Контакт

Свет

Колку вакцинацијата ќе влијае врз патувањата на граѓаните

Објавено пред

Колку вакцинацијата ќе влијае на тоа дали ќе можеме да патуваме на одредени дестинации е еден од најголемите сомнежи на граѓаните, бидејќи веќе има најави дека без потврда за имунизација или „пасош за корона“, ќе биде тешко да се преминуваат границите.

Лидерите на Европската унија наредната недела ќе ги разгледуваат барањата за воведување на таканаречен „европски сертификат за вакцинација“. Ова следува откако Европската комисија доби писмо од грчкиот премиер Киријакос Мицотакис, во кое, меѓу другите барања, се предлага олеснување за патување во рамките на Европската Унија.

Во писмото упатено до претседателката на Европската комисија, Урсула фон дер Лајен, грчкиот премиер Мицотакис бара приоритет да биде враќањето на слободата на движење низ цела Европска Унија. Тој посочува и на важноста од итно усогласување на позициите на земјите-членки за сертификатот за вакцинација, што според него, ќе помогне во повторно заживување на туризмот, но и за зголемен интерес за примање на вакцините.

Многу од граѓаните стануваат свесни дека наскоро ќе биде тешко да ја напуштат земјата без вакцинација и за тоа немаат голема дилема. На граѓаните на Србија, но и на другите земји, повеќе им пречат одредени најави дека постои можноста да не можат да патуваат во САД и земјите на ЕУ доколку примат руска или кинеска вакцина, бидејќи тие не се регистрирани во тие земји.

Претседателот на Србија, Александар Вучиќ, реагираше на тие најави, отфрлајќи ги тврдењата дека патувањата во поединечни земји на ЕУ ќе биде според која вакцина ја имаат примено граѓаните. Вучиќ праша дали тоа значи дека половина од светот нема да може да патува никаде бидејќи ја примиле руската вакцина.

На прашањето да ја искоментира реакцијата на ЕУ дека Унгарците нема да можат да патуваат во ЕУ бидејќи ја користат руската вакцина, Вучиќ кажа дека не го чул тоа, но дека го слушнал тоа. Тој рече дека слушнал како унгарскиот премиер Виктор Орбан бил „нападнат“ поради користење на руската вакцина и кршење на европските правила. Вучиќ останува на ставот дека не е можно да се спроведе правило за патување во ЕУ според потеклото на примената вакцина, бидејќи тоа значи дека ниту еден граѓанин од Русија, Кина, Пакистан, Емирати, Бахреин, Турција и други земји нема да можат да влезат во ЕУ.

„Сметате дека тоа е реално, никогаш не сум чул таква лудост“, рече претседателот на Србија.

Слични ставови имаат и докторите. Епидемиологот, професор д-р Радмило Петровиќ за српска „Политика“ вели дека е противник на таков вид дискриминација, бидејќи кога вакцините се набавувале од Запад, немало проблем за тоа од каде потекнуваат.

„За една година ќе знаеме која вакцина е поуспешна и која има помалку ефект. И во овој момент, кога животот на луѓето е во прашање, невидена глупост е некого да условувате со одредени вакцини за патување“, вели докторот Петровиќ.

Поединци од ЕУ, вели професор д-р Тања Јовановиќ, вирусолог и член на Кризниот штаб за сузбивање на Ковид 19 во Србија, изјавуваат дека ќе ги препознаат само оние вакцини што ги регистрираат европските агенции. Но таа потенцира дека тоа се заснова само на индивидуални изјави.

„Не сум слушнала официјален став дека Европската Унија донела таква одлука. Во овој момент никој не може да одговори на тоа прашање. Сега е најважно да се имунизираме со каква било достапна вакцина и тоа треба да биде приоритет“, вели д-р Јовановиќ.

Професор д-р Радан Стојановиќ, клинички фармаколог од Медицинскиот факултет во Белград, исто така смета дека е рано да се зборува за тоа која вакцина ќе биде услов за патувања.

„Претпоставувам дека сите вакцинирани луѓе ќе бидат група која ќе може да патува без проблеми. Ако се гледа кој чија вакцина примил, тоа ќе ги закомпликува работите“, вели Стојановиќ.

Александар Сеничиќ, директор на Националното здружение на туристички агенции на Србија, напоменува дека рускиот и кинескиот туристички пазар се меѓу најважните во светот, а дека само Кинезите праќаат по повеќе од 100.000 туристи во Европа.

„Мислам дека нема да дојде до тоа во светот да не се признаваат руската и кинеската вакцина. Веројатно се чека тие вакцини да се одобрат во институциите на Европската Унија. Доколку овие вакцини не се признаат, тоа би бил лош економски потег, бидејќи ќе се изгубат многу повеќе пари отколку што ќе се добијат. Руските туристи се главни во Европа, како во летната, така и во зимската сезона. Притоа, во последната година се бележи растечки тренд на кинески туристи во земјите од ЕУ и САД, од 15 до 20 отсто“, вели Сеничиќ.

Тој посочува дека идејата за издавање на „ковид пасоши“ први ја дале авиокомпаниите, а дека СЗО се оградила од тие најави, со образложение дека можеби тоа не е добар модел.

Свет

Фаучи: Студентите ќе бидат вакцинирани до 2022 година

Објавено пред

Водечкиот американски епидемиолог, Ентони Фаучи, изјави дека апсолвентите во САД ќе бидат вакцинирани до есен, додека нивните помлади колеги најверојатно ќе бидат вакцинирани до почетокот на 2022 година.

Тој изрази уверување дека Националните центри за контрола и превенција на болести во следните неколку дена ќе одобрат ублажување на мерките на лицата кои биле вакцинирани, но апелираше до 80 проценти од населението во САД кои сè уште чекаат на вакцинирање, за постојано да се придржуваат и да ги спроведуваат превентивните мерки.

„На добар пат сме, само треба да издржиме уште малку“, рече Фаучи во интервју за телевизиската мрежа Си-би-ес.

Во Соединетите држави, во просек, секој ден се вакцинираат околу 2,1 милиони луѓе, објави „Ројтерс“.

Прикажи повеќе...

Свет

Зошто е речиси невозможно да се заразите со коронавирус на отворено?

Објавено пред

Аеросолите, ситни честички што лебдат во воздухот, се главниот виновник за пренесување на коронавирусот. Според наодите на научниците, ова особено се случува во затворен простор бидејќи циркулацијата на воздухот на отворено е многу поголема.

„Имате проток на ветер, така што концентрацијата на аеросолот се разредува многу брзо”, вели Нико Мутерс, раководител на Институтот за јавно здравје на Универзитетската клиника во Бон за „Дојче веле“.

Александар Кекуле, вирусолог, вели слично, но додава: „Сето тоа се однесува ако држите растојание од најмалку метар и половина на отворено. Ако не ја одржувате таа далечина, ако стоите и се гледате лице в лице и разговарате гласно, пеете, викате, плукате – тогаш, наместо преку аеросоли, може да се заразите преку капки од плунката“.

Студиите потврдуваат дека ризикот од инфекција надвор е исклучително мал. Една студија од Кина испита 7.324 случаи на инфекција – само една се случила на отворено. Кекуле вели дека истото важи и за мутациите на вирусот – тие се нешто позаразни, но мерките остануваат исти.

Како влијае ветерот?

„Колку е поветровито, толку побрзо ќе се распрснат облаците од аеросоли“, вели Герхард Шоих, физичар и истражувач на аеросоли.

На прашањето дали, на пример, на една ливада каде што седат различни групи луѓе, можно е ветерот да пренесува аеросоли од една во друга група, Шоих вели дека тоа е практично невозможно.

„Поради температурата на телото, се создава еден вид воздушна струја, која претежно, како и со камин, се движи нагоре“, изјави овој физичар за „Дојче веле“. Појаснува дека тоа е така затоа што телесната температура од околу 37 степени е генерално повисока од надворешната.

„На тој начин потоплиот воздух се движи нагоре, дури и облакот од аеросоли“, додава тој.

Една студија во Иран, исто така, потврди дека ветерот не игра никаква улога во пренесувањето на вирусот.

Дали има опасност од спортување?

Експертите велат дека спортистите, на пример кога џогираат, треба да одржуваат растојание од метар и половина, и дека во состојба на физичко оптоварување тие дишат подлабоко и испуштаат повеќе честички во воздухот.

„Ако некој помине покрај вас, дури и на кратко растојание, ризикот е многу мал“, вели Биргит Венер, истражувач од Институтот Лајбниц.

Слично размислува и нејзиниот колега Герхард Шоих – и задушените спортисти ќе мораат да стојат едни до други неколку минути за да се прошири инфекцијата. Затоа тој не гледа проблем во тимските спортови како фудбалот.

„Но, проблемот се јавува кога се користат соблекувални или тоалети. Ова се опасни простории. Тие мора да бидат добро проветрени“, додава Шоих.

Холандска студија, која минатата година покажа дека е потребно поголемо растојание меѓу спортистите, се смета за контроверзна. Во студијата се наведува дека велосипедистите треба да се оддалечат дваесетина метри. Критичарите истакнуваат дека студијата е спроведена во тунел на ветер, а не под реални услови.

Прикажи повеќе...

Регион

Во Врање сменет начинот на вакцинација откако маж прими две различни вакцини

Објавено пред

Од денес е сменет начинот на вакцинирање во српскиот град Врање заради неодамнешниот пропуст кога едно лице беше вакцинирано со две различни вакцини.

Сменета е и локацијата за вакцинација. Сега се вакцинира само во јавната установа Спортска хала, а примателот на вакцина се следи од влезот до излезот од објектот.

„Целиот систем е дизајниран за да не се повтори грешката со давање две различни вакцини. Поставен е мониторинг, пациентот се следи целосно од влез до излез, така што грешката е сведена на скоро нула“, рече координаторот на Здравствениот дом во Врање, Небојша Димитријевиќ.

Слаѓан Антиќ од Врање прими две различни вакцини, прво таа на „Фајзер“, а потоа за време на ревакцинацијата, ја примил кинеската вакцина на „Синофарм“.

Антиќ ја примил првата доза на вакцината во Здравствениот дом во Врање, а за втората доза добил СМС-порака да се јави во Спортска хала.

По ревакцинацијата, како што вели, во разговор со докторот дознал дека е вакциниран со кинеската вакцина.

„Во разговорот, лекарот што ми е пријател ми рече – кинеската вакцина што ја прими е одлична. Изненаден го прашав – како кинеска, требаше да ја примам вакцината на ‘Фајзер’ и тогаш настана гужва “, рече Антиќ за РТС.

Во Врање четири недели е на сила вонредна состојба поради зголемувањето на бројот на болни и хоспитализирани.

Прикажи повеќе...

Најново

Свет9 часа

Зошто е речиси невозможно да се заразите со коронавирус на отворено?

Аеросолите, ситни честички што лебдат во воздухот, се главниот виновник за пренесување на коронавирусот. Според наодите на научниците, ова особено...

Свет11 час

Градоначалник во Италија даде оставка откако јавноста дозна дека се вакцинирал преку ред

Градоначалникот на сицилијанскиот град Корлеоне денес објави дека дава оставка откако преку ред се вакцинира против Ковид-19, а полицијата отвори...

Македонија12 часа

Во Македонија 333 нови случаи на коронавирус, починаа 10 лица

Во последните 24 часа во Македонија се потврдени 333 нови случаи на коронавирус, 268 оздравени и 10 починати лица, соопшти...

Македонија13 часа

Пристигна првата пратка од руските вакцини во Македонија

На скопскиот аеродром попладнево пристигна првата пратка од руската вакцина „спутник В“. Министерот за здравство Венко Филипче заедно со рускиот...

Регион13 часа

Во Србија над 3.000 новозаболени и 20 починати

Според последните информации, во Србија биле регистрирани 3.042 новозаболени лица, а 20 лица починале. Во последните 24 часа биле тестирани...

Европа14 часа

Скандал во Бундестагот: Пратеници профитирале со трговија со маски за време на ковид-кризата

Скандал ја тресе Германија. Пратеници од Бундестагот оствариле профит од трговија со заштитини маски на самиот почеток на пандемијата на...

Свет14 часа

Семејства на починати од коронавирус го тужат британскиот премиер

Британскиот премиер Борис Џонсон, го тужат околу 2.000 семејства кои изгубиле еден или повеќе членови на семејството поради коронавирусот. Досега...

Македонија15 часа

Досега попишани 32.752 лица од дијаспората

Државниот завод за статистика соопшти дека досега се попишани 32752 лица од дијаспората. Оттаму велат дека бројот на попишани расте...

Македонија15 часа

Лекарска комора: Ковид може да предизвика сериозни стомачни крварења, да не се занемарат симптомите

Пациенти кои имаат инфекција со SARS-CoV-2 вирусот може да развијат сериозни компликации на гастроинтестиналниот систем кои во некои случаи се...

Македонија15 часа

(Видео) Пресечени меѓународни канали за транспорт на дрога

Министерството за внатрешни работи во текот на вчерашниот ден (06.03.2021) во две одделни акции пресече два канала за меѓународен транспорт...

Европа16 часа

Нови ограничувања во цела Италија

Во Италија, во последните 24 часа, имало 307 смртни случаи од коронавирус и повеќе од 23.000 нови инфекции, пренесува агенцијата...

Македонија18 часа

Земјотрес почувствуван во Дебар, Гостивар и Маврово

Земјотрес со јачина од три степени според Европската макросеизмичка скала синоќа во 22 часот и 43 минути бил почувствуван од...

Свет19 часа

Папата пристигна во Мосул

Папата Франциско денеска пристигна во ирачкиот град Мосул, каде ќе се моли во разурнатите цркви, кои беа уништени од терористичката...

Македонија19 часа

Денеска пристигнува првата пратка од руските вакцини

Денеска на Скопскиот аеродром треба да пристигне правата пратка од вакцини против Ковид-19 „Спутник В“, што Владата ги купи од...

Свет19 часа

Откриен нов „застрашувачки“ сој: високозаразен и ја намалува ефикасноста на вакцините

Научниците во американската држава Орегон открија нов многу заразен вид на ковид, кој првпат се појави во Велика Британија. Сепак,...

Свет1 ден

Русија во разговори со СЗО за итна употреба на вакцината „спутник В“

Рускиот министер за здравство Михаил Мурашко денеска разговараше со генералниот директор на СЗО за барањето на Русија за итно одобрување...

Македонија1 ден

Мицкоски од инфективна: Ќе се спасите од мене само ако не се разбудам утре

Лидерот на ВМРО-ДПМНЕ, Христијан Мицкоски се огласи од инфективната клиника, каде се лекува од коронавирус. Тој порача дека овој ден...

Топ1 ден

Загина градежен работник во Гевгелија паѓајќи од скеле

Градежен работник од Богданци паднал од скеле и починал на лице место, додека работел на објект во изградба во Гевгелија....

Македонија2 дена

Тодоров: Мицкоски не само што е пречка за обединување на ВМРО, туку е пречка и за обединување на македонскиот народ

Поранешниот министер за здравство Никола Тодоров се обрати до членството на ВМРО-ДПМНЕ и повика на обединување. „ Почитувани граѓани, почитувани...

Македонија2 дена

Вакцинацијата со руската вакцина во Македонија ќе почне в среда

Вакцинацијата со руската вакцина „спутник в“ во Македонија ќе почне в среда, најави министерот за здравство, Венко Филипче. Вакцините ќе...

Досие