Свет
Ирански дипломат и поет обвинети за тероризам во Франција

Ирански дипломат и тројца негови сонародници денеска ќе бидат изведени пред суд во Белгија по обвинувањето за заговор за бомбардирање на митинг на опозицијата во близината на Париз во 2018 година, во првата ваква законска постапка во Европа, пренесува РТ.
Дипломатот Асадолах Асади, кој претходно бил распореден во Виена, и тројцата други, се обвинети во Белгија за планирање напад на состанок на Националниот совет на отпорот на Иран (НЦРИ). Седиштето на опозициската група во егзил е во главниот град на Франција.
Судењето е закажано денеска, а потоа и в четврток следната недела, и ако биде прогласен за виновен, на Асади (48) му се заканува доживотен затвор. Дипломатот, кој не ги коментира обвиненијата, беше уапсен додека беше на одмор во јули 2018 година во Германија, каде што немаше имунитет од гонење и ѝ беше предаден на Белгија.
Ова е првпат на ирански службеник да му се суди за тероризам во земја членка на ЕУ.
Двајца негови осомничени соучесници, пар што живеел во Белгија, исто така биле уапсени во Белгија, а полицијата соопшти дека кај нив нашла половина килограм експлозив ТАТП и детонатор. Другиот наводен соучесник, Мехрдад Арефани (57), е ирански поет, кој живеел во Белгија неколку години. Тој беше уапсен во Франција во 2018 година.
Белгиските власти во јуни 2018 година соопштија дека спречиле обид за шверцување експлозив во Франција за напад на состанокот, а подоцна истата година француските власти ја обвинија разузнавачката служба на Техеран дека стои зад операцијата.
Јаак Раес, шеф на Белгиската служба за државна безбедност (ВССЕ), во писмо до обвинителот во февруари годинава рече дека планот за напад бил скроен во името на Иран и под негово раководство.
Франција исто така го обвини иранското Министерство за разузнавање дека го испланирало заговорот и протера ирански дипломат како одмазда во октомври 2018 година. Средствата на иранското разузнавање и на неговите претставници во ЕУ беа замрзнати.
Исламската Република ги негира обвинувањата велејќи дека заговорот бил трик на НЦРИ, кој е означен како терористичка група во Иран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Уапсен маж во САД: Се заканувал дека ќе изврши масовен напад на свеченост на компанијата на Илон Маск

Aмериканските власти уапсија маж од Флорида за кој велат дека се заканувал дека ќе изврши масовен напад на гала настан на компанијата„Тесла“ во сопственост на Илон Маск.
Американската полиција соопшти дека Рајан Оверем (28) од Орландо, напишал во група на Инстаграм со која разговарал дека планирал да убие луѓе на јавен настан во четврток.
Мажот е уапсен во округот Тревис, каде што се наоѓа фабриката Тесла во близина на градот Остин.
Тесла бил известен на 10 ноември за групниот разговор и ја информирал полицијата, според San Francisco Chronicle.
Полициските инспектори го задолжија Инстаграм да открие кој ги пратил пораките.
Во налогот за апсење на Оверем не е наведено дали Маск бил целта, објави NBC.
Оверем е обвинет за терористички закани и бил приведен во округот Тревис.
Регион
По Македонија и Србија падна на тестот со знамињата – премиерката на Италија пречекана со унгарски знамиња на улиците

Откако во Македонија, неколкупати странски дипломати беа пречекани со знамиња на други држави, денес Србија направи грешка за време на пречекот на италијанската премиерка, Џорџа Мелони.
Како што јавуваат српските медиуми, Мелони која се наоѓа во посета на Белград по пристигнувањето доби букет цвеќе од Вучиќ, а во знак на добредојде на улиците беа поставени знамиња – но не италијански, туку унгарски.
„Знамињата, како што секогаш се прави при пристигнувањето на странските претставници, беа поставени покрај автопатот и главните улици во градот, како и пред Палатата Србија, каде што е средбата меѓу италијанската премиерка и српскиот претседател. Пред Палатата знамињата беа правилно поставени, но проблем настана покрај автопатот. Некој во организацијата очигледно направил пропуст“, пишува „Нова.рс“.
Dolazi nam Premijerka Italije, mentoli, ko god da je, okačili zastavu Mađarske.@avucic da li je stvarno moguće da tamo kod vas , po službama, protokolima, radi neko ko bar za ovo mozga nema…..aman. Blam blam.. pic.twitter.com/Yek6wVCtln
— Nataša Stojanović (@tashananana) December 3, 2023
Имено, комбинацијата на боите на италијанското и унгарското знаме е иста, но кај Унгарија тие се поставени хоризонтално, а кај Италија вертикално.

Унгарско знаме

Италијанско знаме
Српското знаме беше поставено по должина, па така знамето го претставуваше симболот на Унгарија.
Jery relno da su zbog dolaska Italijanke, duž autoputa pokačili mađarske zastave!?? pic.twitter.com/xYXweJISGm
— Édesem Grunfosz by PUB (@grunfology) December 3, 2023
Во Македонија не еднаш во изминатите години беше направена грешка со знамињата. Шефицата на словенечката дипломатија Тања Фајон лани беше во Скопје, а нејзиниот колега Бујар Османи ја пречека со знамето на Словачка. Претходно, во 2018 година, експремиерот Зоран Заев го пречека тогашниот австриски канцелар Себастијан Курц во Скопје со знамето на Летонија. Понатаму, поранешниот француски амбасадор Кристијан Тимоние во 2019 година во Охрид беше пречекан со холандското знаме, а неколку месеци подоцна, Мило Ѓукановиќ беше дочекан со наопаку поставено црногорско знаме.
Свет
Девојка од Флорида се преправала дека е тинејџерка, па заведувала и силувала деца

Алиса Ен Сингер (22) од Флорида се преправала дека е домашно школувана и на тој начин се допишувала со деца на возраст од 12 до 15 години кои ги заведувала и силувала. Полицијата објави дека таа 30 пати спиела со најмалку еден малолетен ученик.
Стравуваат дека се уште има многу жртви кои се плашат да проговорат јавно.
„Вознемирувачки е. Имаме предатор кој експлоатира деца. Страшно. Ги покануваме сите што беа нејзини жртви да излезат, ќе ги заштитиме и ќе се погрижиме никогаш повеќе да не им наштети“, објави началникот на полицијата во Тампа, Ли Беркоу.
Таа била уапсена додека крадела од продавница.
Полицијата извести дека Алиса се преправала дека е домашно школувана за да стекне контакт со ученици на кои им испраќала експлицитни фотографии и видеа, главно преку Snapchat.
Учениците од гимназијата им рекле на инспекторите дека немале поим дека се допишуваат со 22-годишната девојка. Алиса спиела со барем еден од нив кој на полицијата и раскажал како се започнало со преписката на Снепчет. Потоа се запознале и имале врска.
Подоцна му признала дека не е единствениот ученик со кој спиела.
Полицијата ја фатила како краде во продавница, а претходно била следена.
Кога ја уапсиле, таа на полицијата и рекла дека нема никаква врска со заведување ученици и дека има полусестра на иста возраст која изгледа исто како неа.
Таа беше обвинета за малтретирање деца и ослободена со кауција од 75.000 долари.