Започна вториот дипломатски форум во Анталија (АДФ), медитеранска провинција во јужна Турција и собра политичари, дипломати, лидери на јавното мислење и интелектуалци од целиот свет за да разговараат за горливите глобални прашања.

Второто издание на престижниот собир започна со панел-дискусии, по што следеа воведни говори на турскиот претседател Реџеп Таип Ердоган, како и турскиот министер за надворешни работи Мевлут Чавушолу.

Форумот, чиј партнер за комуникација е агенијата Анадолија, ќе трае до недела и вклучува голем број панел-дискусии на кои учесниците ќе разговараат за широк спектар на теми поврзани со меѓународните односи. На Форумот учествуваат и бројни политичари од регионот.

Генералниот секретар на НАТО Јенс Столтенберг и високиот претставник за надворешна политика и безбедност на Европската унија Џозеф Борел се исто така меѓу учесниците на форумот.

Ерменскиот министер за надворешни работи Арарат Мирзојан, исто така, пристигна на Форумот во Анталија, кој пристигна во четвртокот на тековните разговори за нормализирање на односите меѓу Ерменија и Турција.

Форумот се одржува во Конгресниот и изложбен центар NEST во Анталија на тема „Рекодирање на дипломатијата“.

Истакнати лидери и дипломати од различни земји ќе одржат дебати од глобално значење, вклучувајќи ги „Цената на мирот, цената на војната“ и „Патеките до мирот и просперитетот“.

Демократското владеење, лидерството и дипломатијата, енергетската безбедност, борбата против расизмот и дискриминацијата, нерегуларната миграција, преиспитувањето на безбедноста во Европа, климатските промени и енергетската транзиција, зелената економија и зајакнувањето на жените се дел од панел-дискусиите планирани за овој настан.

Покрај панелите, Форумот ќе биде домаќин на специјални гости, тркалезни маси и други настани.

„Учесниците ќе се занимаваат со широк опсег на теми од меѓународните односи во рамки на сеопфатната тема „Рекодирање на дипломатијата“. Дипломатијата навистина се трансформира. Нејзиниот јазик и методи се менуваат. Конкуренцијата, раздорот, па дури и конфликтите се постојани во меѓународните односи и влијаат на човештвото со променлива динамика – се наведува на веб-страницата на АДФ.

Исто така, се наведува дека новите флуктуации во глобалните работи, придружени со пандемијата на Ковид-19, ја зголемија потребата за трансформација и им дадоа дополнително значење на односите држава-поединец, како и технолошките иновации.

Форумот започна еден ден по состанокот на министрите за надворешни работи на Турција, Украина и Русија во Анталија со цел да се постигне договор за ставање крај на војната меѓу Русија и Украина.

Минатата година, АДФ се одржа под тема „Иновативна дипломатија: нова ера, нови пристапи“.