Првиот чекор во борбата против неказнивоста за злосторствата извршени во руската агресија врз Украина би можело да биде формирање на обвинителство кое ќе собира докази, изјави комесарот за правда на Европската комисија Дидие Рејндерс.

„Првиот чекор може да биде формирање на специјален суд кое ќе собира докази“, рече Рејндерс денеска пред почетокот на неформалниот состанок на министрите за правда во Стокхолм, каде што една од главните теми е како да се осигура дека воените злосторства во Украина се да не остане неказнето.

Канцеларијата на специјалниот суд би била лоцирана во Хаг, во седиштето на Европравда, агенција на ЕУ за судска соработка во кривичните прашања. Рејндер вели дека може брзо да се воспостави.

Европската унија се залага за формирање на специјален суд за руските злосторства во Украина, а во очекување на собирање критична маса на поддршка во меѓународната заедница, сака да започне со собирање докази.

На крајот на ноември минатата година, претседателката на Европската комисија, Урсула фон дер Лајен, предложи формирање на специјализиран суд со поддршка на Обединетите нации, кој ќе суди за руските злосторства.

„Русија мора да плати за своите ужасни злосторства, вклучително и злосторствата за агресија врз суверена држава“, рече Фон дер Лајен.

На маса има две опции – едната е формирање на ад хок меѓународен суд, како Меѓународниот кривичен суд за поранешна Југославија, а другата е таканаречената хибридна опција, каде што национален суд, најверојатно украински, но со меѓународни судии, би суделе за злосторства од руска агресија,пренесе Индекс.хр.

Голема бела ајкула го уби нуркачот Мануел Лопез во познато летувалиште во Мексико.

Страшниот напад се случил на 5 јануари, а ајкулата му ја откинала главата и вратот на нуркачот.

Мануел нуркал во популарниот залив Тобари, кога ненадејно го нападнала ајкула долга шест метри.

Портпаролот додаде дека нуркачите во оваа област биле предупредени за зголемено присуство на ајкули и дека повеќето од нив тие денови не влегле во водата, пишува Мирор.

Мануел веројатно не сакал да ги послуша тие предупредувања, бидејќи се обидел да заработи ловејќи школки.

„Големите бели ајкули се најзастапени во Калифорнискиот Залив во текот на декември и јануари, велат експертите.

По нападот заливот бил затворен за пливање 24 часа,пренесе Телеграф.рс.

Холандскиот премиер Марк Руте и австрискиот канцелар Карл Нехамер разговараа за миграцијата во четвртокот во Виена и порачаа дека заеднички ќе бараат решенија во борбата против илегалната миграција на вонредниот самит на ЕУ закажан за почетокот на следниот месец, објави денеска „Романија џурнал“.

Како што е наведено, премиерите на двете земји останаа против проширувањето на шенген.

„Ние сме обединети во нашиот приговор за продолжување на шенген во овој момент“, рече австрискиот канцелар.

Премиерот на Холандија посочи дека сега ЕУ има многу проблеми, вклучувајќи ги шенген, Фронтекс, даблинскиот систем и репатријациите.