Европа
Илјадници млади Италијанци од факултет одат директно во борба против коронавирусот

Некои италијански студенти на медицина штотуку дипломираа, а веќе се фрлени во оган и се во првите редови на одбрана во борбата против коронавирусот.
Меѓу нив е и Кјара Бонини, 26-годишна девојка, која неодамна го положи својот завршен испит на факултет, а сега веќе неколку месеци има искуство во справувањето со смртоносниот вирус, што предизвика една од најголемите глобални здравствени кризи.
„Сакам да дадам сè од себе и да му помогнам на градот кој доживува драматични моменти и има сериозна потреба од лекари“, вели Кјара за својот роден град Бергамо, еден од најпогодените од коронавирусот во Италија, пренесува Си-ен-ен.
Бонини е само еднa од илјадниците италијански дипломирани студенти, кои одговорија на повикот на Владата за итна помош во борбата против најсмртоносната епидемија на вирус во светот.
Во Италија во текот на викендот надмината е бројката од 10.000 смртни случаи и во моментот речиси една третина од смртните случаи на коронавирусот во светот се регистрирани токму во таа земја.
Болниците во целата држава работат под големо оптоварување, па Италија го забрза процесот на запишување студенти во медицинско училиште со намалување на бројот на болнички испити и зголемување на бројот на вработени лекари.
За многу дипломирани студенти, ова ќе биде прва професионална работа во гранка што се соочува со најголемата криза во една генерација. Според податоците од Италија, досега 50 лекари го загубиле животот од Ковид-19.
И додека земјата влегува во шестата недела на строг карантин, младите италијански лекари практично се катапултираат од факултет во преполните болници, каде што на пациентите очајно им е потребна помош.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Се преврте автобус на фудбалски клуб, има загинати

Автобусот со фудбалерите на „Вила Марија Хелена“ излета од мостот кај реката Анг, на патот БР-116, јавуваат бразилските медиуми.
Според информациите кои ги објави бразилски „Глобо“, во оваа несреќа загинале најмалку четири лица.
Во автобусот имало 28 млади лица на возраст од 14 до 17 години, како и возачот и четворица членови на техничката комисија.
TRAGÉDIA! 🚨
Na madrugada desta segunda-feira (30), um time de futebol sofreu um acidente de trânsito em Minas Gerais.
Poucas informações se tinham até o momento, porém foi descoberto que o clube em questão é o Esporte Clube Vila Maria Helena, do Rio de Janeiro.
SEGUE O FIO pic.twitter.com/8Pdg5qTkqW
— Goleada Base (@goleada_base) January 30, 2023
Како што пренесуваат медиумите, тимот се враќал од турнирот во градот Убапоранж и превезувал млади фудбалери во градот Дјук де Касиљас.
Автобусот излетал од мостот и паднал од висина од десет метри.
Иако жртвите се уште не се идентификувани, се знае дека се работи за едно возрасно и три помлади лица.
Телата се пренесени во Афранио Пеиксото, додека повредените се хоспитализирани во болница во Сао Салвадор.
Европа
Песков: Ситуацијата е безнадежна, води до вистинска ескалација

Оружјето што западните земји и го доставуваат на Украина доведува до ескалација на конфликтот, ситуацијата е во ќорсокак, изјави портпаролот на рускиот претседател Дмитриј Песков.
Песков изјави дека текот на настаните не може значително да се промени и дека специјалната операција продолжува.
„Украина бара се повеќе и повеќе ново оружје, а Западот ги охрабрува овие барања, се колне дека е подготвен да обезбеди оружје. Оваа ситуација е прилично безнадежна, бидејќи, уште еднаш ќе кажам, води до вистинска ескалација и води кон НАТО членовите и тие се подлабоко и подлабоко во овој конфликт“, рече Песков пред новинарите.
Портпаролот се осврна и на односите меѓу Москва и Париз, велејќи дека таму нема ништо за пофалба, исто како во односите меѓу Русија и членките на Европската унија, но доколку е потребно, дијалогот со францускиот лидер Емануел Макрон ќе продолжи.
Песков, дополнително, нагласи дека сега е тешко да се зборува за перспективите на дијалогот со НАТО, бидејќи, како што рече, Алијансата одамна ги прекина сите конструктивни односи со Русија.
Според него, постојат одредени кругови во сите европски земји кои се загрижени за степенот на нивната вклученост во украинскиот конфликт.
Европа
Грчки воен авион се урна во Јонското Море, се трага по пилотите

Грчки спасувачи трагаат по двајцата пилоти на борбениот авион „Ф-4“ кој се урна во Јонското Море кај западна Грција, јави државната телевизија.
Авионот, кој бил на тренинг лет, се урнал на 25 наутички милји (46 километри) јужно од аеродромот Андравида на полуостровот Пелопонез.
Медиумите објавија дека двајца пилоти се катапултирале од леталото, но властите не можеа да ја потврдат оваа информација.