Најдобриот голфер Тајгер Вудс се бори за живот по тешка сообраќајна несреќа што се случи денеска во близина на Лос Анџелес, пренесуваат американските медиуми.

45-годишниот Вудс бил сам во автомобилот, кој при голема брзина излетал од регионален пат. По стравотната несреќа, пожарникарите го ваделе од автомобилот, па веднаш е префрлен во клинички центар, каде што во моментот докторите се борат за неговиот живот.

A look at the car Tiger Woods was in. https://t.co/biSQfMW0sK pic.twitter.com/WubFojEGfi

— Cody Chaffins (@Cody_Fox5) February 23, 2021

Како што се знае досега, тој има скршеници на нозете. Тој е опериран, но засега не се знае неговата состојба.

Во тек е истрага за причините за несреќата.

Компанијата „Астра зенека“ ѝ соопшти на Европската Унија дека во вториот квартал ќе достави помалку од 90 милиони дози од вакцината против коронавирусот. Тоа значи дека „Астра зенека“ ќе испорача помалку од половина од бројот на договорени вакцини за набавка на ЕУ во вториот квартал.

Според договорот, компанијата се обврза да испорача 180 милиони дози.

Доколку се намалат дозите на вакцините, ова може да влијае на способноста на ЕУ да ја постигне целта за вакцинирање 70 % од возрасните до летото.

Официјален претставник на ЕУ, кој сакаше да остане анонимен, потврди дека „Астра зенека“ планира да испорача приближно 40 милиони дози во првиот квартал, што е повторно помалку од половина од 90 милиони дози што требаше да ги испорача.

Портпаролот на компанијата изјави дека се надеваат оти ќе може подобро да ги усогласат испораките со договорот за набавка на авазивна вакцина.

Европската комисија, која ги координира преговорите со производителите на вакцини, одби да ги коментира податоците.

Познатиот француски актер Жерар Депардје (72) и формално е обвинет за сексуално насилство што наводно го извршил врз млада актерка во 2018 година откако француското обвинителство повторно го отвори случајот. Тој ги негира наводите.

Девојката го пријавила случајот во полиција во 2018 година велејќи дека и претхдно била силувана и оти во два наврата тоа се случило во куќата на Депардје во Париз. Според извор од истрагата, актерот му бил куќен пријател на семејството на девојката.

Обвинителот тогаш ја затворил истрагата, но летото 2020 година девојката успеала да ги убеди органите повторно да ја отворат постапката.

Депардје не е во притвор, но тој се наоѓа под судски надзор. Неговиот адвокат Ерв Темим изјави дека тој целосно ги отфрла обвинувањата.