуваат британските медиуми.

Како што се наведува, на Меј ѝ биле потребни најмалку 159 гласа од пратениците од Конзервативната партија за да го преживее гласањето.

Таа претходно на пратениците им порача дека нема да распише вонредни избори и дека планира да се повлече пред следните избори, кои се најавени за 2022 година.

Германската полиција е во лов на двајца браќа, Чекат и Сами Шериф, по придружувањето на операцијата на француските колеги, кои приведоа четворица членови на семејството на терористот, кој пред два дена во Стразбур уби тројца, а рани 12 лица, извикувајќи „Алаху Акбар“.

Уапсни се мајката, таткото и двајца браќа на терористот, а се претпоставува дека тој е во Германија. Портпаролот на полицијата потврдил дека во радиус од 30 километри по должината на француско-германската граница се трага по двајца мажи за кои се претпоставува дека го извеле нападот, пишува ДПА.

Осомничениот, кој е идентификуван како Чекат Шериф (29), е роден во Стразбур, а во полициските документи со неговото име стои ознака С, што значи државна сигурност и се смета дека е исламистички радикализиран.

Француската полиција објави повик за помош во потрагата по осомничениот.

Тој претходно ѝ бил познат на полицијата како некој што преминал во екстремна форма на ислам, а бил во затвор за кривични дела, меѓу кои и за грабеж. Полицијата предупреди дека доколку некој го види осомничениот, да не му се приближува, туку само да се јави во полиција и да пријави.

Словачка ќе купи 14 воени авиони „Ф-16“ од „Локид Мартин“ за да ги замени советските „мигови“. Словачкиот министер за одбрана, Петер Гајдош, потпиша договор со потпретседателот за меѓународен развој на „Локид Мартин“, Асном Вуговски, според кој првите четири авиони ќе бидат испорачани до 2022 година, а остатокот в година, пренесе АП.

Премиерот Петер Пелегрини рече дека неговата земја ќе ги плати авионите повеќе од 1,6 милијарда евра.

Договорот вклучува и муниција, обука на пилоти и друг персонал и логистички сервиси.