На жителите на едно село на северниот егејски остров Тасос им е кажано да се евакуираат, пренесуваат медиумите во регионот.

Во четвртокот рано наутро жителите на Кинира добиле порака на итниот број 112 да се евакуираат кон селото Лименарија.

Пожарот избувнал во тешко пристапен дел од планината веднаш по самракот, поради што бил оневозможен летот на противпожарните авиони.

Tasos, požar krenuo, Golden Beach https://t.co/cI2WHZ9JPq pic.twitter.com/yq1R1NWeWh

— Pasji život (@Pasjisin) August 11, 2022

Противпожарната служба се засили во четвртокот рано наутро, испраќајќи 102 пожарникари со 33 возила и пет екипи кои дејствуваат како пешадија, а војската и доброволците беа мобилизирани, пишуваат тамошните медиуми.

Во некои извештаи се наведува дека на двајца пожарникари-доброволци им биле повредени нозете кога врз нив паднало дрво и дека им била укажана помош во локалниот здравствен дом, пишува „eKathimerini.com“.

Рускиот државен производител на оружје „КТРВ“ објави дека за прв пат ќе ја претстави новата воздушна крстосувачка ракета Кh-69 како дел од меѓународниот форум Армија-2022.

„Што се однесува до новите производи, на форумот Армија-2022 за прв пат ќе ја прикажеме повеќенаменската крстосувачка ракета со низок профил со висока прецизност Kh-69“, објави корпорацијата.

Ракетата Kh-69 е дизајнирана да уништи широк опсег на стационарни цели на земјата со координати познати пред лансирањето, вклучувајќи ги и оние без радар, инфрацрвен и оптички контраст со околината.

Опремен е со комбиниран систем на навигација и автоматска контрола. Максималниот опсег е до 290 километри, со брзини од 700 до 1000 km/h, во зависност од конфигурацијата. Масата на боевата глава е од 300 до 310 килограми, соопштија од корпорацијата.

Меѓународниот воен форум „Војска-2022“ ќе се одржи од 15 до 21 август во изложбениот центар „Патриот“ во близина на Москва. Настанот е во организација на руското Министерство за одбрана.

Тајван го отфрла моделот „една земја, два системи“ што Пекинг го претстави во својата стратегија за решавање на тајванското прашање, соопшти денеска тајванското Министерство за надворешни работи.

„Само народот на Тајван може да одлучи за својата иднина“, изјави портпаролката на министерството Џоан Оу на прес-конференција во Тајпеј, пренесува Ројтерс.

Таа додаде дека Кина ја користи неодамнешната посета на претседателката на Претставничкиот дом Ненси Пелоси како изговор да создаде нова нормала за да го заплаши народот на Тајван.

Вчера Кина објави Бела книга со наслов „Прашањето на Тајван и повторното обединување на Кина во новата ера“, во која се вели дека мирното обединување и „една земја, два системи“ се основните принципи за решавање на проблемот со Тајван.

Пекинг, исто така, наведува дека нема да се откаже од употребата на сила и дека ја задржува можноста да ги преземе сите неопходни мерки за заштита од надворешно мешање и сите сепаратистички активности.