Српскиот претседател Александар Вучиќ утрово во телевизија Прва изјави дека британскиот вид коронавирус пристигнал во Србија и дека го донела девојка од Лондон.

„ Јас сум страшно исплашен. Патник од Лондон во Србија го донесе коронавирусот на територијата на Србија”, истакна Вучиќ и додаде дека девојката не била позитивна на тестот за ПЦР.

Нагласи дека тоа е опасен вид на вирус и дека Велика Британија е затворена поради тоа, но дека е важно тоа што веднаш го откриле и ги изолирале сите контакти.

Во интервјуто зборува за тоа колку е тешко да се дојде до вакцини и дека е вистинска војна во светот. Вели дека би се вакцинирал со кинеската вакцина.

„ Би ја примил кинеската вакцина, но размислувам дека не сум толку стар, затоа што мислам дека е срамота кога ќе видам дека има некои кои немаат никакви коморбидитети и се туркаат да ја примат вакцината“, рече тој.

Српскиот претседател рече дека Србија платила многу помалку за кинеските вакцини отколку што се продаваат во светот. Вели дека денеска е потешко да се набават вакцини отколку нуклеарно оружје. Тој истакна дека очекува денеска да бидат вакцинирани 50.000 луѓе во Србија.

Тој додаде дека Србија примила 0 вакцини од Ковакс програмата, како и сите земји во регионот, бидејќи има проблем со дистрибуција на вакцини во земјите на ЕУ токму преку таа програма.

Нагласи дека секој што примил вакцина во Србија, ќе добие и ревакцина, истата што ја примил.

Говорејќи за прашањето за набавка на вакцини, Вучиќ рече: „Војна е во вистинска смисла на зборот, ова е прашање на опстанок на економијата“.

Спасувачите во Кина успеаја да извлечат 11 рудари живи на површината. Тие две недели беа заробени 600 метри под земјата во рудник за злато во северна Кина, пренесуваат кинеските медиуми.

Кинеската телевизија прикажа снимка од извлекувањето на првиот рудар, кому му беа врзани очите за да се заштити од светлината. Тој веднаш беше пренесен во болница на лекување, а неговата состојба е опишана како „екстремно слаба“, објави Би-Би-Си.

Продолжуваат напорите за извлекување на останатите десет рудари, кои се се уште под земја.

Експлозијата што се случи на 10 јануари во рудник за злато во провинцијата Шангдонг зароби 22 рудари. Еден од нив почина. Спасувачките екипи претходно успеаја да воспостават контакт со рударите и да им доставуваат храна.

Управата на рудникот е во притвор бидејќи чекале повеќе од 24 часа да ја пријават несреќата, чија причина сè уште не е објавена.

Зголемениот надзор ја подобри безбедноста во рударската индустрија во Кина, која годижно одземаше по 5.000 животи. Сепак, несреќите продолжуваат да се случуваат, а 39 рудари загинаа во две несреќи само минатата година.

Верно куче речиси една недела чекало пред болница во Турција, додека не излегол неговиот сопственик, каде се лекувал. Женката по име Бончук, што на турски јазик значи бисер, била наградена за својата верност со емотивна средба со сопственикот Кемал Сентурк (68), кога конечно излегол од болницата во градот Трабзон, во североисотчна Турција.

Loyal dog waits for six days outside Turkey hospital for her sick owner https://t.co/lSREeLWHiR pic.twitter.com/1rD4tb4TUA

— CP24 (@CP24) January 23, 2021

Сентурк бил пренесен во болница на 14 јануари, поради мозочна емболија, а Бончук, која го добила името по нејзините кафеави очи, го следела возилото на брзата помош. Оттогаш, таа се враќала секој ден и чекала пред болницата, а вработените понекогаш ја хранеле.

Ќерката на Сентурк неколку пати се обидела да ја врати дома, но секој пат бегала за да се врати пред болницата.

Dog spent days outside Turkish hospital waiting for owner https://t.co/KtMIEA79MN pic.twitter.com/WQfsqFkADs

— Andy Vermaut (@AndyVermaut) January 22, 2021

Кога Сентурк конечно излегол од болницата оваа недела, Бончук истрчала околу неговата инвалидска количка, скокнала да ја погали и замавнувала со опашката, раскажуваат од болницата.

„ Човек се чувствува многу среќен поради тоа. Тоа куче ни е премногу блиско, како човечко суштество, и јас сум многу среќен поради тоа”, рекол Сентурк.