Ирачката војска ги нападнала челниците на џихадистите, вклучително и ал-Багдади

Ирачките воздухопловни сили извеле напад врз куќа во којашто се смета дека бил одржан состанок на челникот на ултрарадикалната сунитска организација Исламска држава, Абу Бакр ал-Багдади и борбените команданти, објави во понеделникот ирачката армија, без информации дали нападот бил успешен.

Ирачката армија во соопштението кое го пренесува Reuters наведува дека нејзините авиони од типот „F-16“ во саботата гаѓале објект во западен Ирак. Во истиот напа се бомбардиран уште три куќи во западен Ирак во кој се убиени 64 борци на Исламската држава, се додава.

Објавени се имињата на 13 команданти на Исламската држава за кои се тврди дека се убиени во тој напад, но на листата го нема името на Ибрахим ал-Самараи, поранешниот затвореникот во американскиот затвор Гвантанамо, попозната како Абу Бакр ал-Багдади.

Војската тврди дека ал-Багдади минатата седмица во конвој го напуштил сирискиот град Рака, досегашната неформална престолнина на неговиот ткн „калифат“, во регионот Ал-Каим, на ирачката страна од границата, за со своите команданти да разговара за „колапсот кој се одигрува во Мосул и за изборот на евентуалниот негов наследник“.

Ал-Багдади, според некои претходни извештаи, веќе неколкупати бил рануван. Неговото последно појавување во јавноста било ланскиот ноември, кога ги повика борците да го бранат Мосул, неговото последно урбано упориште во Ирак.

Ирачките сили помогнати од шиитските доброволечки единици од регионот и локалните племенски милиции, со поддршка на авијацијата на коалицијата предводена од САД, ја завршија првата фаза од ослободувањето на Мосул, иако беше ветено дека вториот по големина град во Ирак ќе биде ослободен од џихадистите до крајот на октомври. Во моментов тие го контролираат источниот брег од регата Тигрис кој го дело Мосул на два дела.

Ирачката телевизија al-Sumaria објави дека некои џихадистички команданти наводно му ја откажале послушноста на ал-Багдади поради загубите во во Мосул. Локални извори за телевизијата во неделата рекле дека дезертерите од редовите на џихадистите одбиле да учествуваат во самоубиствените бомбашки напади, кои ги наредил ал-Багдади.

Телевизијата цитира извесен Абу Абдрула ал-Шами, еден од челниците на џихадистите во Мосул, кој рекол дека ал-Багдади е неспособен да го одбрани градот и да возврати на нападите. Го критикувал дека Исламската дражва постојано губи делови од големата територија којашто ја зазема во офанзивата од летото 2014 година во Сирија и во Ирак./крај/мф/сн