Пет лица се уапсени поради сомневање за вмешаност во низа грабежи на познати фудбалери во Шпанија. Во рамки на операцијата „Оп Хабитат Риниа“, шпанската цивилна гарда во блиска соработка со албанската полиција и Европол, уапси пет лица поради нивна наводна вмешаност во низа грабежи во домови на познати фудбалери во Шпанија.

Се претпоставува дека криминалната група ги следела активностите на фудбалерите преку нивните социјални мрежи, за да знае кога треба да делува. Во некои случаи членовите на семејството се наоѓале во домовите кога криминалната група упаѓала.

Шпанските власти заплениле накит, луксузни автомобили и илјади евраво готовина за кои се верува дека им припаѓаар на фудбалери и нивни семејства.

Пронајдени се и неколку предмети, кои имаат сентиментална вредност, вклучително и медалја од Лигата на шампионите, која е украдена од куќата на везниот играч на Атлетико Мадрид.

Израелскиот премиер Бенјамин Нетанјаху го извести претседателот Рувен Ривлин дека му го враќа мандатот бидејќи не успеал да формира влада. Ривлин му довери мандат на Нетанјаху да формира влада по парламентарните избори на 17 септември.

„Кога го добив мандатот, работев неуморно да формирам широка влада со национално единство. Тоа го сака народот“, порача Нетанјаху преку видеоснимка на „Фејсбук“.

Тој додаде дека напорите да го доведе Ганц на преговарачка маса и да спречи уште едни избори не вродиле со плода зашто лидерот на сојузот на партиите на центарот „Сино бело“ постојано го одбивал тоа.

Претседателот Ривлин соопшти дека планира да го задолжи Ганц, поранешниот началник на Генералштабот, да се обиде да формира владејачка коалиција. На располагање ќе има 28 дена.

Десетици интелектуалци, јавни личности и граѓани се собраа вечерва пред француската амбасада во Софија за да го искажат своето несогласување со одлуката на францускиот претседател, Емануел Макрон, да го блокира почетокот на претпристапните преговори на Северна Македонија и Албанија.

Како што пренесува БГНЕС, учесниците извикуваат „Бугарија и Македонија под едно небо!“, „’Не’ на лицемерството, ‘да’ на Македонија“.

„Сведоци сме за заживување на француско-српската унија, која последниве години беше запоставена и има цел да ја блокира европската иднина на Македонија“, изјави познатиот балкански специјалист и публицист Иван Николов.

Тие повикаа на бескомпромисна и постојана поддршка за европското членство на Македонија бидејќи во спротивно поддршката од надворешни националисти ќе го дестабилизира целиот регион.

Учесниците на собирот го повикаа Макрон да ја преиспита својата одлука и да биде во висина на големите француски државници, како Де Гол и Ширак, и да не ги загрозува стабилноста и безбедноста на Балканот. Тие истакнаа дека„ова е прв протест во Европа за членство на една држава во ЕУ.

Во писмото до Маркон, кое му го доставија на претставник на француската амбасада, организаторите на собирот го повикаа францускиот претседател да не дозволи Република Северна Македонија да биде извор на политички хаос.