Бројот на загинати во рускиот ракетен напад кој вчера уништи клиника во украинскиот град Запорожје се искачи на шест, додека уште четири лица се уште се под урнатините, соопштија регионалниот гувернер и итната помош.

Уште 22 лица се повредени, изјави гувернерот Иван Федоров на својот канал на Телеграм. „Сите служби за итни случаи на градот се на терен“, рече тој.

Russia bombed a hospital in Zaporizhzhia in Ukraine. The cowards only know murder.

Any state that attacks civilians, hospitals and medical personnel deserves to be disbanded. And those who order those atrocities should be tried as the murderers they are. pic.twitter.com/8Yk6TeCCmA

— Anonymous (@YourAnonCentral) December 10, 2024

Украинската државна служба за итни случаи соопшти дека нејзините спасувачи успеале да ги извлечат двете жени од под урнатините на зградата во текот на ноќта. Фотографиите објавени на канал на Телеграм покажуваат спасувачи и машини кои работат во купишта урнатини од урнатата зграда.

Русија редовно изведува воздушни напади врз Запорожје и околината. Во нападот врз градот минатиот петок загинаа 10 лица, а повеќе од 20 беа ранети. Двете страни негираат дека целта на нивните напади биле цивили, велејќи дека нападите имаат за цел да ја поткопаат инфраструктурата клучна за меѓусебните воени напори.

Претседателот Володимир Зеленски во вторникот ги повика сојузниците на Украина да обезбедат уште 10-12 системи за противвоздушна одбрана Патриот за кои рече дека целосно ќе го заштитат небото на земјата. Од целосната инвазија на Русија во февруари 2022 година, Украина постојано бараше од своите сојузници да обезбедат понапредни системи за противвоздушна одбрана.

Мажот обвинет за убиство на директорот на здравственото осигурување Брајан Томпсон во Њујорк, се туркаше со полицијата и им викаше на новинарите додека го носеа на суд вчера. Во меѓувреме се појавија нови информации за потенцијалниот мотив за убиството.

Луиџи Манџионе се појави на сослушување за екстрадиција во Пенсилванија, каде што неговиот адвокат Томас Дики рече дека 26-годишниот ќе се обиде да ја оспори екстрадицијата во Њујорк за да се соочи со обвиненијата за убиство. „Не видов никакви докази дека тој е убиец“, рече тој.

Манџионе, облечен во портокалов комбинезон, се обиде да им се обрати на новинарите додека пристигнуваше на сослушувањето. Се слуша како вика „целосно неправедно“ и „ова ја навредува интелигенцијата на американскиот народ“ пред полицајците да го изведат на суд.

Тој беше уапсен во понеделникот откако беше забележан во Мекдоналдс во Пенсилванија по повеќедневна потера. Наводно, кај него бил пронајден пиштол сличен на оружјето употребено во убиството, пригушувач и лажна лична карта.

На Манџионе вчера по втор пат му беше одбиено условно ослободување, откако обвинителите изјавија дека е премногу опасен за да биде ослободен. Судијата потоа им даде на обвинителите 30 дена да побараат налог од гувернерот на Њујорк, Кети Хочул за да обезбеди негова екстрадиција во државата.

Хочул подоцна рече дека ќе издаде налог. „Соработувам со Окружното обвинителство и ќе потпишам барање за налог за да се осигурам дека ова лице ќе биде судено и одговорно за неговите постапки“, рече таа.

По рочиштето вчера попладне, неговиот адвокат се обрати на пресот пред судот. „Не можете да брзате да судите во овој или кој било друг случај“, рече тој. „Се смета дека е невин. Да не го заборавиме тоа“.

Манџионе беше обвинет за неколку прекршоци во Пенсилванија, вклучително и давање лажна идентификација на полицијата и поседување огнено оружје без дозвола. Тој се наоѓа во затвор во државата Пенсилванија и ќе се изјасни за невин за овие злосторства.

Тој се соочува со посебни обвиненија во Њујорк, вклучително и за убиството на Томпсон. Извршниот директор на UnitedHealthcare беше застрелан од маскиран човек пред хотел на Менхетен во, како што полицијата вели насочен напад.

Од април 2012 година, Томпсон беше извршен директор на компанијата, која е најголемиот приватен осигурител во САД.

Неговата вдовица Полет Томпсон вели дека добил закани пред неговата смрт, но обвинителите не наведоа мотив за неговото убиство.

Но, вчера, додека полицијата собираше докази и работеше на рекреирање на движењата на Манџионе по пукањето, се појавија повеќе детали за неговите наводни жалби за здравствено осигурување.

Падот на режимот на Башар ал Асад во Сирија предизвика интензивен израелски воен одговор, вклучувајќи воздушни и копнени операции низ Сирија. Израелските сили извршија околу 480 напади во изминатите два дена, насочени кон стратешки воени објекти, додека израелската морнарица ја гаѓаше сириската флота.

Israel launched last night its biggest aerial attack in #Syria of the past 50 years.
100+ airstrikes ware carried out from Suwayda to Latakia province.
Warplanes, air defenses, ammo depots were massively struck in those areas.
The Syrian Navy was also sunk in Latakia ports (vid). pic.twitter.com/Bl8HAfA7Cw

— Qalaat Al Mudiq (@QalaatAlMudiq) December 10, 2024

Израелскиот министер за одбрана Израел Кац ја опиша операцијата како „голем успех“, додека премиерот Бенјамин Нетанјаху го поздрави падот на режимот на Асад како „ново и драматично поглавје“.

Нетанјаху изјави дека ваквиот развој на настаните е резултат на израелските напади врз Хамас, Хезболах и Иран и дека геополитичката слика на Блискиот Исток се менува.

#Israel's massive #attack on #Syria. Israel destroyed Syrian military ships, Israel is planning to occupy western Syria.#BasharAssad_Tahrir al-Sham pic.twitter.com/0SKVdI990I

— ali (@aliakbar313333) December 10, 2024

Иако израелските власти сметаат дека падот на Асад е позитивен поради неговите врски со Иран и Хезболах, тие се загрижени за иднината на Сирија. Министерот за надворешни работи Гидеон Саар рече дека Израел извршува напади врз објекти со хемиско оружје и ракети со долг дострел за да спречи да паднат во рацете на екстремистите.

„Што доаѓа после тоа останува нејасно“, рече Саар, додавајќи дека Израел ги презема сите можни чекори за да ја осигура својата безбедност во оваа нестабилна ситуација.

Syrian naval ships after Israeli attack on the port city of Latakia today.#Syrian #Syria #Israel pic.twitter.com/TmkWKBPZjc

— Manish Shukla (@manishmedia) December 10, 2024

ОН и голем дел од меѓународната заедница ги критикуваат израелските потези кои ги сметаат за нарушување на територијалниот интегритет на Сирија и поттикнување на натамошна нестабилност во Сирија.

Од 1967 година Израел ја окупира Голанската висорамнина на тројната граница меѓу Израел, Либан и Сирија, а за време на владеењето на Асад извршуваа напади врз Сирија.