Високи здравствени службеници од Нов Зеланд објавија дека го испитуваат првиот потенцијален случај на локално пренесување на коронавирусот првпат по неколку месеци, а станува збор за 56-
годишна жена која дошла од странство.

По враќањето во Нов Зеланд, таа била позитивна на тестот на 30 декември, неколку дена по завршувањето на задолжителниот карантин на границата, каде што тестот покажал дека е двапати негативна, објави Ројтерс.

„ Работиме на претпоставка дека ова е позитивен случај и дека станува збор за многу заразен вид, не знаеме дали станува збор за варијантата од Јужна Африка или Британија, потенцијално и од Бразил или некој четврти“ изјави министерот за здравство, Ешли Блумфилд.

Не е познато како жената се заразила, додаде Блумфилд, но бидејќи беше позитивна на тестот неколку дена по напуштањето на карантинот, властите веруваат дека можеби имало локален пренос

11-годишно момче почина во текот на ноќта на Клиниката за инфективни болести Д-р Фран Михаљевиќ во Загреб како резултат на инфекција со коронавирус.

Ова е најмладото починато лице како резултат на Ковид-19 во Хрватска, пренесува 24сата.хр.

Неофицијално се дознава дека момчето не страдало од други болести, но имало ретка компликација што лекарите почнале да ја забележуваат кај мал број деца кои биле заразени.

Наводно, имало мултиоргански воспалителен синдром кој се јавува како прекумерен имунолошки одговор.

Српскиот претседател Александар Вучиќ утрово во телевизија Прва изјави дека британскиот вид коронавирус пристигнал во Србија и дека го донела девојка од Лондон.

„ Јас сум страшно исплашен. Патник од Лондон во Србија го донесе коронавирусот на територијата на Србија”, истакна Вучиќ и додаде дека девојката не била позитивна на тестот за ПЦР.

Нагласи дека тоа е опасен вид на вирус и дека Велика Британија е затворена поради тоа, но дека е важно тоа што веднаш го откриле и ги изолирале сите контакти.

Во интервјуто зборува за тоа колку е тешко да се дојде до вакцини и дека е вистинска војна во светот. Вели дека би се вакцинирал со кинеската вакцина.

„ Би ја примил кинеската вакцина, но размислувам дека не сум толку стар, затоа што мислам дека е срамота кога ќе видам дека има некои кои немаат никакви коморбидитети и се туркаат да ја примат вакцината“, рече тој.

Српскиот претседател рече дека Србија платила многу помалку за кинеските вакцини отколку што се продаваат во светот. Вели дека денеска е потешко да се набават вакцини отколку нуклеарно оружје. Тој истакна дека очекува денеска да бидат вакцинирани 50.000 луѓе во Србија.

Тој додаде дека Србија примила 0 вакцини од Ковакс програмата, како и сите земји во регионот, бидејќи има проблем со дистрибуција на вакцини во земјите на ЕУ токму преку таа програма.

Нагласи дека секој што примил вакцина во Србија, ќе добие и ревакцина, истата што ја примил.

Говорејќи за прашањето за набавка на вакцини, Вучиќ рече: „Војна е во вистинска смисла на зборот, ова е прашање на опстанок на економијата“.