Еден ден откако француската влада тесно го преживеа гласањето за недоверба поради најавената пензиска реформа, францускиот парламент со големо мнозинство го поддржа планот на владата за инвестирање во нуклеарната енергија.

Планот за нуклеарна обнова, чија клучна точка е изградбата на шест нови нуклеарни реактори, беше одобрен вчера во францускиот парламент со 402 гласа за и 130 против, пренесува „Ројтерс“.

„По Сенатот минатиот месец, Долниот дом со големо мнозинство гласаше за планот за нуклеарна обнова, кој е резултат на заедничката работа во борбата против климатските промени и го гарантира нашиот енергетски суверенитет“, рече премиерката Елизабет Борн.

На вчерашното гласање за недоверба на француската влада, 278 пратеници го поддржаа предлогот на опозицијата за изгласување недоверба, а уште девет пратеници, односно 287 од нив, гласаа против соборувањето на владата на Борн.

Русија денеска објави дека дел од нејзиниот противракетен одбранбен систем Бастион е распореден на Парамушир, еден од Курилските Острови во северниот дел на Тихиот Океан.

Јапонија смета дека некои од овие острови се нивна територија.

Овој потег е дел од поширокото зајакнување на руската одбрана во нејзините огромни региони на Далечниот Исток, рече министерот за одбрана, Сергеј Шојгу, делумно како одговор на, како што ги нарече, американските напори да ги задржат Русија и Кина.

Шојгу разговараше со највисоките руски воени лидери еден ден откако претседателот Владимир Путин и кинескиот лидер Ши Џјинпинг го зацементираа своето партнерство без задржување на разговорите во Кремљ со договори за подлабока енергетска и воена соработка.

„За да ги држат Русија и Кина, Соединетите Американски Држави значително го зголемуваат своето воено присуство во Азиско-пацифичкиот Регион, ги зајакнуваат политичките и воените врски со сојузниците продолжувајќи да создаваат нова американска безбедносна архитектура во регионот“, рече Шојгу.

Шојгу рече дека системот „Бастион“ ќе ја зајакне руската безбедност околу Курилските Острови.

Јапонија, близок сојузник на САД, тврди дека четирите јужни Курилски Острови биле заземени од советските сили на крајот на Втората светска војна, пренесе „Индекс.хр“.

Вакцината бесеже на „Торлак“, која се користи против туберкулоза и им се дава на бебињата веднаш по раѓањето, се повлекува од пазарот, односно од родилиштето каде што ги примаат бебињата, пренесува „Евроњуз Србија“. Според написите, се повлекува комплетната серија од вакцините бидејќи е утврдено дека нема доволна активност.

„На ‘Торлак’ пред некој ден имаше инспекција, сега е наредено да се повлече серијата што излезе на пазарот бидејќи нема доволно активност, нема ништо штетно во неа, но децата не се доволно заштитени. Вработените упорно се обидуваат да ја направат вакцината бесеже, но овде проблемот не е всушност до луѓето, туку до опремата што е застарена“, изјавил за „Евроњуз Србија“ еден од вработените, кој работи на производство на вакцини на „Торлак“.

Тој објаснува дека со години не се инвестирало во опрема и дека „лиофилизаторот“, кој се користи во производството на вакцините бесеже, е застарен и не работи како што треба.

„Пластично да се објасни, тоа е уред што треба да ја претвори вакцината од течна состојба во желатин. Тој уред не работи добро, достигнува многу повисока температура отколку што треба и потоа вакцината ја губи својата активност“, појаснил изворот додавајќи дека се верува оти причината за овој проблем не е човечки фактор.

Серијата што се повлекува, како што стои во извештаите, беше произведена во декември, а во јануари се појави во породилиштата.