Исчезнатата 12-годишна тинејџерка пронајдена мртва, сомнежите се дека била жртва на убиство

Германската полиција во шумата кај Фројденберг го пронашла телото на исчезнатото дванаесетгодишно девојче Луиз Ф., за кое се вели дека е жртва на кривично дело.

Нејзиното тело беше пронајдено во неделата во шумата недалеку од тунелот на поранешната железничка станица Вилденберг во покраината Рајнланд-Фалц, во близина на границата со Северна Рајна-Вестфалија.

„Досегашните истраги го потврдуваат сомнежот дека девојката е жртва на убиство“, изјави портпаролот на обвинителството.

Нема индиции дека се работи за сексуален прекршок, додаде тој.

Наредена е обдукција за да се утврдат причините за смртта, пренесува „Билд“.

Девојчето исчезнало во саботата попладне додека одела кон нејзината куќа. Според полицијата, девојката се движела низ шумата. Таа не дошла дома. Последен пат била видена во 17.30 часот во Kleintirolstrasse во Хоенхајн.

„Ние во Фројтенберг сме длабоко потресени и нашите мисли се со семејството. Наредив знамињата да се спуштат на половина копје“, изјави градоначалничката Никол Решке.