Турската национална авиокомпанија Туркиш ерлајнс соопшти дека вкупно 238 летови, планирани за денеска и утре во Истанбул, се откажани поради предвиденото невреме, придружено со снежни врнежи.

Во соопштението се наведува дека одлуките за откажување се донесени во согласност со заклучокот на Метеоролошкиот комитет за вонредни состојби (МАДКОМ), а граѓаните се предупредуваат да го проверат статусот на нивните летови пред да пристигнат на аеродромот, пишува истанбулскиот весник „Дејли Сабах“.

„Поради очекуваните врнежи од снег во Истанбул и според одлуката на МАДКОМ, летовите од аеродромот во Истанбул се откажани на 5 и 6 февруари. Откажани се вкупно 238 летови до и од аеродромот во Истанбул – 72 домашни и 166 меѓународни. Можно е дека ќе се зголеми бројот на откажани летови“, се наведува во соопштението, пренесе Б92.

Германскиот канцелар Олаф Шолц изјави дека рускиот претседател Владимир Путин не му се заканувал на него ниту на Германија во нивните телефонски разговори, пренесува денеска германскиот весник „Билд ам Зонтаг“.

Последен пат разговарале на телефон на почетокот на декември, пренесува Ал Џезира.

Шолц, исто така, рече дека јасно му кажал на Путин дека има многу различни ставови за војната во Украина.

„Јасно му ставам до знаење на Путин дека Русија е одговорна за војната. „Русија го нападна својот сосед без причина за да стави под своја контрола делови од Украина или целата земја“, рече Шолц.

Тој додаде дека Германија смета дека рускиот напад ја прекршил европската мировна рамка и дека Берлин обезбедува финансиска, хуманитарна и воена помош за Украина.

Има договор со украинскиот претседател Володимир Зеленски дека оружјето што го испорачува Запад може да се користи само на украинска, а не на руска територија, нагласи Шолц,пренесе Денес.рс.

Украина нема да го користи оружјето со долг дострел, ветено од САД за цел на руска територија, туку само руски единици на окупирана украинска територија, изјави денеска украинскиот министер за одбрана Алексеј Резников.

САД во петокот потврдија дека новите ракети, кои ќе го удвојат досегот на удар на Украина, се вклучени во пакетот воена помош за Киев во вредност од 2,175 милијарди долари за да се одмазди на нападот на руските сили, објави Ројтерс.

– Ние секогаш официјално им кажуваме на нашите партнери дека нема да користиме оружје испорачано од странски партнери за цел на руска територија. Напаѓаме само руски единици на привремено окупирана украинска територија – изјави Резников на новинарите на прес-конференција.

Германскиот канцелар Олаф Шолц изјави претходно денеска дека постои договор со претседателот на Украина Володимир Зеленски дека оружјето што го испорачува Запад ќе се користи само на територијата на Украина и нема да се користи за напади на територијата на Русија.

Во интервју за „Билд“, на прашањето дали има договор со претседателот Зеленски дека оружјето од Запад ќе се користи само на територијата на Украина и дека нема да се користи за напад на територијата на Русија, Шолц одговори дека „ има консензус за ова“,пренесе Телеграф.рс.