Белоруската полиција уапси десетици демонстранти кои се собраа денес во центарот на главниот град, барајќи оставка од претседателот Александар Лукашенко. Ројтерс пренесува дека, според очевидци, се уапсени десетици демонстранти кои се пресметале со полицијата.

Потоа, припадниците на агенциите за спроведување на законот им го блокирале патот и започнале да ги апсат насобраните граѓани, претежно жени.

Познатата опозициска активистка Нина Багинска е меѓу неколку десетици демонстранти уапсени денеска на протестите во Минск, пренесува ТАСС.

Нина Багинска, 73-годишна опозициска активистка е позната по своето активно учество на протестите во Белорусија во последните неколку години.

Пакетот, кој содржи отровен рицин, е испратен до претседателот Доналд Трамп, пренесува „Си-ен-ен“.Двајца полицајци го пријавиле случајот.

Извршени се два теста за да се потврди присуството на рицин. ФБИ и тајната служба го испитуваат случајот. Целата пошта за Белата куќа се сортира и се прегледува надвор од објектот пред да пристигне во Белата куќа.

Рицин е високо токсично соединение извлечено од семе од рицинус кое се користи во терористички заговори. Може да се користи во форма на прав, пелети, чад или киселина.

Ако се проголта, тоа предизвикува гадење, повраќање и внатрешно крварење на желудникот и цревата, проследено со откажување на црниот дроб, слезината и бубрезите и смрт поради нарушувања на циркулаторниот систем.

Британскиот премиер Борис Џонсон изјави дека вториот бран на епидемија на коронавирус пристигнува во Велика Британија.

Говорејќи во центарот за вакцини што во моментов се гради во близина на Оксфорд, Џонсон рече дека е забележан втор бран на епидемијата во Франција, Шпанија и низ цела Европа и се плаши дека е апсолутно неизбежно тоа да се случи и во Велика Британија.

Официјалните податоци објавени вчера покажуваат дека во периодот помеѓу 4 и 10 септември, во просек имало 6.000 нови случаи на инфекција на ден во Велика Британија, што е скоро двојно повеќе од претходната недела, потсетува АП.

Во Англија, наскоро ќе бидат воведени дополнителни ограничувања на собири и други активности во неколку региони во земјата. Се погласни се шпекулациите дека Велика Британија би можела да воведе мерки за карантин во следните неколку недели, делумно поради недоволниот број на тестови.

Во Велика Британија досега се инфицирани 385.936 лица со корона вирус, а 41,732 пациенти починале како резултат на Ковид-19.