Контакт

Свет

Ким Џонг-ун: Северна Кореја ќе создаде непобедлива армија

Објавено пред

Севернокорејскиот лидер Ким Џонг-ун вети дека ќе направи непобедлива армија, која никој не би се осмелил да ја предизвика. Тој ги обвини САД дека создаваат тензии со погрешни потези нагласувајќи дека во пракса не покажуваат оти немаат непријателски намери кон неговата земја.

Ким Џонг-ун зборуваше за создавање непобедлива армија на изложбата на ново оружје на Северна Кореја, објавија државните медиуми во Пјонгјанг.

„САД честопати велат дека не се непријателски настроени кон нашата земја, но нема докази што би нѐ убедиле дека тие не се непријателски. Вашингтон продолжува да создава тензии во регионот со своите погрешни процени и постапки“, рече севернокорејскиот лидер.

Ким рече дека модернизацијата на севернокорејската армија не е насочена против Јужна Кореја и дека не треба да има нова војна во која корејскиот народ би се борел меѓусебно.

Изложбата на оружјето „Самоодбрана-2021“ се одржа вчера и е настан што е дел од прославата на 76. роденден на владејачката Работничка партија.

Свет

(Видео) Цукерберг го смени името на компанијата и откри како ќе изгледа иднината

Објавено пред

Извршниот директор на „Фејсбук“, Марк Цукерберг, денеска претстави серија нови концепти насочени кон метаверзумот.

Метаверзум е широк поим, кој главно се однесува на виртуелни светови што се достапни за поголем број луѓе и се слични на реалниот живот. До нив може да се пристапи преку интернет.

Тој најави и дека компанијата ќе го смени името во Мета.

Сепак, социјалната мрежа ќе го задржи своето име и отсега „Мета“ ќе поседува три големи брендови: „Фејсбук“, „Инстаграм“ и „Вацап“.

Постои и веројатност дека ребрендирањето е дел од обидот да се спаси угледот на „Фејсбук“ и да се оддалечи компанијата од многуте скандали што се случија неодамна.

„Во моментот нашиот бренд е толку цврсто поврзан со еден производ, што на никаков начин не може да претставува сè што правиме денес, а камоли во иднина“, рече Цукерберг.

Сите апликации и технологии ќе бидат обединети под еден бренд, а корпоративната структура на компанијата нема да се менува, нагласи тој.

Во иднина корисниците ќе може да пристапуваат до други услуги на компанијата, дури и без користење на „Фејсбук“, рече Цукерберг.

„Знам дека некои луѓе ќе речат оти ова не е време да се фокусираме на иднината и сакам да нагласам дека сега има важни прашања на кои треба да се работи. Секогаш ќе има“, рече Цукерберг во текот на конференцијата за виртуелна и проширена реалност.

„Фејсбук“ го пренесуваше во живо својот осми годишен настан – Connect за да ги прикаже своите најнови иновации и истражувања во проширената и во виртуелната реалност. Тие ја претставија и својата верзија на метаверузмот, комбинација на виртуелна и проширена реалност.

Така, беа прикажни серија видеа преку кои компанијата се обиде да ја пренесе својата визија за метаверзумот.

Се наведува дека оваа технологија ќе им овозможи на корисниците да испрат холографска слика на концерт со пријател, кој всушност e на самиот настан, ќе може да седат на виртуелна маса за состаноци со колегите или да играат игри со пријателите.

Цукерберг исто така најави дека виртуелната реалност ќе се користи за повици преку апликацијата „Месинџер“, а планира да создаде и виртуелен пазар, каде што ќе може да се продаваат виртуелни производи.

„Вашите уреди повеќе нема да бидат во фокусот на вашето внимание“, рече тој.

„Очекуваме дека многу од овие технологии меѓусебно ќе се поврзат во рок од пет или 10 години. Многу од нив ќе бидат мејнстрим и многу од нас на дневна основа ќе создаваат и населуваат светови, кои ќе бидат детаљни и автентични како и овој“, рече тој.

Прикажи повеќе...

Свет

Адвокатите загрижени: Aсанж може да се самоубие ако биде екстрадиран во САД

Објавено пред

Одбраната на Џулијан Асанж предупреди на ризик од самоубиство на основачот на „Викиликс“ доколку биде екстрадиран во САД и покрај уверувањата на Вашингтон дека нема да биде задржан во строги затворски услови.

На 50-годишниот Австралиец му се закануваат 175 години затвор во САД, каде што се гони поради објавување стотици илјади доверливи документи.

На вториот ден од разгледувањето на жалбата на САД пред Високиот суд во Лондон неговите адвокати истакнаа дека новите аргументи на никаков начин не ја оправдуваат промената на првостепената одлука во однос на неговата екстрадиција.

САД, обидувајќи се да ги разубедат лондонските судии, во средата го оспорија тврдењето за можно самоубиство на Асанж.

Се истакнува дека тој нема да биде затворен во озлогласениот затвор „АДХ Флоренс“ во Колорадо познат како „Алкатраз на карпите“, каде што членови на Ал каеда се притворени во речиси целосна изолација.

САД се надеваат дека ќе ја поништат одлуката на судијката Ванеса Барајтсер да одбие екстрадиција поради високиот ризик од самоубиство и можноста за влошување на менталната состојба на Асанж во американскиот правосуден систем.

Барајтсер во образложението на својата одлука потсети дека САД не биле во можност да го спречат самоубиството на американскиот финансиер Џефри Епштајн.

„Овие заклучоци првенствено произлегуваат од природата на менталната вознемиреност на Асанж и неговиот страв од екстрадиција со оглед на специфичноста на неговиот случај“, рече адвокатот на основачот на „Викиликс“, Едвард Фицџералд.

„Нема индикации дека овие фактори ќе се променат поради американските уверувања“, додава тој.

 

 

Прикажи повеќе...

Европа

Полскиот министер за правда дециден: Не треба да платиме ниту една казна од ЕУ

Објавено пред

Полскиот министер за правда, Збигњев Зиобро, денеска изјави дека неговата земја не треба да плати ниту една од изречените дневни казни од 1,5 милион евра од страна на највисокиот суд на ЕУ oткако Варшава ги игнорира мерките за промени во судството и работата на рудниците за лигнит.

Зиобро ги нарече незаконски забраните од Европскиот суд на правдата, пренесе АП.

Полска инсистира на тоа дека Европскиот суд нема јурисдикција над нејзиното судство.

Европскиот суд на правдата вчера преку соопштение потврди дека ѝ наредил на Полска да ѝ плаќа по милион евра дневно на Европската комисија поради констатираното прекршување на принципите на владеење на правото, а таквата казна да се применува сѐ додека не се исполнат одлуките на Судот.

Минатиот месец судот ја казни Полска со 500.000 евра дневно поради непочитување на забраната за затворање на рудникот за лигнит „Туров“.

„Полската држава не може да потклекнува пред беззаконие“, рече Зиобро на прес-конференција.

„Без разлика дали се работи за незаконските казни поврзани со Туров… или казните за реформи во судството, Полска не може и не треба да плати ниту еден злот“, рече Зиобро, кој е иницијатор на промените во полскиот судски систем.

ЕУ предупреди дека може да ја суспендира исплатата на средства за закрепнување од пандемијата во Полска доколку Дисциплинскиот совет на полскиот Врховен суд – телото овластено од владејачката партија да дисциплинира судии, не биде укинат, а претседателката на Европската комисија, Урсула фон дер Лаен, вчера изрази надеж дека ќе биде постигнат компромис.

Прикажи повеќе...

Најново

Свет57 минути

(Видео) Цукерберг го смени името на компанијата и откри како ќе изгледа иднината

Извршниот директор на „Фејсбук“, Марк Цукерберг, денеска претстави серија нови концепти насочени кон метаверзумот. Метаверзум е широк поим, кој главно...

Македонија6 часа

Седуммина починати и 436 новозаразени од коронавирус во последните 24 часа

Министерството за здравство информира дека во последните 24 часа се направени 2.732 тестирања, а регистрирани се 436 нови случаи на...

Македонија9 часа

Седумнаесетгодишна пациентка почина од коронавирус

На Клиниката за инфективни болести и фебрилни состојби утрово од коронавирус почина 17-годишна пациентка од село Сопотиница, Демир Хисар. Според...

Македонија10 часа

Борисов: Гарантирам дека нема да преговараме со Северна Македонија додека бугарското малцинство не биде во Уставот

Поранешниот бугарски премиер Бојко Борисов истакна дека нема да има преговори со Северна Македонија додека бугарското малцинство не биде внесено...

Македонија10 часа

Арсовска: Срамно е што моето семејство станува цел на црната кампања

Ниската црна кампања на Заев и Шилегов го допре дното инволвирајќи го моето најтесно семејство, реагира независната кандидатка за градоначалничка...

Македонија10 часа

(Видео) Петровска: И сопругот на Данела Арсовска има бугарска лична карта

СДСМ објави дека и сопругот на кандидатката за градоначалничка на Скопје поддржана од ВМРО-ДПМНЕ, Данела Арсовска, има бугарска лична карта....

Македонија10 часа

ВМРО-ДПМНЕ има мнозинство во Советот на Град Скопје, рече Митева

Парламентарната опозиција во македонското собрание согласно бројот на освоени гласови на претстојните локални избори има апсолутно мнозинство во Советот на...

Македонија11 час

Судење за „Плацови на Водно“ – сведок кажуваше како се купувале плацовите и становите на Груевски

Александар Ивановски-Теранова, во својство на сведок во случајот „Плацови на Водно”, посочуваше како биле купувани плацовите, но и становите на...

Забава13 часа

Пиштолот на Алек Болдвин испукал оловен проектил, вели шерифот

Револверот „колт“ со калибар 45, користен на сетот на филмот „’Рѓа“, не бил темелно проверен пред да му го дадат...

Македонија13 часа

Лични карти ќе можат да се подигнат и во сабота и недела

Во пресрет на одржување на вториот круг од локалните избори, што ќе се одржи в недела, на 31 октомври 2021...

Свет14 часа

Рекордни 48 милиони внатрешно раселени лица во светот

Бројот на внатрешно раселените лица поради конфликтот ширум светот достигна 48 милиони на крајот на 2020 година, што е највисока...

Регион14 часа

Во Србија сè поголем број деца заразени со Ковид-19, на респиратор приклучени и бебиња

Уште 64 лица починаа од инфекција со коронавирус во Србија вчера. Истиот ден шест деца биле приклучени на респиратор и...

Европа15 часа

(Видео) Ураганот продолжува да ја уништува Сицилија, драматични сцени од поплави

Југот на Италија се подготвува за уште два дена разорни дождови и поплави, додека реткиот медитерански ураган наречен Медикен го...

Свет1 ден

(Видео) Тројца ракувале со пиштолот со кој пукаше Болдвин – пронајден смртоносниот куршум

Полицијата тврди дека поседува куршум испукан од пиштолот што го користел актерот Алек Болдвин кога случајно ја застрела и уби...

Македонија1 ден

Регистрирани нови 444 случаи на Ковид-19, починале осум луѓе

Министерството за здравство информира, согласно податоците од Институтот за јавно здравје дека во последните 24 часа: Направени се 3.210 тестирања,...

Свет1 ден

Шпанија ќе им ги врати парите на граѓаните казнети за прекршување на карантинот

На сите шпански државјани што беа казнети поради прекршување на мерките за време на минатогодишното тримесечно заклучување ќе им бидат...

Македонија1 ден

(Видео) Петровска: Данела Арсовска има и бугарска лична карта

Данела Арсовска, освен бугарско државјанство, има и бугарска лична карта, издадена во 2017 година, тврди пратеничката од СДСМ, Славјанка Петровска....

Македонија1 ден

(Видео) „Името го добив по дедо ми Дане“ – Арсовска тврди дека не го менувала своето име и нема бугарско државјанство

Независната кандидатка за градоначалник на Скопје, поддржана од ВМРО-ДПМНЕ, Данела Арсовска, и денеска на прес-конференција ги негира обвинувањата дека поседува...

Македонија1 ден

Италија забрани туристички патувања за нашите државјани, Данска ги олесни ковид-правилата за влез

Со најновата одлука на италијанските власти Република Северна Македонија се преместува од листата Д во листата Е, со што не...

Свет2 дена

Два процента од богатството на Илон Маск ќе го реши гладот ​​во светот

Мала група исклучително богати поединци може да помогнат во справувањето со гладот ​​во светот само со мал дел од нивното...

Досие