Главниот виролог на Универзитетската клиника во Хајделберг, Ханс-Георг Кројслих, предупредува на опасноста од нови мутации на коронавирусот, особено во периодот помеѓу приемот на двете дози на вакцината.

„Би било загрижувачки ако во следните недели, многу луѓе, по првата вакцина, имаат нецелосна заштита, а во исто време има бројни инфекции. Тоа би било идеален простор за нови видови кои би можеле да го заобиколат дејството на вакцината“, изјавил Кројслих за весникот „Рајн Некар Цајтунг“.

Тој истакнал дека, со делумен имунитет, може да се создадат отпорни варијанти на вирусот.

„Ако се заразат голем број луѓе, кои сè уште немаат целосен имунитет, тогаш се зголемува веројатноста за нови мутации“, смета вирологот.

Новиот антивирусен лек „молнупиравир“ може да го смени текот на епидемијата на коронавирусот, бидејќи за време на експерименталното истражување е докажано дека ја запира репродукцијата на вирусот во организмот и спречува развој на потешка форма на болеста.

„Тестирањето на експерименталните таблети против Ковид-19 наречени „молнупиравир“, спроведено од „Мерк и Риџбек биотерапевтика“, покажа ветувачки знаци на ефикасност во намалувањето на вирусот кај пациентите“, објави во неделата лекарот Марк Сигал, кој учествуваше во ова истражување.

See the latest news from Ridgeback Biotherapeutics and Merck on #COVID19 preliminary findings at #CROI2021. Learn more: https://t.co/QZW73RCLOn $MRK pic.twitter.com/DibWgUfJB1

— Merck (@Merck) March 6, 2021

„Можеби ова е ‘светиот грал’ бидејќи штотуку беше проучен во испитувањата во втората фаза и буквално го запре размножувањето на вирусот кај пациентите кои беа во контролната група. Пациентите го користеле лекот пет дена, биле на домашно лекување … Значи, терапијата е скоро идентична со онаа кога се зема ‘тамифлу’ за вирусот на грип“, рече тој.

Сигал рече дека овој лек може да се појави на пазарот за четири до пет месеци.

Лекарот рече дека, иако досега биле проучени само 182 пациенти, апчињата сè уште можат да бидат многу ветувачки за илјадници луѓе.

Министерката за детски права во Велика Британија, Вики Форд, денеска изјави дека нема простор за расизам во општеството откако Меган Маркл, сопругата на принцот Хари, обвини дека некој од британското кралско семејство бил загрижен за тоа колку ќе биде темна кожата на детето, пренесува „Ројтерс“.

Меган, чија мајка е Афроамериканка и чиј татко е белeц, рече дека додека била бремена и го чекала раѓањето на нејзиниот син Арчи (2), во палатата била изразена загриженост за тоа колку ќе му биде темна кожата кога ќе се роди.

„Расизмот апсолутно нема место во нашето општество“, изјави Вики Форд за „Скај њуз“.

Таа додаде дека не го гледала интервјуто на принцот Хари и неговата сопруга Меган Маркл во емисијата на Опра Винфри на американската TВ-станица Си-би-ес, што се емитуваше синоќа.