Контакт

Регион

Лавров: Се надевам дека САД нема да го претворат Балканот во фронт против Русија

Објавено пред

Рускиот министер за надворешни работи, Сергеј Лавров, изјави дека Русија очекува администрацијата на американскиот претседател Џозеф Бајден да има доволно политичка волја и причина да не го претвори Балканот во уште еден фронт на антируската конфронтација.

Лавров во интервју за сараевскиот весник „Ослобоѓење“ оцени дека во спротивно тоа ќе има катастрофални последици за цела Европа.

Коментирајќи ја тезата дека БиХ е „жртва на руско-американската конфронтација“, шефот на руската дипломатија посочи дека Русија не ги решава своите проблеми на сметка на ничии интереси и не ги става партнерите пред апсолутно лажен избор „или со нас или против нас“.

Лавров посочи дека ставот на Москва е добро познат – за регионалните проблеми се потребни регионални решенија засновани на инклузивен дијалог и земајќи ги предвид ставовите на сите засегнати страни. Тој додаде дека Вашингтон во последно време избегнува да разговара со Русија не само за БиХ туку и за Балканот како целина.

Одговарајќи на прашањето кој е главниот интерес на Русија на Балканот, Лавров посочи дека тоа се мирот, безбедноста и стабилноста во тој регион.

„Нема потреба да се бара некое скриено значење во руската политика. Залудно е. Соработуваме со сите на еднаква, транспарентна основа, со заемно почитување на принципите на меѓународното право, пред сѐ, на Повелбата на ОН“, нагласи Лавров.

Според него, митот за штетното влијание на Москва бил измислен, а го промовирале, како што рече, локалните русофоби со цел да се отруе атмосферата на соработка во регионот.

Ставањето на балканските држави пред вештачки избор или Европската Унија или Русија, според Лавров е контрапродуктивно и неправедно и дека предизвикува нови линии на поделба во регионот и ја попречува соработката.

Шефот на руската дипломатија смета дека волјата на граѓаните на балканските држави често намерно се игнорира.

„Видете до што доведе тоа во Црна Гора, која буквално е вклучена во НАТО спротивно на мислењето на мнозинството. Зошто да ги кршите колената и насилно да ја промовирате евро-атлантската агенда?“, праша Лавров.

Тој додаде дека сите добро се сеќаваат што направи НАТО во регионот во 90-тите и дека последиците од бомбардирањето со осиромашен ураниум ќе ги почувствуваат уште многу генерации локални жители.

Лавров повтори дека Србија е клучниот партнер на Русија на Балканот и дека Москва високо го цени стратешкото партнерство со Белград и дека прави напори за сеопфатно подобрување на билатералните врски.

Тој повтори дека ставот на Русија за Косово и Метохија е добро познат и дека Москва го поддржува постигнувањето одржливо и заемно прифатливо решение меѓу Белград и Приштина врз основа на резолуцијата 1244 на Советот за безбедност на ОН.

Лавров посочи дека решението мора да го одобри Советот за безбедност бидејќи се работи за обезбедување меѓународен мир.

Регион

Возачот е виновен за автобуската несреќа на „Струма“, заклучи бугарското Обвинителство

Објавено пред

Бугарското Обвинителство ја заврши истрагата за автобуската несреќа на автопатот „Струма“, во која загинаа 45 македонски државјани.

Заменик-главниот обвинител Борислав Сарафов за БТВ изјави дека причината за несреќата е губењето контрола над автобусот од страна на возачот и големата несоодветна брзина на возење според условите на патот.

„Тоа е една човечка трагедија без преседан по бројот на жртви како интензитет на работа што ја завршивме. Истрагата е завршена и останува само по судски пат да бидат известени властите во Македонија, со оглед на тоа дека и семејствата на настрадните имаат право да се запознаат со материјалите од истрагата“, изјави Сарафов.

Заклучоците треба да бидат испратени до македонските власти по договорот на двете страни на денот на несреќата истрагата да ја води само бугарската страна.

Во автобуската несреќа, што се случи на 23 ноември 2021 година, загинаа 45 македонски државјани, меѓу кои и возачот, а седуммина преживеаја. Меѓу загинатите беа и 12 деца.

За автобусот се знае дека е стар 14 години, сопственост на македонскиот превозник „Беса транс“, а последен пат поминал на технички преглед три месеци пред несреќата.

Прикажи повеќе...

Регион

Милановиќ: Хрватски војници нема да одат во Украина

Објавено пред

Претседателот на Хрватска, Зоран Милановиќ, денеска изјави дека ако дојде до ескалација, Хрватска ќе ги повлече сите свои војници од Украина.

„Доколку дојде до ескалација, ќе се повлечеме до последниот хрватски војник. Немаме ништо со ова и нема да имаме ништо, гарантирам“, изјави тој критикувајќи уште еднаш за вмешаноста на премиерот Андреј Пленковиќ во Украина.

По настаните во 2014 година, со кои почна конфликтот во Украина, приказната беше следна – Украина оди на запад, нема што да бараме со Русија, царинската унија со Русија и поранешните советски држави се лоши за Украина, а во ЕУ ќе тече мед и млеко“, рече Милановиќ.

Според него, ситуацијата нема врска со Украина, туку со политиката на Бајден, каде што тој гледа недоследност и опасно однесување.

„Ова се случува во предградијата на главниот град на Русија и постојат начини да се спаси Украина, барем 99 отсто, за да ѝ се помогне економски“, рече Милановиќ.

Прикажи повеќе...

Регион

(Видео) Снегот ја блокираше Грција – повеќе области без струја, возачи заробени на патиштата

Објавено пред

Снежна покривка синоќа ја прекри целата грчка престолнина, при што беше нарушен авиосообраќајот и заробени десетици возачи на патиштата.

Најдраматична е ситуацијата на автопатот Атика Одос, обиколница околу Атина која го поврзува главниот град со аеродромот, каде што во моментов сè уште се заробени стотици возила, пренесува грчкиот портал „Катимерини“.

Спасувачките тимови цела ноќ се бореле за да ослободат стотици возачи во време кога бура наречена „Елпида“ ја погоди Грција и ја покри Атина со дебел слој снег, јавува „Ројтерс“.

Во акцијата за спасување учествуваат копнени спасувачки единици со тешка механизација и амбулантни возила.

Грчкиот министер за климатски кризи и цивилна заштита Христос Стилијанидес ја обвини компанијата задолжена за одржување на патиштата за ваквата состојба на обиколницата, наведувајќи дека нејзиното раководство на неколку состаноци со владините претставници уверило дека ќе има доволно опрема за да го одржи патот отворен за сообраќај.

Грчките медиуми прикажаа снимки од војници како делат храна, вода и ќебиња за некои од возачите додека температурата паднала во текот на ноќта.

Обилните снежни врнежи се ретки во Атина, но градот втора година по ред го погодува снежно невреме.

Петнаесет патници се повредени кога шинско возило се обидело да повлече воз со околу 200 патници, кој застанал во обилниот снег во централна Грција.

Двајца од повредените се во тешка состојба, соопшти полициски претставник.

Железничкиот и автобускиот сообраќај во Атина е суспендиран, а капацитетите за вакцинација против Ковид-19 во поширокиот регион на Атина и на блискиот остров Евија се затворени, соопштија здравствените власти.

Владините служби, училиштата, продавниците и банките кои не се потребни во двете области и на многу грчки острови, вклучително и Крит, исто така ќе бидат затворени денеска бидејќи студеното време се очекува да трае до утре.

Грчката авиокомпанија AegeanAirlines вчера ги откажа речиси сите летови освен пет и најави дека распоредот најверојатно ќе биде нарушен денеска и утре.

Во регионот на Атика некои области во моментот се без електрична енергија поради штетите предизвикани од континуираните снежни врнежи.

Министерот за климатски кризи и цивилна заштита синоќа изјави дека сите јавни услуги се суспендирани, освен општинските и регионалните власти, вооружените сили и безбедносните сили, јавното здравство и другите служби чија работа е неопходна за справување со вонредните временски услови.

Јавниот превоз ќе работи каде што е можно, особено возовите, метрото во Атина и трамваите.

Сите градинки и училишта денеска ќе бидат затворени, а нема да се одржува ниту онлајн настава, бидејќи нема да има неопходен административен персонал за нејзино водење.

Министерот изјави и дека од попладнево ќе има помалку снег, но дека мразот ќе се задржи.

Прикажи повеќе...

Најново

Регион1 час

Возачот е виновен за автобуската несреќа на „Струма“, заклучи бугарското Обвинителство

Бугарското Обвинителство ја заврши истрагата за автобуската несреќа на автопатот „Струма“, во која загинаа 45 македонски државјани. Заменик-главниот обвинител Борислав...

Регион2 часа

Милановиќ: Хрватски војници нема да одат во Украина

Претседателот на Хрватска, Зоран Милановиќ, денеска изјави дека ако дојде до ескалација, Хрватска ќе ги повлече сите свои војници од...

Македонија4 часа

Рекордни бројки: 2.341 новозаразен од коронавирус, починале 26

Министерството за здравство информира, во согласност со податоците од Институтот за јавно здравје, дека во последните 24 часа направени се...

Свет4 часа

(Видео) Насилни протести во Киев – демонстранти се обидоа да влезат во парламентот

По протестот во Киев, избувна тепачка меѓу насобраните и полицијата. Неофицијално, има и загинати. Претприемачите, кои бараа даночни олеснувања, се...

Македонија5 часа

Ковачевски – Радев: Преку дијалог да дојдеме до решенија што ги почитуваат европските вредности и достоинството на двата народи

Претседателот на Владата, Димитар Ковачевски, придружуван од Артан Груби – прв заменик на претседателот на Владата и министер за политички...

Европа7 часа

Oд 1 февруари нови правила за патување во рамки на ЕУ

Советот на ЕУ усвои ревидирана препорака за мерките кои влијаат на слободното движење за време на пандемијата Ковид-19, според која...

Македонија8 часа

Кривични за градоначалникот Пецаков и секретарот Китески, место да се изолираат отишле на прославата на Водици

Министерството за внатрешни работи поднесе кривична пријава за градоначалникот на Охрид, Кирил Пецаков, кој по тестирањето за Ковид-19 не се...

Македонија8 часа

(Видео) Ковачевски и Петков задоволни од меѓувладината седница и плановите на петте работни групи

Премиерите Димитар Ковачевски и Кирил Петков на прес-конференцијата од крајот на заедничката седница на Владите на Северна Македонија и Бугарија...

Македонија9 часа

Почина маестро Александар Џамбазов

Денеска во Скопје на 85-годишна возраст почина диригентот и композитор Александар Џамбазов, објави Сојузот на композитори на Македонија (СОКОМ). „Сојузот...

Македонија10 часа

Милошоски: Османи во Собранието да ги презентира македонските одговори на бугарските барања

Со писмо упатено до министерот за надворешни работи бараме да дојде пред Комисијата за надворешна политика во Собранието и да...

Македонија11 час

Рашковски тврди дека го местат и побара Наќе Чулев да сведочи за софтверот

Ексгенералниот секретар Драги Рашковски тврди дека обвинителката Ивана Трајчева на компјутерски програм си пишувала пораки што ги прикажала како негова...

Македонија12 часа

(Видео) Ковачевски – Петков: Напредок во пријателството наместо национализам и говор на омраза

Премиерот Димитар Ковачевски, придружуван од министрите кои се дел од делегацијата на Владата на Република Северна Македонија, утринава пристигнаа во...

Македонија13 часа

Минатата недела регистрирани 11.610 нови случаи на Ковид-19

Регистрирани сe 11.610 нови позитивни случаи од 35 градови во државата, со зголемување од 4,5% во однос на минатата недела...

Македонија13 часа

Препорака за кратење на периодот на изолација од 10 на 7 дена

Главниот координативен кризен штаб синоќа ја одржа својата втора седница, на која министерот за здравство Беким Сали ја презентираше актуелната...

Свет14 часа

Украинскиот министер призна: Немаме информации дека Русија подготвува офанзива

Вооружените сили на Русија досега не формирале ниту една ударна група, што би укажало дека се подготвува напад на Украина,...

Свет14 часа

Џозеф Бајден фатен како пцуе новинар на Фокс откако го праша за инфлација

Американскиот претседател Џо Бајден беше фатен во понеделникот како пцуе новинар на „Фокс њуз“ на настан во Белата куќа, откако...

Свет24 часа

Контингент од 8.500 војници во САД е во состојба на готовност поради ситуацијата во Украина

Американската војска денеска соопшти дека контингент од 8.500 војници е во целосна готвоност и е подготвен да биде распореден во...

Свет1 ден

СЗО: Условите се идеални за појава на нови варијанти на вирусот

Генералниот директор на Светската здравствена организација, Тедрос Гебрејсус, денеска изјави дека би било опасно да се мисли дека екстремно заразниот...

Македонија1 ден

Вкупно 22 починати и 718 нови случаи на Ковид-19

Министерството за здравство информира дека во последните 24 часа направени се 3.044 теста, а регистрирани се 718 нови случаи на...

Македонија1 ден

(Видео) Премиерот Ковачевски во Софија пречекан со највисоки почести

Со највисоки државнички почести и церемонија што се одржа попладнево на плоштадот Александар Невски во Софија, бугарскиот премиер Кирил Петков...

Досие