Голем пожар изби вечерва на пазар во Обединетите Арапски Емирати, пренесуваат весниците „Нешнал“ и „Галф тајмс“.

Локалните власти не биле достапни за коментар, ниту за потврда на овие информации.

فرق الدفاع المدني في #عجمان تكافح حريق متطور في السوق الشعبي بمنطقة الصناعية الجديدة#صحيفة_الخليج pic.twitter.com/ZHDF2EgggB

— صحيفة الخليج (@alkhaleej) August 5, 2020

Нема ниту информации за евентуални жртви ниту за направена штета.

Инцидентот се случува само еден ден по вчерашната експлозија во пристаништето во Бејрут, во која загинаа над 130 луѓе и околу 5.000 се повредени.

Писателката и ТВ-водителка Исидора Бјелица почина денеска во Белград на 52 години, потврди издавачката куќа „Лагуна“.

Бјелица е родена во Сараево на 10 декември 1967 година, каде и завршила средно училиште, по што дипломирала на Факултетот за драмски уметности во Белград и магистрирала.

Беше во брак со Небојша Пајкиќ, со кого имаше две деца, Лав Григорије и Вила Евангелина Пајкиќ.

Како автор на ТВ, работеше на повеќе проекти, од кои „Клот-фркет“ на телевизијата БК и телевизијата БН и „Љубовниот водич на Исидора“ на телевизијата Метрополис.

Таа е автор на повеќе од 40 книги посветени на различни генерации.

Либанскиот министер за здравство изјави дека е зголемен бројот на починати во разорната експлозија во пристаништето во Бејрут на 135 и дека околу 5.000 луѓе се повредени.

Министерот Хамад Хасан рекол дека сè уште одреден број луѓе се водат како исчезнати и дека овој број на настрадани не е конечен, објави Би-би-си.

Претходно денеска министерот објави дека во експлозијата која се случи вчера, загинале 113 луѓе.

„Сигурно има уште луѓе под урнатините и добиваме десетици пријави за исчезнати“, рекол министерот.

Две големи експлозии вчера срамнија со земја поголем дел од пристаништето во Бејрут и оштетија многу згради во либанскиот главен град.