Макрон во костум од „скромни“ 450 евра

Новиот француски претседател Емануел Макрон на инаугурација се обидува да се дистанцира од политичарите кои многу трошат.

Изворот на информацијата за цената на костумот што Макрон го носеше на претседателската инаугурација води до неговиот тим, открива агенцијата „Ројтерс. “Сопругата на Макрон, Бирижит, на свеченоста се појави во комплет со сина боја, креација на Луј Витон, инаку нејзината омилена модна марка.

Модните критичари веќе излегоа со ставот дека бојата на нејзината тоалета е слична на онаа во која се појави Мелани Трамп на претседателската инаугурација на Доналд Трамп пред неколку месеци.

Бившиот противкандидат на Макрон во претседателската трка, конзервативецот Франсоа Фијон, се најде на удар на критиките за време на кампањата бидејќи од еден богат бизнисмен добил два костума на подарок, вредни околу 13.000 евра.
Претходникот на Макрон, социјалистот Франсоа Оланд, се претставуваше како „обичен“ претседател, но некои медиуми наведуваа дека само за фризер трошел по фантастични 10.000 евра месечно.

И бившиот претседател Никола Саркози, кој беше на чело на Франција од 2007 до 2012 година, беше мета на критиките заради луксузот, посебно по бракот со некогашната манекенка Карла Бруни. крај/мф/