Свет
Медведев до Мерц: „Размисли двапати нацисту“

Заменик-шефот на рускиот Совет за безбедност, Дмитриј Медведев, го нарече новиот германски канцелар, Фридрих Мерц, нацист поради, како што рече, идејата за напад на Кримскиот мост, пренесуваат светските агенции.
Тој го изрази ова мислење на платформата X.
„Кандидатот за канцелар Фриц Мерц е прогонуван од сеќавањата на неговиот татко кој служел во Вермахтот на Хитлер. Сега Мерц предлага напад на Кримскиот мост. Размисли двапати, нацисту!“ – напиша рускиот политичар.
Претходно, лидерот на германските конзервативци, Фридрих Мерц, кој треба да биде на чело на новата германска влада во мај, дозволи испорака на крстосувачки ракети „Таурус“ во Киев под услов трансферот на ова оружје да биде договорен со партнерите во Европската Унија.
Тој истакна дека украинската армија е во одбранбен режим, но, според него, треба да има способност да ги напаѓа снабдувачките патишта на руските сили. Во овој контекст, тој особено го спомена Кримскиот мост, пишува руската агенција Тасс.
Киев долго време бара од Берлин ракети „Таурус“. Се сметаат за аналогни на британските „Storm sedou“, кои веќе се испорачани во Украина, но дострелот на германско-шведските ракети е поголем.
Како што потсети рускиот претседател Владимир Путин на самитот на Организацијата за колективна безбедност на 28 ноември 2024 година, Москва постојано предупредуваше дека употребата на западно оружје со долг дострел на руска територија би значела директно вклучување на НАТО во конфликтот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Путин се прости од папата

Рускиот претседател Владимир Путин ќе ги помни папата Франциско како „бранител на највисоките вредности на хуманизмот и правдата“, соопшти Кремљ во официјалното соопштение по повод смртта на папата.
Во соопштението се наведува и дека Путин „имал привилегија да комуницира со овој исклучителен човек во неколку наврати“, потсетувајќи се на неговите лични средби со Папата за време на неговиот понтификат.
Кремљ додава дека рускиот претседател „засекогаш ќе го негува најубавиот спомен за него“.
Европа
Зеленски му оддаде почит на папата: „Тој знаеше да понуди надеж и се молеше за мир во Украина“

Украинскиот претседател Володимир Зеленски му оддаде почит на папата Франциско, велејќи:
Тој знаеше како да понуди надеж, да го ублажи страдањето преку молитва и да го негува единството“.
Тој додаде дека папата Франциско редовно се молел за мир во Украина и за украинскиот народ.
„Жалиме заедно со католиците и сите христијани кои наидоа на духовна поддршка кај папата Франциско. Вечна му слава!“
Европа
Кралот Чарлс и британскиот премиер се простија од папата

Бакингемската палата објави порака од кралот со која му оддава почит на починатиот папа Франциско.
Кралот Чарлс Трети и кралицата Камила се сретнаа со папата на почетокот на овој месец за време на посетата на Италија, а палатата објави фотографија од средбата на социјалните мрежи во тоа време, заедно со порака на италијански јазик: „che casee speciale“ – „каква посебна прилика“.
Во денешното соопштение, кралот го пофали папата Франциско, велејќи дека „допрел животи на толку многу луѓе“.
Од папата се прости и британскиот премиер Кир Стармер, кој го пофали папата Франциско за неговата храбра духовна улога.
„Папата Франциско беше папа за сиромашните, угнетените и заборавените. Тој беше блиску до реалноста на човечката кревкост, состанувајќи се со христијаните ширум светот погодени од војна, глад, прогон и сиромаштија. Сепак, тој никогаш не ја изгуби надежта за подобар свет”, рече Стармер.