Контакт

Свет

Кина и Русија ќе ја признаат талибанската власт во Авганистан

Објавено пред

Додека САД целосно го повлекоа својот дипломатски персонал од Кабул и ја затворија своата амбасада, Кина и Русија се очекува да ја признаат талибанската власт во Авганистан бидејќи нивните амбасади во Кабул остануваат отворени.

Според „Саут Чајна морнинг пост“, двете земји не планираат да го напуштат Авганистан и нема да ги затворат дипломатските претставништва, приклучувајќи им се на соседен Пакистан, Иран и Турција, која е на пат формално да го признае исламскиот емират на Авганистан.

Русија и Кина веќе неколку години одржуваат дипломатски врски со талибанците.

Портпаролката на кинеското Министерство за надворешни работи, Хуа Чунјинг, изјави дека Пекинг ги почитува желбите и изборот на авганистанскиот народ и додаде дека се надева оти талибанците ќе управуваат со земјата преку отворена, инклузивна исламска влада.

Во меѓувреме, Русија е во контакт со талибанските власти преку својот амасадор, според специјалниот претставник на Москва во земјата, Замир Кабулов.

„Тие разговараат во Кабул. Таму во моментов се воспоставени сите контакти. Амбасадата се справува со ова“, рече Кабуов цитиран од Ројтерс.

Во меѓувреме, талибанците уверуваат дека сите амбасади, дипломатски центри, институции, места и странски државјани во главниот град на Авганистан ќе бидат заштитени.

Истовремено, во заедничко соопштение од повеќе од 65 земји објавено денеска, се повикуваат талибанците да осигураат безбеден премин на странските државјани и Авганистанците кои сакаат да ја напуштат земјата.

Веќе има извештаи за жртви откако американските војници кои ја надгледуваа евакуацијата на последните летови надвор од земјата, пукаа во воздух, во услови на хаотични сцени на аеродромот во Кабул.

Регион

Татко си ги задавил трите деца во Загреб, oставил писмо на „Фејсбук“

Објавено пред

Три малолетни деца биле задавени од страна на нивниот татко во стан во Загреб, во населбата Млинови.

Полицијата на местото на злосторството рано утрово откри тела на три деца – близнаци момче и девојче на возраст од седум години и 4-годишно момче.  Во спалната соба го нашле телото на четиригодишното дете на креветот, а близнаците во дневната соба. Телата на децата се пренесени во Институтот за судска медицина.

Откако се обидел да си го одземе животот, таткото на децата (56) бил однесен во болница, пишува „Јутарњи лист“. Не е познато кој пријавил дека нешто се случило во куќата, но полицијата и брзата помош брзо пристигнале на местото на настанот.

„Индекс“ пренесува дека пред бруталното злосторство, таткото објавил писмо на социјалните мрежи во кое напишал дека „го оставила девојка бидејќи неговата поранешна сопруга била лоша кон неа и останал без пари“.

Таткото бил финансиски консултант. Тој е од Виена и има своја фирма.

Прикажи повеќе...

Европа

Кој ќе ја наследи Меркел: Изборите се неизвесни, постизборните сојузи се уште понеизвесни

Објавено пред

Околу 60,4 милиони Германци в недела, 26 септември на федералните избори, имаат можност да одлучат за идниот состав на парламентот, и индиректно за идниот канцелар, што ќе ја наследи Ангела Меркел. Федералната изборна комисија ја одобри кандидатурата на вкупно 54 партии, но 47 ќе излезат на гласање. Се натпреваруваат 6.211 кандидати, меѓу кои 2.024 жени.

Сепак, огромното мнозинство партии речиси и да нема шанси да го преминат изборниот праг и да влезат во идниот парламент, пишува „Еурактив“.

Се очекува главната борба да ја водат конзервативните демохристијани (ЦДУ и ЦСУ) и социјалдемократите (СПД), кои во моментов заедно формираат голема црно-црвена коалиција и опозициските Зелени. Тие три партии се единствените кои, надевајќи се на победа, официјално ги предложија своите кандидати за канцелар.

Покрај нив, во Бундестагот најверојатно ќе бидат вклучени и партии кои и во моментов имаат пратеници – либералите (ФДП), крајно десничарската Алтернатива за Германија (АфД) и Левичарската партија.

Аналитичарите ѝ даваат одредени шанси и на партијата Слободни избирачи, која фигурира како мала партија, иако има пратеници во парламентите на неколку германски федерални провинции, а во Баварија учествува и во провинциската влада.

Сестринските партии Христијанско-демократска унија (ЦДУ) и Баварската Христијанско-социјална унија (ЦСУ) го предложија како кандидат за канцелар, премиерот на најнаселената провинција Северна Рајна-Вестфалија, Армин Лашет, социјалдемократите се одлучија за досегашниот заменик-канцелар и министер за финансии Олаф Шолц, а трет кандидат е претседателката на партијата на Зелените, Аналена Бербок.

Анкетите спроведени за време на изборната кампања даваат предност на СПД. Така, според најновото истражување на институтот за анкети „Кантар“, социјалдемократите имаат поддршка од 25 проценти од гласачите, Демохристијаните со 21 проценти и Зелените со 16 отсто.

Според анкетата која беше објавена на 23 септември, Алтернатива за Германија (АфД) има 11 проценти, Левица 7 проценти, додека Либералите (ФДП) 11 проценти.

Во последните недели, СПД во повеќе анкети се најде пред демохристијаните.

Социјалдемократите успеаја да го подобрат својот не многу висок рејтинг долги години, главно благодарение на Олаф Шолц, кој беше прогласен за победник на сите три телевизиски соочувања од тројцата кандидати.

Според резултатите од анкетите, ЦДУ и СПД би можеле да претендираат за функцијата канцелар, но не и Зелените.

За неизвесноста на изборите придонесува и фактот што на претходните анкети, голем број граѓани, значително повеќе отколку пред изборите во 2017 година, рекоа дека се неодлучни или дека нема да гласаат.

Во анкетата на „YouGov“ на 23 септември, на прашањето „дали ја донесовте конечната одлука за тоа како ќе гласате на парламентарните избори“, 74 проценти од граѓаните одговориле потврдно. 15 проценти од испитаниците се’ уште не одлучиле кога ќе гласаат, 9 проценти не одговориле, додека 1 процент од испитаниците се изјасниле дека не знаат.

Сепак, и гласачите кои знаат за кого да гласаат, не знаат со сигурност што ќе се случи со нивниот глас, бидејќи за формирање парламентарно мнозинство ќе биде потребно создавање на постизборни партиски сојузи, а постојат неколку можни сценарија за коалиција, па можни се изненадувања.

Бројот на можни коалиции е голем. За поддржувачите на Шолц или Лашет, работата е јасна – секој глас за социјалдемократите или демохристијаните го носи нивниот кандидат на чекор до позицијата канцелар.

Останува прашањето во каков сојуз би можеле да владеат Шолц или Лашет и до кој степен гласачите на Зелените или ФДП можат да бидат сигурни на која страна нивните партии ќе се свртат.

Доколку повторно не се формира големата црно-црвена коалиција на ЦДУ и СПД, што двете партии во моментов ја отфрлаат, постојат три коалиции чие формирање е најверојатно за аналитичарите.

Првата е таканаречената „семафор“ коалиција на СПД, Зелените и либералите, во која главна пречка е што либералите сепак преферираат да дојдат на власт со идеолошки поблиските демохристијани.

Коалицијата за која многумина сметаат дека има најголема шанса Армин Лашет да го донесе до функцијата канцелар, е сојуз со Зелените и либералите. За оваа коалиција, која го носи прекарот „Јамајка“ поради боите црно-зелено-жолта, најголема препрека е јазот што постои меѓу демохристијаните и Зелените во однос на буџетската и финансиската политика.

Најпосле, во предвид доаѓа и црвено-зелено-црвената коалиција на СПД, Зелените и левичарската Левичарска партија, но најголемата пречка за тоа е сериозна разлика во гледиштето за германската надворешна политика, бидејќи Левица, која за многумина во Германија е екстремна левица, бара завршување на сите германски воени мисии во странство и распуштање на НАТО.

Олаф Шолц во неколку наврати нагласи дека секое учество во влада чиј столб би биле социјалдемократите, подразбира посветеност на вредностите на НАТО и ЕУ.

Прикажи повеќе...

Свет

(Видео) Вулканот во Шпанија не се смирува, евакуирани уште три града

Објавено пред

Властите на шпанскиот остров Ла Палма наредија евакуација на градовите Тахуја, Таканде де Абахо, и делови од Таканде де Ариба, кои досега не беа евакуирани по ерупцијата на вулканот.

Властите првично ги советуваа жителите на тие градови да останат дома, но потоа им рекоа дека мора да се евакуираат поради засилената вулканска активност.

Лава од вулканот Кумбре Вијеха на канарскиот остров Ла Палма тече низ падината на вулканот и уништува сѐ што е пред него веќе шести ден. Досега се уништени речиси 200 приватни и јавни објекти и голема површина земјоделско земјиште, а илјадници луѓе се привремено евакуирани.

Ла Палма беше во состојба на готовност откако беа регистрирани повеќе од 22.000 земјотреси за една недела во Кумбре Виеја, синџир вулкани што последен пат еруптираа во 1971 година и е еден од најактивните вулкански региони на Канарските Острови.

Прикажи повеќе...

Најново

Регион2 часа

Татко си ги задавил трите деца во Загреб, oставил писмо на „Фејсбук“

Три малолетни деца биле задавени од страна на нивниот татко во стан во Загреб, во населбата Млинови. Полицијата на местото...

Европа2 часа

Кој ќе ја наследи Меркел: Изборите се неизвесни, постизборните сојузи се уште понеизвесни

Околу 60,4 милиони Германци в недела, 26 септември на федералните избори, имаат можност да одлучат за идниот состав на парламентот,...

Македонија3 часа

Заклучен избирачкиот список, кампањата почнува в понеделник

Државната изборна комисија го заклучи избирачкиот список, со што од понеделник почнува кампањата за локалните избори закажани на 17 октомври....

Македонија3 часа

Досега се попишани околу 1,4 милион граѓани, пописот ќе заврши во четврток

Заклучно до вчера до 12 часот попишани се вкупно 1.395.000 граѓани, над 435.000 домаќинства и над 600.000 станови, а се...

Македонија20 часа

Нови 525 случаи на коронавирус, починаа 12 лица

Во последните 24 часа во Македонија се потврдени 525 нови случаи на коронавирус, 449 оздравеа, а 12 лица починаа, информира...

Македонија20 часа

Осумдесет oтсто од хоспитализираните со Ковид-19 се невакцинирани

Министерството за здравство ја објави анализата на вакцинирани од позитивни случаи на Ковид-19 во периодот од 6 август заклучно со...

Македонија22 часа

Еврејската заедница во Македонија смета дека со бришењето на терминот „бугарски“ се искривува историската вистина

Eврејската верска заедница и Фондот на холокаустот на Евреите од Македонија велат дека не се согласуваат со намерата за бришење...

Европа22 часа

Норвешка од утре ги укинува сите ковид-мерки

Норвешка ќе ги укине сите рестриктивни мерки воведени поради пандемијата на коронавирус, објави владата. „Поминаа 561 ден откако ги воведовме...

Европа23 часа

„Епл“ реагира на одлуката дека во ЕУ ќе мора да има универзален полнач за сите мобилни телефони

Европската Унија денеска објави дека ќе нареди воведување на универзални полначи за мобилните телефони. Овој потег го налути „Епл“, кој...

Топ1 ден

Работник од Скопје почина при пад од зграда во изградба

Градежен работник паднал и починал додека работел на зграда во изградба во Гази Баба. Според информациите, се работи за М.Ц....

Македонија1 ден

Јавни обвинители ќе следат дали има нерегуларности на локалните избори, формирана е привремена комисија

Јавниот обвинител донесе одлука за формирање привремена Комисија за следење на евентуални нерегуларности поврзани со локалните избори закажани за 17...

Македонија1 ден

Притвор за кумановската докторка која барала поткуп од 200 евра од пациенти за да ги оперира

Кумановското обвинителство поведе постапка против кумановска докторка на возраст од 51 година, вработена во „Општа болница Куманово“- очно одделение, поради злоупотреба...

Свет1 ден

Поранешниот каталонски лидер уапсен на Сардинија

Водачот на каталонските сепаратисти Карлес Пучдемон беше уапсен од италијанската полиција на Сардинија, пренесува „Ројтерс“. Шпанија го обвини Пучдемон за...

Македонија1 ден

Гутереш и Пендаровски разговараа за преспанскиот договор и бугарското вето

Средба на претседателот Пендаровски со генералниот секретар на Обединетите нации, Антонио Гутереш Претседателот Стево Пендаровски, во рамки на учеството на...

Свет1 ден

Напад во САД, еден загинат и 14 повредени во маркет

Едно лице загина, а 14 се повредени во напад што се случи во градот Колиервил, недалеку од Мемфис во американската...

Македонија2 дена

Регистрирани 526 нови случаи на коронавирус, починаа 28 лица

Во согласност со податоците од Институтот за јавно здравје, во последните 24 часа направени се 3.632 тестирања, а регистрирани се...

Свет2 дена

Гутереш предупреди на потенцијална нова студена војна помеѓу Кина и САД: „Мора да ја избегнеме“

Генералниот секретар на Обединетите нации, Антонио Гутереш, предупреди на потенцијална нова студена војна помеѓу Кина и Соединетите Американски Држави и...

Топ2 дена

Ограбена аптека во Чаир, на сопственикот му се слошило и починал

Сопственик на аптека на улицата Џон Кенеди починал набргу откако објектот бил ограбен, јави МВР. Тој не бил во аптеката...

Македонија2 дена

Ќе се воведуваат брзи тестови во училиштата

Министерот за здравство, Венко Филипче, најави дека ќе се воведат брзи антигенски тестови во училиштата. Според него, најголем дел од...

Македонија2 дена

Трета доза вакцина за граѓаните над 60 години, здравствените работници и тие со имунокомпромитирани состојби

Министерот за здравство, Венко Филипче, најави дека во земјава ќе се воведува трета доза вакцина. Станува збро за вакцината „Фајзер“,...

Досие