Корона вирусот пристигна и во Европа. Британските медиуми пренесуваат дека најверојатно корона вирусот стигнал во Велика Британија, каде четворица кинески патници се сместени во болница во Шкотска со симптоми слични на грип.

FOUR patients are tested for suspected coronavirus in Scotland after returning from Wuhan with flu-like symptoms #CoronavirusOutbreak https://t.co/49jFtSGnC3 pic.twitter.com/ZUQk1siTxy

— Daily Mail U.K. (@DailyMailUK) January 23, 2020

Се верува дека неименуваните патници дошле од Вухан, градот од каде се шири епидемијата на новиот вирус, од кој досега починаа 17 луѓе, а потврдени се над 600 заболени.

На двајцата Кинези им се напаравени тестови кои, како што се наведува, до сега не го исклучиле корона вирусот, пренесе „Дејли мејл“ и додава дека пациентите се во изолација во Универзитетската болница на кралицата Елизабета во Глазгов.

Според информациите кои ги пренесуваат британските медиуми, пациентите стигнале во Лондон минатата недела, пред да заминат за Шкотска.

Двајца кинески државјани итно биле примени во болница во Глазгов, Шкотска, кога им биле дијагностицирани симптоми што може да укажуваат дека се заболени од корона вирус, пренесуваат шкотските медиуми.

Според неофицијални информации, пациентите неодамна пристигнале во Шкотска од кинескиот град Вухан, кој е епицентар на епидемијата на опасниот вирус од кој починаа најмалку 25 лица.

Според локалните медиуми, лекарите досега не успеале да го исклучат корона вирусот кај примените пациенти.

Итните прегледи се во тек, а пациентите за кои се верува дека се заразени со опасниот вирус се во целосна изолација. Изворите уверуваат дека лекарите ги презеле сите неопходни мерки за да го спречат можното ширење на заразата.

Долниот дом на рускиот парламент едногласно го поддржа предлогот на претседателот Путин за далекосежни уставни измени, кои многумина ги сметаат за обид да се зајакне неговото влијание по истекот на вториот претседателски мандат.

Реформите, претставени од Путин минатата недела, ги поддржаа сите 432 присутни пратеници.

Думата е контролирана од владејачката партија, која го поддржува Путин, „Единствена Русија“.

Според аналитичарите, уставните измени ќе му отворат простор на Путин да го задржи влијанието кога ќе му истече мандатот во 2024 година, иако во текот на викендот тој рече дека не ја поддржува советската практика на доживотни лидери.

Реформата предвидува намалување на широките претседателски овластувања и зајакнување на улогата на парламентот.

Путин сè уште не открива какви се неговите планови кога ќе го напушти Кремљ.

Пред да станaт закон, долниот дом мора да ги усвои уставните амандмани уште во две читања, а потоа ќе бидат разгледувани и во горниот дом и во регионалните парламенти. На крајот Путин мора да го потпише законот.

Рускиот устав не е изменет од 1993 година, а Путин порача дека реформите треба да бидат ставени и на референдум.