Полицијата во Нов Зеланд започна истрага откако тамошното семејство пронашло човечки останки во куфер што го купиле на аукција.

Полицијата покренала истрага за убиство и се обидува да ги идентификува останките, а семејството кое го купило куферот не е осомничено дека е вмешано во ништо, пишува Би-Би-Си.

Неколку од соседите на семејството пријавиле дека од нивниот имот се шири смрдеа пред да дојде полицијата.

Семејството купило приколка полна со работи од локалниот магацин, вклучително и куфер, а човечките останки ги пронашле дури кога стигнале дома и ја отвориле.

Полициските власти рекоа дека приоритет им е да го идентификуваат лицето, но додадоа дека ќе биде потребно време,пренесе рс.н1.инфо.

Првата дама на САД, Џил Бајден, е позитивна на корона вирусот и има благи симптоми, соопшти денеска Белата куќа.

Таа ќе престојува во приватна резиденција во Јужна Каролина, а ќе се врати во Вашингтон по два последователни негативни теста, објави Ројтерс.

Американскиот претседател Џо Бајден беше заразен со корона вирусот пред неколку недели.

Четиригодишно момче возејќи велосипед било удрено од машина за потиснување асфалт во близина на градилиште во Долна Саксонија, Германија. Момчето починало, пренесува списанието „Феникс“.

Како што соопшти полицијата, момчето во понеделникот било со својот татко и седумгодишниот брат. Децата возеле велосипеди додека таткото трчал зад нив.

Постариот брат веќе го поминал патот кој е во изградба. Четиригодишното дете требало да го следи кога ненадејно го удрил валјак додека се движел наназад. Тој починал на местото на несреќата, пред очите на неговиот татко. Се утврдува како дошло до несреќата, а консултиран и експерт. Возачот на валјакот ќе се гони за убиство од небрежност.