Контакт

Свет

Ереван има доказ дека Турција ги контролира воените операции во Нагорно-Карабах

Објавено пред

Ерменија има докази дека турската воена команда ги контролира воените операции на Азербејџан во Нагорно-Карабах, изјави ерменскиот премиер, Никол Пашинјан, во интервју за француски „Фигаро“.

Пашинјан побара да се прекине членството на Турција во групата од Минск, основана во 1992 година за да преговара за мирно решавање на конфликтот во Нагорно-Карабах, поради нејзиниот агресивен и пристрасен став кон конфликтот во Нагорно-Карабах и истакна дека оние што го почнаа тековниот конфликт треба да му стават крај покажувајќи со прстот кон Анкара и Баку.

„Учеството на Турција во групата од Минск мора да биде суспендирано бидејќи оваа земја демонстрира пристрасен и воинствен пристап. Затоа повеќе не може да биде медијатор“, рече тој.

Ерменија се надева дека групата од Минск на ОБСЕ ќе помогне да се надмине сегашната криза во Нагорно-Карабах.

„Групата од Минск е единствениот формат на преговори што постојат денес. Претседателите на Русија и Франција испратија силна порака. Го чекаме активното учество на меѓународната заедница во напорите да се запре агресијата. Во оваа фаза спротивната страна не покажува апсолутно никаква намера да ги запре непријателствата“, вели Пашинијан.

Ерменскиот премиер рече дека 30 отсто од убиените од азербејџанска страна се странски борци и истакна дека Анкара одлучила да ги предводи воените операции против Ереван бидејќи Баку не е во состојба да контролира платеници.

Ереван претходно рече дека турски „Ф-16“ соборил еден од своите авиони „су-25“, тврдење што Анкара категорично го негира и го нарече лага и нова фантазија на ерменската воена пропагандна машина.

Пашинјан посочи дека Анкара не само што ги контролира воените операции на Баку во Нагорно-Карабах туку и воено го поддржува Азербејџан.

„Меѓународната заедница, особено американската јавност, мора да знае дека ‘Ф-16’, произведен во САД, сега се користи за убиство на Ерменци во овој конфликт. Има доказ дека турските воени команданти се директно вклучени во водењето на офанзивата“, рече Пашинјан.

Пашинијан додаде дека Турција собрала и прераспредели илјадници платеници и терористи од зоните што ги окупираат на северот на Сирија. Тој се осврна и на ерменскиот геноцид велејќи дека Турција сака да го заврши почнатото пред 100 години – да ги истреби Ерменците.

Односите меѓу Ерменија и Турција се затегнати поради масовните убиства на Ерменците за време на Првата светска војна. Меѓу 1915 и 1917 година силите на Отоманската Империја убија повеќе од 1,5 милион Ерменци, што според Ереван е геноцид.

Тврдењето на Ерменија е признаено од 30-ина земји, но Турција ги негира обвинувањата за геноцид и тврди дека и Турците и Ерменците починале како резултат на конфликтот. Анкара исто така верува дека бројот на жртвите е многу помал, само стотици илјади.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Главниот преговарач на Европската Унија: Подготвени сме да ги продолжиме преговорите со Велика Британија

Објавено пред

Европската Унија ја префрли топката на британска почва велејќи дека сега останува на Лондон да го направи следниот чекор кога британскиот премиер Борис Џонсон се закани дека ќе ги напушти разговорите за идните трговски односи.

„Потврдувам дека ЕУ е сè уште достапна за интензивирање на разговорите со Лондон оваа недела на сите теми и врз основа на сите законски текстови“, изјави денеска главниот преговарач на ЕУ, Мишел Барние, по телефонскиот разговор со британскиот преговарач Дејвид Фрост.

„Сега ја чекаме реакцијата на Обединетото Кралство“, додаде Барние.

Неговата изјава доаѓа во време кога двете страни меѓусебно се обвинуваат за застој во овие исклучително важни преговори. Европските лидери минатата недела ја повикаа Велика Британија да ги преземе неопходните чекори, така што трговскиот договор би бил готов до 1 јануари в година кога истекува преодниот рок по брегзитот.

По излегувањето од ЕУ, Велика Британија влезе во преоден период што ѝ дозволи да тргува со земјите на ЕУ под истите услови како порано.

Џонсон во петокот рече дека преговорите не треба да продолжат доколку ЕУ не преземе фундаментално поинаков пристап. Иако не се откажал целосно од преговорите, Џонсон посочува дека неговата држава е подготвена за сценарио во австралиски стил.

Австралија нема посебен договор со ЕУ, па затоа тргува со Европската Унија според правилата на Светската трговска организација.

Прикажи повеќе...

Европа

Целосна забрана за движење во Велс

Објавено пред

Во Велс ќе стапи во сила целосна забрана за движење од 23 октомври до 9 ноември, со исклучок само на вработените во службите за итни случаи, а ќе бидат забранети и домашни посети, објави денеска премиерот Марк Дрејкфорд.

„Комплетното двонеделно затворање е најдобрата шанса да се воспостави контрола врз вирусот и со тоа да се избегне многу долг карантин, што би ни нанело неспоредливо поголема штета“, рече Дрејкфорд.

Тој посочи дека сега е време граѓаните да покажат единство.

Одлуката на владата на Велс изврши нов притисок врз британскиот премиер Борис Џонсон, кој одби да го прифати советот на здравствените работници да размисли за привремено затворање на земјата бидејќи секое одложување ќе доведе до опасно ширење на епидемијата со катастрофални последици.

Во неделата во Велс беа регистрирани 950 нови случаи на Ковид-19.

Прикажи повеќе...

Свет

Руската вакцина ќе се произведува во Индија, Бразил, Кореја и во Кина

Објавено пред

Руската вакцина против коронавирусот „спутник V“ ќе се произведува во Индија, Бразил, Јужна Кореја и во Кина, објави генералниот директор на Рускиот фонд за директни инвестиции, Кирил Дмитријев.

„Потврдуваме дека ќе можеме да испорачаме големи количини во декември. Ќе произведуваме во Индија, Бразил, Кореја, Кина и во уште една земја“, рече Дмитријев, цитиран од ТАСС.

Претходно денес, портпаролот на Кремљ, Дмитриј Песков, изјави дека вакцината „спутник V“ е активно промовирана на светските пазари по што побарувачката се зголемила.

Русија на 11 август објави дека ја регистрирала вакцината против коронавирусот „спутник V“, што ја развива Центарот за истражување „Гамалеја“ при Министерството за здравство и дека клиничките испитувања успешно завршиле во јуни и јули.

Прикажи повеќе...

Најново

Македонија4 часа

Во Скопје 2.674 активни случаи на коронавирус, најмногу во Аеродром, Карпош и во Центар

Во Скопје во моментот има 2.674 активни случаи на коронавирус од вкупно 5.550 во целата држава. Најмногу активни случаи во...

Свет5 часа

Студија: повеќе од половина од луѓето што прележале Ковид-19 чувствуваат симптоми и по неколку месеци

Повеќе од половина од луѓето што биле отпуштени од болница по заболувањето од Ковид-19, чувствуваат симптоми, како што се отежнато...

Македонија7 часа

Дванaесет починати и 161 нов случај на коронавирус во Македонија

Дванaесет лица починаа, а потврден е 161 нов случај на коронавирус во земјата во последните 24 часа, соопшти Министерството за...

Македонија8 часа

Кумот на Груевски во притвор поради плацовите на Водно

Кривичниот суд во Скопје му изрече 30 дена притвор на Ристо Новачевски, кој се товари за сторено кривично дело перење...

Македонија8 часа

Филипче: Ситуацијата е навистина сериозна, следен чекор би бил полициски час

Министерот за здравство, Венко Филипче, соопшти дека утре до Владата ќе биде предложен дополнителниот сет мерки за превенција од коронавирусот....

Свет9 часа

Европската агенција за лекови ќе ги разгледа резултатите од студијата на СЗО за лекот ремдесивир

Европската агенција за лекови (ЕМА) ќе ги разгледа резултатите од студијата на Светската здравствена организација (СЗО) за антивирусниот ремдесивир, што...

Македонија9 часа

(Видео) Пендаровски: Научните аргументи и вистината за јазикот се на наша страна и од нив никој разумен не може да се откаже

Претседателот Стево Пендаровски денеска се обрати на отворањето на манифестацијата Отворени денови на Институтот за македонски јазик „Крсте Мисирков“. Овогодишниот...

Топ9 часа

Инспекторите растурија свадба во Глумово со 250 гости, следи кривична пријава

Инспекторите откриле уште еден случај на масовно непочитување на мерките против коронавирус во околината на Скопје. Синоќа во периодот од...

Македонија9 часа

Од отворањето на градинките, од корoнавирус заболеле 18 деца и 55 вработени

Од отворањето на градинките на 9 септември досега од коронавирус заболеле 18 деца и 55 вработени, информира министерката за труд...

Македонија11 час

Приведен кумот на поранешниот премиер Никола Груевски, за плацевите на Водно

По наредба на Обвинителството за организиран криминал и корупција, полицијата утрово го приведе Ристо Новачевски, кум на Никола Груевски, а...

Свет13 часа

(Видео) Запалени две цркви на протестите во Чиле

Најмалку две цркви се запалени во главниот град на Чиле, а илјадници луѓе се собраа на улиците на првата годишнина...

Европа13 часа

(Видео) „Фајзер“ произведе стотици илјади дози вакцина против Ковид-19

Фармацевтската компанија „Фајзер“ објави видео кое покажува дека веќе има произведено стотици илјади дози вакцина против коронавирус во својата белгиска...

Свет13 часа

Научниците предупредуваат: Заразата со коронавирус на отворено не е невозможна, но е ретка

И покрај тоа што речиси целиот документиран пренос на коронавирус се случил во затворен простор, експертите велат дека е оправдано...

Свет14 часа

Европа ги надмина сите рекорди – многу земји воведуваат построги мерки

Европа, соочена со вториот бран на пандемијата, го премина прагот на 250.000 смртни случаи од коронавирус. За една недела се...

Свет14 часа

(Видео) Се качил на кулата на Трамп во Чикаго и барал да разговара со претседателот

Неидентификуван маж се качил на кулата на Трамп во Чикаго, барајќи да разговара со претседателот на САД и медиумите. Мажот,...

Македонија14 часа

Ковид-19 го прележале над 17 илјади лица во земјава

Од Ковид-19 досега оздравеле 17.239 лица во земјава, покажуваат податоците на Министерството за здравство. Вкупната бројка на ковид-дијагностицирани во земјава...

Регион15 часа

Полициски час во неколку црногорски градови

Здравствените власти во Црна Гора одлучија да воведат ограничувачки мерки во пет града во црвената зона според бројот на лица...

Европа1 ден

(Видео) Илјадници Французи излегоа на улиците поради убиството на наставникот

Илјадници луѓе излегоа на улиците на Франција во знак на поддршка на наставниците и со цел да ја одбранат слободата...

Европа1 ден

Стотици демонстранти ја нападнаа полицијата во Прага

Чешката полиција употреби солзавец и водени топови за да растера стотици демонстранти во Прага кои ги нападнаа полицајците по протестот....

Регион1 ден

Црногорските медиуми за Амфилохие: Привилегиран e, го лечат со „ремдесивир“

Митрополитот Амфилохие, кој се зарази со коронавирусот, доби лек „ремдесивир“, кој, според порталот ЦдМ, е недостапен за другите пациенти во...

Досие