Свет
Лидери на светски организации: Нееднаквата распределба на вакцините поттикна појава на нови видови на Ковид-19

Светските лидери мораат да преземат нова обврска да работат на поправедна поделба на вакцините против Ковид-19 на целата планета со цел да се борат против пандемијата и да го спречат бавното економско закрепнување, повикаа четирите големи меѓународни организации.
Лидерите на Светската здравствена организација (СЗО), Светската трговска организација (СТО), Меѓународниот монетарен фонд (ММФ) и Светската банка го повикаа Г7, пред самитот во Велика Британија во јуни, да ја финансира пандемијата со програма од 50 милијарди долари која беше подготвена од ММФ и веќе беше изложена на самитот за здравство што се одржа во Рим, пренесуваат светските агенции.
Таквата финансиска инјекција ќе овозможи значително зголемување на производството на дијагностичка опрема, лекови, кислород, медицинска опрема и вакцини за поправедна дистрибуција, рече генералниот директор на СЗО, Тедрос Аданом Гебреизус.
Оваа сума ќе овозможи да се генерираат 9.000 милијарди долари за светската економија до 2025 година, рекоа четворицата лидери на прес-конференција.
„Забрзајте го синџирот на снабдување“, порачаа тие.
Според најавите, се планира да се вакцинираат најмалку 40 проценти од светската популација до крајот на годината, а најмалку 60 проценти до крајот на 2022 година, со цел да се овозможи трајно закрепнување на светската економија.
Претседателот на Светската банка, Дејвид Малпас, рече дека е клучно да се забрза синџирот на снабдување со цел да се скрати времето од производство на вакцини до нивна примена.
Многу набљудувачи предупредуваат на нееднаквиот пристап до вакцините во богатите и сиромашните земји, влошувајќи ја и продолжувајќи ја пандемијата во која досега починаа повеќе од 3,5 милиони луѓе ширум светот.
Во заедничката статија објавена во вторникот во „Вашингтон пост“, четворицата лидери на СЗО, СТО, ММФ и Светска банка изјавија дека нееднаквиот пристап предизвика појава на нови видови на коронавирусот, што предизвика ново ширење на епидемијата во земјите во развој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Захарова: Нема легален начин да украдеш нешто од другите и да си го земеш за себе

Русија ќе возврати на обидите на Западот да ги заплени руските средства за да и ги предаде на Украина, изјави портпаролката на руското Министерство за надворешни работи, Марија Захарова.
– Обидите за посегнување на рускиот имот и средства ќе се сметаат за грабеж и нема да останат без одговор – изјави таа за новинарите.
Захарова посочи дека не постои правен начин за експропријација на рускиот имот, пренесе ТАСС.
– Се разбира, разбирам дека во светот што сега го наметнува колективниот Запад се е можно, но ако зборуваме за право и правда кои важат со децении, не постои легален начин да се украде нешто од другите и да го земете за себе – нагласи Захарова.
Свет
ФБИ го претресува домот на Бајден

ФБИ го претресува домот на американскиот претседател Џо Бајден во Делавер, изјави неговиот адвокат, а пренесе Би-би-си. Адвокатот на Бајден вели дека претседателот не барал налог за претрес.
Да потсетиме, минатата есен во приватната канцеларија на Бајден беа откриени доверливи документи, а јавноста за тоа дозна минатиот месец.
Документите датираат од времето кога Бајден беше потпретседател за време на двата претседателски мандати на Барак Обама. Јавниот обвинител Мерик Гарланд побара од државниот обвинител во Чикаго да го истражи случајот.
Адвокатите на Бајден тврдат дека ги пронашле доверливите материјали во ноември за време на затворањето на канцеларијата на Бајден во Вашингтон.
Бајден ја искористи канцеларијата како дел од неговата соработка со Универзитетот во Пенсилванија, каде беше почесен професор од 2017 до 2019 година, пишува Си-ен-ен.
Во канцеларијата биле пронајдени помалку од десетина доверливи документи, потврдил извор за Си-Ен-Ен.
Се уште не е јасно на што се однесуваат документите и зошто се однесени во приватната канцеларија на Бајден,пренесе Индекс.хр.
Свет
Американка уапсена во Москва откако прошетала теле низ Црвениот плоштад

Американката Алиша Деј е уапсена денеска и осудена на руски суд откако прошетала теле низ Црвениот плоштад во Москва, објави Ројтерс.
Според руските државни медиуми, Алиша Деј рекла дека го купила телето за да го спаси од колење.
Деј беше казнета со 285 долари за попречување на пешаците за време на нејзиниот незаконски протест и беше осудена на 13 дена затвор поради непочитување на полициската наредба,пренесе Танјуг.