Циклонот Борис стигна до централна и источна Европа носејќи поплави, снег и силни ветрови.

Додека Унгарија се наоѓа на силен удар на циклонот Борис, Будимпешта се подготвува за зголемување на нивото на Дунав и за најголемите поплави во последната деценија.

 

View this post on Instagram

 

A post shared by HungaroMet (@hungaromet)

„Хунгаромет“ на својата страница на „Инстаграм“ објави видео од циклонот. Како што пишуваат „тоа што недостигаше цело лето, циклонот го надополни за три дена, со претерување“.

Мапата за движење на циклонот покажува како се движи над Унгарија.

Градоначалникот на Будимпешта, Гергељ Карачони, најави дека поради претстојниот најголем бран поплави во деценијата, нивото на подготвеност за заштита од поплави е подигнато на три. Еве ги најважните мерки:

Долните брегови на Будим и Пешта се затворени од 20 часот.

Паркираните автомобили мора да се отстранат до пладне или ќе се влечат.

Во вторник наутро се очекува Дунав да го премине нивото на долниот брег.

Подготвени се милион вреќи со песок.

Од вторник во заштитеното подрачје ќе може да влезат само возилата што учествуваат во одбраната, а сообраќајот на пешаците ќе им биде ограничен.

Трамвајскиот сообраќај по должината на крајбрежјето ќе биде ограничен.

Унгарскиот премиер, Виктор Орбан најави дека ги откажува сите меѓународни активности.

Илон Маск го привлече вниманието на отсуството на какви било обиди за убиство на американскиот претседател Џо Бајден или Камала Харис, а претседателскиот кандидат на Републиканската партија и поранешен претседател Доналд Трамп веќе двапати беше цел на атентат.

„Никој не се обидува да ги убие Бајден или Камала. Зошто сакаат да го убијат Доналд Трамп?“, напиша Маск на „Икс“.

Федералното биро за истраги синоќа соопшти дека го истражува пукањето во близина на теренот за голф на Трамп на Флорида и дека случајот се третира како обид за убиство на поранешниот претседател.

Американската тајна служба потврди дека нејзин агент отворил оган врз вооружен маж на терен за голф.

Осомничениот Рајан Раут побегнал кога испукал неколку куршуми во својот автомобил, но бил забележан од сведок, кој ги фотографирал неговиот црн теренец „нисан“ и регистарската табличка.

Неколку реки во централна Европа се излеаја денеска предизвикувајќи смроносни поплави од Полска до Романија. Пограничните области меѓу Чешка и Полска беа силно погодени во текот на викендот.

Некои мостови се урнаа и беа уништени куќи, а села и градови во источна Романија беа потопени.

Австриската влада ја прогласи целата покраина Долна Австрија погодена од поплавите, околу главниот град Виена и на границата со Чешка, за област на катастрофа. На социјалните мрежи се шират снимки од автопатот кај Виена, кој е целосно под вода.

Eine neue Aufnahme von der Südautobahn A2, vermutlich bei Wiener Neudorf 😯#AustriaFlood pic.twitter.com/pL1yrDseUZ

— uwz.at (@uwz_at) September 15, 2024

Портпаролот на противпожарната станица утринава изјави дека ситуацијата била мирна во текот на ноќта. Но, до утре во земјата се очекуваат дополнителни 60 литри дожд на квадратен метар, изјави државен претставник.

Метеоролозите на јавната телевизија ОРФ предвидоа уште повеќе врнежи во одредени делови на Австрија, како Тирол и источниот дел на земјата.

Неколку стотици луѓе се спасени од поплавите во Долна Австрија, соопштија противпожарните служби. Пожарникар загинал во неделата додека вадел вода од подрумот. Иако нивото на водата се намали во Виена, денеска имаше огромни проблеми во јавниот превоз и повеќето линии на метрото во градот со два милиона жители само делумно функционираа.