Во полициските операции во Истанбул и Киркларели против Курдистанската работничка партија (ПКК), која Турција ја смета за терористичка организација, по бомбашкиот напад во Анкара, беа приведени 20 лица.

Турскиот министер за внатрешни работи, Али Јерликаја, денеска изјави дека 20 лица се приведени во акции спроведени на 26 адреси во Истанбул и Киркларели, јавува „Анадолија“.

Тој наведе дека утврдиле кои „се лицата што собирале помош за членови на терористичка организација, кои биле уапсени и осудени за активности на терористичка организација“.

„Фатени се 20 луѓе. Со молитви и поддршка на нашата драга нација нашата борба ќе продолжи одлучно сè додека не биде неутрализиран и последниот терорист“, рече министерот.

Работничката партија на Курдистан ја презеде одговорноста за самоубиствениот напад вчера во Анкара.

Бомбаш самоубиец активира експлозив во близина на Министерството за внатрешни работи во турскиот главен град Анкара неколку часа пред почетокот на седницата на парламентот по летниот распуст.

Двајца припадници на полициските сили се полесно повредени, а другиот напаѓач е убиен во размената на оган со полицијата, јавуваат медиумите.

Родовиот јаз во платите во Холандија се зголеми и разликата во платите меѓу мажите и жените, кои вршат иста работа со исто образование и искуство, се зголеми од пет проценти во 2021 година на 7,4 проценти оваа година.

Зголемувањето на јазот настанало затоа што платите на мажите биле зголемени во поголем процент од зголемувањата што ги добивале жените кога 70 отсто од вработените во Холандија добиле зголемување на платата во последните две години, пишува холандскиот портал „Тајмс“.

Во просек, мажите сега заработуваат 16,4 отсто повеќе отколку во 2021 година, а жените забележале просечен пораст на платите од 9,1 отсто. „Едно можно објаснување е дека мажите, едноставно, бараат погласно покачување од жените во последните две години“, вели професорот по економија, Јап ван Мијен, од Универзитетот за бизнис во Нинрод. И мажите добиваат поголема стимулација од жените.

„Се чини дека мажите повеќе се грижат за тешките услови за секундарно вработување, а жените повеќе се грижат за суштинските аспекти на работата“, рече Ван Мијен, пренесува „Танјуг“.

Според порталот, мажите имаат трипати поголема веројатност да имаат службено возило или картичка за гориво и двојно поголема веројатност да добијат додаток за споделување профит и преместување. Разликата во платите значи и дека жените се финансиски поранливи од мажите – додека 87 отсто од мажите заработуваат доволно за да ги покријат сите месечни трошоци, истото тоа важи и за 82 отсто од жените.

Рускиот заменик-министер за надворешни работи, Сергеј Рјабков, рече дека нацрт-законот за привремено финансирање, усвоен од американскиот Конгрес, кој ја изостави помошта за Украина, нема да промени ништо опишувајќи ја одлуката на Вашингтон како јавен настап, пренесе новинската агенција РИА.

Рјабков исто така рече дека ракетите од американско производство, кои претходно беа опфатени со сега веќе непостојниот договор за нуклеарни сили со среден дострел, може да се појават во Европа и во Азиско-пацифичкиот Регион, објави „Ројтерс“.

Вашингтон се повлече од договорот во 2019 година. Русија оттогаш рече дека нема да распореди такво оружје, освен ако Вашингтон не го направи тоа.