Контакт

Свет

Израел неутрализирал оператива на Хамас која стрелала ракети од Газа

Објавено пред

Израелските воздухопловни сили (ИАФ) неутрализирале оперативна единица на Хамас, движењето што го контролира Појасот Газа, која од Газа стрелала ракети кон Израел, објави ИАФ на Твитер.

Израелската армија го погодила воениот комплекс кој ѝ припаѓал на технолошката единица на Хамас, лоциран во областа Џабалија, на север од енклавата.

„Авион на ИАФ предмалку неутрализира оперативен сегмент на терористичката организација Хамас веднаш откако истрела ракети кон израелска територија од источниот дел на Појасот Газа. ИАФ погоди и ракетен фрлач на Хамас во Кан Јунис“, се вели во твитот.

Размената на ракетен оган меѓу Израел и Појасот Газа, која трае од 10 мај, беше поттикната од немирите во џамијата Ал-Акса, во Источен Ерусалим. Според последните податоци, убиени се најмалку 12 Израелци и повеќе од 240 Палестинци.

Судирите меѓу Палестинците и израелските полицајци избија откако израелскиот суд донесе одлука за иселување на неколку палестински семејства од градската населба Шеик Џара и предавање на имотот на еврејските доселеници.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

ЕУ ја отфрли можноста за средба со Путин

Објавено пред

Европската унија ја отфрли можноста за состанок на самитот со рускиот претседател Владимир Путин, бидејќи не се создадени услови за тоа, рекоа лидерите по Европскиот самит во Брисел.

„Денес не можевме да се согласиме дека наскоро треба да се сретнеме на самит“, изјави канцеларката Ангела Меркел, која заедно со Франција се заложи за остварување на средбата.

„Прерано е затоа што не гледаме радикална промена во однесувањето на Путин досега. Да се обврземе без никакви црвени линии, би била лоша одлука“, рече литванскиот претседател Гитанас Науседа.

Ангела Меркел, сепак, оцени дека „важно е да се продолжи дијалогот и да се работи на неговата форма“. Лично, би сакала „посмел“ резултат, заклучи таа.

„Ги поддржав Германија и Франција во дијалогот со Русија на највисоко ниво. Сега мора да утврдиме кои канали на дијалог можат да бидат корисни “, рече австрискиот канцелар Себастијан Курц.

„Односите со Русија не можат да се сведат на економски санкции и протерување на дипломатите. Во одреден момент, мора да имаме можност да се сретнеме на масата“, рече белгискиот премиер Александар Де Кроо.

Франција и Германија повикаа на продолжување на дијалогот со Русија, но предлогот истиот да се продолжи на највисоко ниво меѓу ЕУ и Русија ги подели европските лидери.

Дијалогот ќе се одвива во „полиња од интерес на ЕУ“, се додава во заклучоците на самитот. Европските лидери потоа ќе разговараат со Русија „за формите и условите на тој дијалог“, се додава во текстот.

Лидерите на ЕУ ја повикаа Русија да покаже „поконструктивна соработка“ и „да престане да дејствува против ЕУ и соседните земји“.

Во исто време, тие изразија „подготвеност да одговорат одлучно и координирано на секој злонамерен, нелегален и нарушен чекор на Русија, користејќи ги сите расположиви средства“.

Високиот претставник на ЕУ за надворешни работи, Жозеп Борел има задача да подготвува „предлози за дополнителни ограничувачки мерки, вклучително и економски санкции“.

Прикажи повеќе...

Европа

(Видео) Апокалиптични снимки по торнадото во Чешка, расте бројот на мртви

Објавено пред

Торнадо и силно невреме проследено со грмотевици, во четвртокот вечерта погоди неколку градови на југоистокот од Чешка, во регионот Јужна Моравска, уривајќи куќи до темел. Седум градови и села претрпеа голема материјална штета, а министерот за внатрешни работи, Јан Хамачек, прогласи вонредна состојба додавајќи дека бројот на жртви може да се зголеми.

Според последните информации, потврдена е смртта на три лица, а повредени се повеќе од 200. Еден автобус се превртел, а сообраќајот на автопатот Д2 е во прекин.

Снимките што се појавија на социјалните мрежи покажуваат вистинска апокалипса што оставила пустош зад себе. Според чешките медиуми, пожарникари од други региони веќе пристигнале на местото на настанот, за да им помогнат на локалните.

Граѓани погодени од катастрофата веќе се хоспитализирани во локалните болници. Голем број повредени пристигнуваат и со приватни возила. Поради последиците од силното невреме, пожарникарите прогласија состојба на опасност од трет степен, соопшти полицијата.

„Ни помагаат спасувачи од регионот Злин, Оломоуц, Пардубице и Височина, но и од Словачка, а кон нас летаат и два хеликоптера од Австрија. Планот е да се пренесат пациенти на големиот паркинг на автопатот Д2“, изјави портпаролката на службата за спасување, Хедвика Кропачкова.

Според изјавите на очевидци, по невремето, силниот ветер кој достигнал брзина од 322 километри на час, одеднаш се претворил во воздушен вртлог кој уништил голем број куќи. Пожарникарите соопштија дека биле пријавени рекордни 300 интервенции за помалку од еден час.

Најлошо во ова невреме поминало селото Хрушки во регионот Бжецлав, кое буквално било срамнето со земја откако поминало торнадото. Автомобили паѓале врз куќите, а локалната црква останала без покрив.

„Селото од црквата надолу практично не постои. Училиштето нема фасада, нема покрив, не успеав да стигнам до градинката. Вековни липи и смреки се искорнати од земјата“, опиша заменик-градоначалникот на Хрушки, наведувајќи дека има повредени.

Големи штети се потврдени и во Моравска Нова Вес, каде според градоначалникот, уништени се повеќе куќи во селото низ кое торнадото поминало по разурнувањето во Хрушки.

Прикажи повеќе...

Свет

Во двор на црковен интернат во Канада пронајдени посмртни останки од 751 лице

Објавено пред

Домородната заедница од Канада соопшти дека пронашла стотици необележани гробови на место на некогашен интернат на католичката црквата во провинцијата Саскачеван.

„Суверената автохтона федерација на Првите нации“ соопшти дека откритието на гробовите е „досега најзначајно во Канада“.

Заедницата во Ковесес е една од неколкуте таканаречени „Први нации“, како што се нарекува домородното население во Канада, потомци на Инуитите и Мерисите.

Кадмус Делорм, раководител на домородната заедница, изјави дека останките на 751 лице се пронајдени во необележани гробови во задниот двор на интернатот во регионот Саскачеван.

„Ова не е масовна гробница, ова се необележани гробови“, рече Делорм.

Според официјалните канадски податоци, интернатот работел од 1899 до 1997 година, на околу 140 километри источно од главниот град Регина.

Новите гробници се откриени со површински радарски скенери, што како истраги се почнати во 139 училишта низ целата земја, откако кон крајот на мај беа пронајдени останки на 215 деца, некои на возраст од три години, кои биле закопани на местото на некогашно училиште за домородни деца во Камлоупс, Канада.

Училиштата главно ги воделе христијански цркви во име на државната влада, од 1840 па се до 90-тите години на минатиот век.

Повеќето од овие деца, присилно одземени од нивните семејства и сместени во црковните интернати, (се претпоставува дека биле над 150.000 староседелски деца) биле изложени на физичко, сексуално и психолошко насилство.

Премиерот Џастин Трудо изјави дека е многу тажен поради новото откритие во интернатот „Маривал Индијан“.

Тој рече дека домородците кои претрпеле болка и траума се одговорност што Канада мора да ја сноси.

Канадската комисија за вистина и помирување, која објави извештај дека „училишниот систем на интернати придонел за културен геноцид“, соопшти дека гробиштата останале на местото на училиштето „Маривал“ по уништувањето на училишната зграда.

Од ораганизацијата на домородците велат дека се во контакт со локалната католичка надбискупија, па Делром вели дека е оптимист и верува дека ќе им биде дозволен пристап до архивите за да ги идентификуваат остатоците.

„Имаме верба во Католичката црква дека ќе ни овозможи пристап. Тие не ни рекоа ‘не’. Само сè уште немаме податоци“, додаде тој.

Прикажи повеќе...

Најново

Македонија28 минути

Топлиот бран ќе се задржи и во текот на викендот

Времето денеска ќе биде сончево и многу топло со мала до умерена локална облачност, информираат од УХМР. Ќе дува слаб...

Европа1 час

(Видео) Апокалиптични снимки по торнадото во Чешка, расте бројот на мртви

Торнадо и силно невреме проследено со грмотевици, во четвртокот вечерта погоди неколку градови на југоистокот од Чешка, во регионот Јужна...

Свет15 часа

Руски претставник за британскиот брод: Следниот пат бомбите ќе паднат врз целта, а не околу неа

Шефот на руската делегација во преговорите за безбедност и контрола на оружјето во Виена, Константин Гаврилов, ја предупреди Велика Британија...

Македонија17 часа

Заев: Репрезентацијата ја претставува Северна Македонија, придавката „македонска“ е за други случаи

Кога се претставува државата, како во случајот со фудбалската репрзентација, тогаш се употребува репрезентација на Северна Македонија, додека македонско, македонска,...

Македонија18 часа

Радев: Ги издржавме притисоците, патот на Северна Македонија зависи само од дијалогот со Бугарија

Забрзувањето на европската перспектива за Република Северна Македонија зависи само од ангажманот и резултатите во дијалогот со Бугарија. Ова го...

Македонија19 часа

Регистрирани се 10 нови случаи на Ковид -19, три лица се починати

Министерството за здравство информира дека во последните 24 часа биле направени 2.302 тестирања, а регистрирани се 10 нови случаи на...

Регион20 часа

Вучиќ: Не е фер што Македонија и Албанија не добија датум за преговори

Српскиот претседател, Александар Вучиќ, изјави дека жали што Скопје и Тирана не добија датум за почеток на преговорите со ЕУ....

Македонија22 часа

Утре ќе стигнат 100.000 вакцини на Фајзер, а в недела 500.000 на Синовак, најави Филипче

Утре пристигнува нова пратка од 100 илјади вакцини на „Фајзер“ преку ковакс системот, најави министерот за здравтство Филипче. В недела...

Македонија23 часа

Од септември на медицинските сестри и техничари ќе им биде платено високото образование

Од септември на медицинските сестри и техничари ќе им биде платено високото образование, најавија по денешниот работен состанок, министерот за...

Македонија24 часа

Над 180.000 граѓани кои се пријавиле за вакцинација а не добиле термин, ќе бидат вакцинирани во следните 20 дена

Голем број граѓани реагираат дека одамна се пријавиле на веб-страницата vakcinacija.mk, но се уште не добиле термин за вакцинација во...

Свет24 часа

(Видео) Москва со порака: Ќе има страшни последици ако некој изврши провокации како случајот со британскиот разурнувач

Руската Црноморска флота, заедно со Граничната служба на ФСБ, испукаа предупредувачки истрели за да го спречат британскиот разурнувач да ја...

Македонија1 ден

Бремените жени и лицата над 60 години да се ослободат од работа, повикува Министерството за труд и социјала

Министерството за труд и социјална политика ги повикува работодавачите, негователите и воспитувачите во градинките, вработените во Центрите за социјална работа,...

Европа1 ден

Европскиот Парламент предупредува- Бројот на мигранти расте, мора итно да дејствуваме

Со доаѓањето на летните месеци на надворешните граници на ЕУ, притисокот на мигрантите расте, затоа е потребно итно и солидарно...

Свет1 ден

(Видео) Се сруши мост во Вашингтон, повредени се повеќе лица

Пешачки мост се урна во североисточен Вашингтон. Според американските медиуми, најмалку шест лица биле повредени, додека еден камион останал заробен...

Економија2 дена

Владата го утврди предлогот за поскапувањето на горивата, на ред се пратениците

Предлогот за законски измени за повисока еколошка такса за нафтените деривати одат на усвојување во Собранието. Владата на денешната 82...

Свет2 дена

Европска здравствена агенција: Делта вирусот ќе доминира во Европа ова лето

Делта варијантата на коронавирусот, првпат откриена во Индија, значително ќе се прошири низ Европа во текот на летото, предупреди Европската...

Топ2 дена

Изгоре камп возило на туристи на Матка

Камп возило на туристи од Полска целосно изгоре на Матка, а уште едно возило е оштетено, соопшти МВР. „Вчера настанал...

Македонија2 дена

Пет нови случаи на Ковид-19, почина 39-годишник од Кичево

Министерството за здравство информира дека во последните 24 часа се направени 2.466 тестирања, а регистрирани се 5 нови случаи на...

Македонија2 дена

Заев: ЕУ има проблем, ние ќе бараме решение и не се откажуваме од заслужената интеграција

„Европа има проблем. Големата идеја за обединета Европа денес има проблем. А проблемот е самата ЕУ. Брисел ни порача дека...

Европа2 дена

Тензии во Црното Море: Руски истрели кон британски воен брод

Руски воен брод испукал предупредувачки истрели кон уништувач на британската кралска морнарица, ХМС Дифендер, откако влегол во руските води во...

Досие