Триесет и четиригодишна студентка од САД е пронајдена мртва во близина на рускиот град Нижни Новгород, источно од Москва. Едно лице е уапсено.

Кетрин Серу (34) исчезнала откако влегла во неидентификуван автомобил во Нижни Новгород, пишува Би-Би-Си.

Полицијата накратко извести дека уапсениот има долго досие со тешки кривични дела.

Пред да исчезне, Кетрин ѝ испратила порака на нејзината мајка во Мисисипи: „Јас сум во автомобил со странец. Се надевам дека не ме киднапираа“.

Серу била поранешен маринец. По завршувањето на турнејата во Авганистан се преселила во Русија во 2019 година за да продолжи со магистерските по право на Државниот универзитет Лобачевски во Нижни Новгород.

Нејзината мајка изјавила дека Серу пред да ѝ испрати порака брзала да се врати во болница каде што требало да изврши уплата за некоја услуга, а најверојатно стопирала за да не чека чека такси или „убер“.

Руската полиција го барала нејзиното тело во пошумено подрачје надвор од градот, каде што последен пат бил снимен нејзиниот телефонски сигнал. Американската амбасада во Москва соопшти дека ја следи истрагата.

Една нација живее на двете страни од границата Деве Баир, а тоа е бугарската, ова го напиша бугарскиот европратеник, Ангел Џамбаски, посочувајќи дека нема две нации или два народи. Според него, посетата на премиерот Зоран Заев на Бугарија без покана, е за да ја понижи нивната земја.

„ Јас сум во градот Гоце Делчев, чие старо име е Неврокоп, пред споменикот на Георги Николов Делчев. Тука сум да објаснам категорично неколку факти кои станаа јасни по непоканeтата посета на премиерот на РСМ, Зоран Заев. Со месеци, овој човек формира коалиции против Бугарија во Западна Европа. Тој се обидуваше да ја понижи нашата земја, да бара сојузници за да изврши притисок врз Бугарија и да ја натера да ја смени својата фер позиција во врска со почетокот на преговорите за членство во ЕУ. Заев дојде во Софија да побара отстапки и да се обиде да ги прикрие грешките што ги направил предизвикани од неговиот нечесен став“, напиша Џамбаски.

Тој смета дека политичките противници во Бугарија сакаат да направат национално предавство.

„ Уште по необјасниво и нејасно е однесувањето на т.н. демократи од ‘Демократска Бугарија’, кои на секој начин се обидуваат да им докажат на своите плаќачи од голем број западни амбасади и да извршат национално предавство. Ова треба да се знае. Скоро не остана бугарска политичка сила, освен нас, за заштита на бугарскиот државен интерес. Едно нешто мора да биде јасно: кој и да попушти и изврши национално предавство, веднаш ќе биде казнет од бугарскиот народ. Македонија е една, таа е бугарска и од двете страни на вештачката граница живее една нација. Да живее Бугарија! Да живее нашата обединета Татковина!“, додаде европратеникот.

Во Франција денеска се одржуваат локални избори, што ќе биде тест за популарноста на лидерот на десницата, Марин Ле Пен.

Првиот круг на локалните избори доаѓа по ограничувањата во земјата веќе година и пол, полицискиот час и заклучувањето поради пандемијата на коронавирусот и ќе биде предизвик за претседателот Емануел Макрон, со проекции кои покажуваат дека неговата партија нема да освои ниту еден од 13-те региони на континентална Франција, пренесува „Ројтерс“.

Според анкетите, лидерот на десното Национално собрание Марин Ле Пен е рамо до рамо со Макрон, пренесува европски „Политико“.

Анкетите покажуваат дека одзивот на регионалните избори може да биде на рекордно ниско ниво од околу 40 проценти.

Социјалистите и конзервативните републиканци (ЛР), кои доминираа во француската политика до поразот во 2017 година, продолжуваат да се држат добро на регионално ниво. Секој од нив во моментов има моќ во пет региони, од вкупно 18.

Според најновите анкети, Националното собрание е во позиција да освои моќ во барем еден регион, што би било првпат во историјата на Франција.

Многумина во Франција сметаат дека регионалното гласање е чекор кон Елисејската палата за Марин Ле Пен, која ги загуби изборите во 2017 година токму од Макрон, според „Еуроњуз“.