Видео од деца-мигранти со бројки напишани на рацете се рашири како вирус на интернет, откако седумгодишно девојче, приведено во САД, почина од сепса.

Локални медиуми во САД известија за оваа практика, по смртта на Џеклин Каал Макин, дете од Гватемала, кое со својот татко било приведено поради нелегално преминување на јужната американска граница.

Макин и татко ѝ биле приведени заедно со група од околу 160 мигранти во Ново Мексико.

Додека се возеле во автобус кој ги пренесувал до граничната патрола во Лордсбург, Ново Мексико, таткото на Макин ги известил овластените лица дека неговата ќерка повраќала.

Девојчето починало неколку часа подоцна на 8 декември, во болница во Ел Пасо, Тексас.

Официјалните резултати од аутопсијата допрва ќе бидат објавени. Сепса настанува како резултат на екстремна инфекција, кога телото не реагира на истата и може да доведе до откажување на органите, велат од Центарот за контрола и превенција на болести.

Од министерството за внатрешна безбедност на САД извесутваат дека таткото негирал оти Макин била болна за време на првичното испрашување.

„Првичните испрашувања не открија никаков доказ за здравствени проблеми,“ се вели во соопштение од министерството. „За време на испрашувањето, таткото негираше дека тој или неговата ќерка биле болни“.

Смртта на девојчето ја потресе јавноста која е се позагрижена за миграциските политики на Доналд Трамп, односно фактот дека децата кои чекаат да ја преминат границата на САД, се обележани со броеви на рацете.

Голем број корисници на социјалните мрежи го споредуваат ова со нацистичката пракса на тетовирање на еврејските затвореници во концентрационите логори.

„Глетки од Аушвиц“, вели еден корисник на Твитер.

Според снимката, бројките кои децата ги носат на рацете се напишани со маркер.

Формирањето на војската на Косово треба да биде постепен процес и да придонесе за стабилноста во регионот, смета министерот за надворешни работи на Црна Гора, Срѓан Дармановиќ.

Одговарајќи на новинарско прашање за позицијата на Црна Гора во однос на формирањето на косовската војска. Тој рече дека ниту Црна Гора, ниту НАТО никогаш не го оспориле правото секоја земја да има своја војска, но порача дека процесот треба да се одвива постепено.

„Генералниот секретар на НАТО предупреди дека процесот мора да биде постепен, отворен, инклузивен и да допринесе за стабилноста на регионот, со цел понатамошната соработка на НАТО и Косово да продолжи на обострано задоволство“, изјави министерот Дармановиќ и додаде дека ваквата позиција, што и Црна Гора ја има повторено во неколку наврати е реална.

Косовскиот премиер, Рамуш Харадинај, повторно ја обвини шефицата на Европската Унија за надворешна политика и безбедност, Федерика Могерини, за неуспехот во дијалогот со Белград. Тој рекол дека таа е виновна затоа што дозволила процесот да се „излизга од шините“.

Харадинај денеска доби писмо од бриселската „тројка“ – Могерини, комесарката за трговија Сесилија Малстром и комесарот за проширување Јоханес Хан, во кој го обвинија дека со еднострани акции го загрозил дијалогот со Белград и дека Приштина во дијалогот ја претставува претседателот Хашим Тачи.

Косовската Влада на денешниот состанок разговараше за сеопфатен и обврзувачки нацрт-договор меѓу Белград и Приштина. Советникот на Харадинај, Авни Арифи, истакна дека документот предвидува Србија да ја призне независноста на Косово, суверенитетот на Косово, предвидува правда за воените злосторства и обештетување на жртвите на сексуално насилство. Исто така, се бара членство на Косово во меѓународните организации.

Харадинај уште еднаш повтори дека данокот за српската стока ќе биде укинат кога Србија ќе го признае Косово.