Шест војници и еден ветеран во Велика Британија се уапсени под сомнение за дрога, позајмување пари и перење пари.

Министерството соопшти дека шест војници на ирската гарда и еден ветеран биле уапсени од припадници на кралската воена полиција како дел од „планирана операција“, пренесе Би-Би-Си.

Првиот баталјон на ирската гарда треба да учествува на платинскиот јубилеј на кралицата Елизабета на 2 јуни.

Министерството за одбрана соопшти дека ниту еден војник кој е под истрага нема да може да учествува на церемонијата.

Ирската гарда е основана од кралицата Викторија во 1900 година, а гардата била распоредена во Ирак и Авганистан. Полкот, чиј дел е принцот Вилијам, има задача, меѓу другото, да ги чува кралските палати, каде што може да се забележат нивните војници облечени во препознатлива црвена униформа и капа од кожа од мечка.

„ Во рамките на планираната операција, кралската полиција уапси шест војници од ирската гарда и еден ветеран од Велика Британија под сомнение дека набавувале дрога, позајмувале пари и переле пари. Армијата не толерира никакво незаконско однесување. Сега ова е во рацете на независна истрага. Не е соодветно за Кралската воена полиција дополнително да коментира“, соопшти британското Министерство за одбрана.

Администрацијата на американскиот претседател Џозеф Бајден се подготвува да го зголеми оружјето на Украина.

Амдминистрацијата има намера да го направи тоа со испраќање напредни ракетни системи со долг дострел, кои сега се главно барање на украинските власти, изјавија неколку неименувани официјални лица. Се размислува да се испрати системот како дел од поголем пакет воена и безбедносна помош за Украина, кој би можел да биде откриен следната недела, објави Си-Ен-Ен.

Високи украински функционери, вклучително и претседателот Володимир Зеленски, побараа од САД и нивните сојузници во последниве недели да им обезбедат повеќекратен ракетен систем (MLRS).

Вооружените системи произведени во САД можат да истрелаат проектили стотици километри подалеку, многу подалеку од кој било систем што веќе го има Украина, што Украинците велат дека може да ја промени играта во нивната војна против Русија.

Друг систем што го бараа Украинците беше артилериската ракета со голема подвижност, позната како HIMARS, полесен систем на тркала способен да испука многу исти видови муниција како MLRS.

Во последниве недели, руската армија ја погоди Украина на исток, каде Украина беше совладана во број и во оружје, соопштија украинските власти.

Администрацијата на Бајден со недели размислуваше дали да испрати ракетни системи, поради загриженоста што ја покрена Советот за национална безбедност дека Украина би можела да ги користи системите за да изврши офанзивни напади во Русија, изјавија официјални лица.

Сопругот на Ирма Гарсија, една од двете учителки убиени во масакрот во училиште во Тексас, почина од срцев удар.

Информацијата на „Твитер“ ја објави нејзиниот внук, а веста ја пренесоа американските медиуми.

EXTREMELY heartbreaking and come with deep sorrow to say that my Tia Irma’s husband Joe Garcia has passed away due to grief, i truly am at a loss for words for how we are all feeling, PLEASE PRAY FOR OUR FAMILY, God have mercy on us, this isn’t easy pic.twitter.com/GlUSOutRVV

— john martinez ❤️‍🔥 (@fuhknjo) May 26, 2022

„Со длабока жалост морам да ви кажам како од тага почина сопругот на тетка ми Ирма, Џо Гарсија. Немам зборови да опишам како се чувствуваме, молете се за нашето семејство. Боже, смилувај ни се, ова не е лесно”, напиша Мартинез.

Гарсија отишол да и’ остави цвеќе на својата трагично почината сопруга. Кога стигнал дома, паднал.

My Tia Irma and Joe garcia were high school sweethearts and leave behind 4 beautiful children, their ages being 23, 19, 15 and the youngest only being 13 years old, no child should have to go through this, my heart breaks for them

— john martinez ❤️‍🔥 (@fuhknjo) May 26, 2022

„Мојата тетка Ирма и Џо Гарсија се заедно од средно училиште и зад себе оставија четири прекрасни деца. Тие имаат 23, 19, 15 години, а најмладата има само 13 години“, напиша тој на Твитер. Оваа информација ја потврди и новинарот на Фокс од Сан Антонио, Ерни Зунига.

Joe Garcia, the husband of Irma Garcia, one of two teachers shot and killed in Uvalde, TX on Tuesday, has reportedly suffered a fatal heart attack. Joe and Irma were high school sweethearts and married 24 years. They leave behind four children. pic.twitter.com/Rlk0M2B8nR

— Ernie Zuniga (@Ernie_Zuniga) May 26, 2022

Гарсија работела во училиштето 23 години.

„Таа се жртвуваше за да ги заштити децата во својата училница“, напиша нејзиниот внук на Твитер и додаде: „Таа умре како херој, многумина ја сакаа и на сите навистина ќе ни недостига“.

Во напад во основното училиште Роб во Тексас загинаа 19 деца и двајца возрасни.