Италијанската полиција разби група разбојници кои дејствувале во Европа и се обиделе да украдат злато од златарницата на плоштадот Свети Марко во Венеција во 2017 година.

Осомничените се уапсени во Австрија, Естонија и Финска и тие припаѓаат на естонска банда специјализирана за грабеж на луксузни европски продавници за накит, се наведува во соопштението на италијанската полиција.

Во март 2017 година, двајца членови на таа група активирале две димни бомби за да организираат напад на златарницата на плоштадот Свети Марко, додека другите двајца се обиделе да ја ограбат.

Благодарение на интервенцијата на турист кој бил предупреден од продавачка и кој повикал полиција, разбојниците биле принудени да бегаат.

Денешното соопштение за разбивањето на групата следеше по долгогодишна истрага во координација со Европол.

Според полицијата, таа група извршила две кражби во Бастија на Корзика во 2016 и 2017 година, во Инсбрук, Австрија во 2017 година, со вкупен плен проценет на еден милион евра. Меѓу уапсените е и осомничениот шеф на групата кој беше пронајден во Финска. Тој веќе е осуден за повеќе кражби и едно убиство, соопшти полицијата.

Главоболки, болки во грлото и течење на носот се едни од најчесто пријавените симптоми на индискиот вид на коронавирус во Велика Британија, пишуваат британските медиуми.

Според истражувањето на професорот Тим ​​Спектор, симптомите од т.н индиски сој на коронавирус се разликуваат од оние предизвикани од претходните варијанти на Ковид-19, а сè повеќе пациенти тврдат дека не го изгубиле чувството за мирис и вкус и немале треска, но чувствувале симптоми на силна настинка како течење на носот, болки во грлото и главоболки.

Податоците биле собрани врз основа на истражување на примерок од илјадници испитаници кои ги пријавиле своите симптоми преку апликација.

“Немаме добри вести, гледаме експоненцијално зголемување на бројот на пациенти, особено во северо-западот на Англија и Шкотска. Повеќето од нив се млади луѓе на возраст од 20 до 29 години и малку постари од 40 до 49 години. Популацијата не е вакцинирана или е вакцинирана само еднаш, со што, се разбира, не се постигнува соодветен имунитет. Смртноста е малку пониска отколку кај британскиот вид, но треба да сме загрижени за т.н долга фаза од Ковид-19, така што Велика Британија дефинитивно има проблем “, рече професорот.

Токму овие неспецифични симптоми пациентите не ги припишуваат на Ковид-19 вирусот и продолжуваат со вообичаените животни и социјални навики, одат на работа и се забавуваат, мислејќи дека тоа е само сезонска настинка.

Професорот апелира на потребата од добивање втора доза на вакцина и останување дома кога ќе се забележат првите симптоми во однос на главоболка, воспаление на грлото и течење на носот.

90% од сегашните случаи во Велика Британија, наводно, се поврзани со делта варијантата на вирусот, или индискиот сој на коронавирус пренесуваат медиумите.

Во Германија е регистриран најмал број на новозаразени од коронавирус на дневно ниво во последните девет месеци, па официјалните лица ја разгледуваат можноста за релаксирање на правилата во врска со носењето заштитни маски.

Институтот „Роберт Кох“ денеска објави дека во последните 24 часа регистрирани се 549 новоинфицирани лица, што е првпат од 21 септември бројката да е помала од 1.000, иако обично се случува бројките во текот на викендот да бидат релативно ниски затоа што се тестираат помалку луѓе.

Повеќе од 3,7 милиони луѓе се заразиле во Германија од почетокот на пандемијата, а со новите 10 потврдени смртни случаи бројот на починати достигна 89.844.

Со намалувањето на бројот на заразени се иницира прашањето за носењето заштитни маски. Министерот за здравство, Јенс Шпан, изјави дека треба да се оди постепено и дека првин треба да се укинат правилата за носење маски на отворено.

Тој додаде дека мерката носење маски во затворен простор може постепено да се укинува во области со мал број заразени лица и со висока стапка на вакцинација.