Бројот на новозаразени со коронавирус минатата недела се зголеми за девет проценти во 53 европски земји, објави денеска Светската здравствена организација.

Регионалниот директор на СЗО за Европа, Ханс Клуге рече дека минатата недела имало повеќе од милион случаи.

Тој посочи дека скокот бил особено забележлив во Централна и Источна Европа, но и некои западноевропски земји забележале зголемување на бројот на заразени лица.

Се поголем број на нови инфекции се забележуваат во повеќе од половина од регионот, рече Клуге.

Алудирајќи на солидарноста што ја покажаа некои европски земји, кои примаа пациенти од сериозно погодени соседи, Клуге рече дека по повеќе од една година пандемија, здравствените системи не треба да бидат во ваква состојба.

„Мораме да се вратиме на основите“, рече тој пред новинарите во седиштето на Светската здравствена организација во Данска.

Серискиот убиец од Калифорнија, Роџер Рис Киб (81), кој задави и силуваше најмалку седум жени, и самиот беше задавен во државниот затвор, соопштија официјалните лица.

Стражарите во неделата забележале дека Киб, познат како „Давител од патот I-5“ од седумдесеттите и осумдесеттите, не реагира на повиците. Покрај него стоел неговиот 40-годишен цимер Џејсон Бурдоу, осуден убиец со тетоважа „666“ на челото.

„Аутопсијата покажа дека е задавен“, рече шерифот од округот Амадор. Истрагата е во тек и засега против никого не е покренато обвинение за неговото убиство.

Киб првпат бил осуден во 1991 година за давење на Дарсин Фракенпол, 17-годишна девојка, која избегал од својот дом во Сиетл. Нејзиното скоро целосно голо тело било пронајдено во 1987 година западно од градот Саут Лејк Тахо.

Во 2009 година, истражител од канцеларијата на обвинителот на округот Сан Хоакин откри нови докази што го поврзуваат Киб со шест дополнителни убиства во неколку окрузи во Северна Калифорнија.

Тој издржуваше неколку доживотни затворски казни.

По веста дека Европската агенција за лекови започнала постапка за регистрација на руската вакцина „спутник В“, се огласи Европската Унија, која вели дека руската вакцина се уште не е стратегија.

Сите светски агенции објавија дека Европската агенција за лекови (ЕМА) започнала постапка за регистрација на руската вакцина против коронавирус, што многу земји-членки веќе ја побарале за своите граѓани, дури и по итна постапка, со цел да се обидат да избегнат целосен дебакл на официјален Брисел и неговата набавка на вакцини.

Компанијата што стои зад „спутник В“ претходно ѝ понуди на ЕУ 100 милиони дози вакцини, но Брисел одби, велејќи дека руската вакцина не е во стратегијата на ЕУ за борба против коронавирусот.

Слично образложение и сега пристигна.

„ Само затоа што вакцината добива одобрение од Европската агенција за лекови, не значи дека треба да биде ставена на списокот со вакцини, кои се вклучени во стратегијата за вакцинација на ЕУ“, рече Ерик Мамер, портпарол на Европската комисија.

Се додава дека ЕК веќе склучи договори во име на ЕУ за набавка на доволни количини вакцини (2,6 милијарди дози со шест компании) со цел да се исполни целта на 70 проценти од вакцинираните Европејци до крајот на летото.

Брисел исто така нагласува дека при одобрување на вакцините за употреба на пазарот на ЕУ, тие не се водат според геополитиката, туку според проценката на квалитетот, ефикасноста и безбедноста на вакцината.