Европа
Меркел: Заедно со другите членки на ЕУ се бориме за брегзит со договор
Германската канцеларка Ангела Меркел порача дека Германија заедно со останатите членки на ЕУ ќе протдолжи да се обидува да се избори за брегзит со договор.
„Сите останати 27 земји членки на Европската унија до последниот ден ќе се борат за тоа Велика Британија да не излезе нерегулирано од ЕУ“ изјави Меркел од Нирнберг.
Таа нагласи дека во случај на недоговорен брегзит треба да се направи се овој процес да биде што е можно поподнослив за граѓаните, како на Велика Британија, така и на остатокот од ЕУ.
„Ние сакаме негативните последици да ги сведеме на најмала можна мерка“, рече Меркел. Во тоа спаѓаат безвизниот режим, како и исплатата на пензиите за оние кои дел од својот работен век го минале во Велика Британија.
Последните денови британските медиуми пишуваат за тоа дека Меркел во текот на телефонскиот разговор со британскиот премиер Борис Џонсон ги поставила условите на ЕУ за границите меѓу Северна Ирска и Република Ирска, кои, како што се наведува, се „неприфатливи за Велика Британија“. Германската Влада ги демантираше овие тврдења.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украински напад врз руски објекти на стотици километри од границата
Украинската војска наводно извршила напади со беспилотни летала врз неколку руски региони во текот на ноќта кон 12 јуни, погодувајќи неколку петрохемиски фабрики, од кои некои се оддалечени повеќе од 1.200 километри од украинската граница, објавија руските медиумски канали на Телеграм, според The Kyiv Independent.
Напади врз Тољати и Нижнекамск
Според извештаите од локалните жители, украински беспилотни летала ја погодиле петрохемиската фабрика Тољати-Каучук во регионот Самара наутро, предизвикувајќи пожар во фабриката. Фотографии и снимки на кои наводно се гледаат беспилотни летала со долг дострел како летаат над градот Тољати непосредно пред нападот беа објавени на социјалните мрежи.
Кратко потоа, беше пријавен и голем пожар во фабриката за синтетичка гума „Нижнекамскнефтхемим“ (НКНК) во градот Нижнекамск. Густ црн чад се издигна над градот по нападот.
Украина сè повеќе се потпира на беспилотни летала произведени во земјата за да напаѓа цели длабоко на руска територија, особено објекти поврзани со рафинирање на нафта, логистика и одбранбена индустрија кои ги поттикнуваат воените напори на Русија.
Најновите напади на руска територија доаѓаат една недела откако рускиот претседател Владимир Путин го отфрли отвореното писмо од претседателот Володимир Зеленски на 5 јуни во кое се повикува на итно продолжување на мировните преговори.
Европа
(Видео) Жесток вербален судир во германскиот парламент: „Се смеете на судбината на милиони луѓе во Украина, а потоа патувате во Москва на приеми со шампањ“
Во германскиот парламент избувна жесток вербален судир меѓу германскиот канцелар Фридрих Мерц и членовите на десничарската Алтернатива за Германија (АфД).
За време на говорот во кој се осврна на руската агресија, Мерц истакна дека „Украина се брани и се бори за својата слобода повеќе од четири години“. Членовите на АфД во салата гласно се насмеаја на изјавата, што предизвика остра и непосредна реакција од германскиот канцелар од говорницата.
Merz: "Ukraine has been defending its freedom for more than 4 years."
(AfD members laughing)
Merz: "That’s telling sign, ladies and gentlemen. They laugh about it, they laugh about fate of millions of people in Ukraine and they travel to Moscow for their champagne receptions." pic.twitter.com/obvgsZdAJK
— Kate from Kharkiv (@BohuslavskaKate) June 11, 2026
„Тоа е јасен знак, дами и господа. Се смеете на ова, се смеете на судбината на милиони луѓе во Украина, а потоа патувате во Москва на приеми со шампањ“, им рече видливо вознемирениот Мерц, директно критикувајќи ја десничарската опозиција за нивните блиски и чести врски со режимот на Владимир Путин.
Европа
(Видео) Две лица загинаа во нови напади во Русија и една жена во Украина
Две лица загинаа, а 10 беа повредени во украински напад врз рускиот пограничен регион Брјанск, објави вршителот на должноста регионален гувернер Јегор Ковалчук на Телеграм. Во исто време, 44-годишна жена беше убиена во руски напад со беспилотно летало врз Украина.
Две лица загинаа, а две беа повредени во гранатирањето на областа Суземка во близина на границата. Уште седум лица беа ранети во напад врз бензински пумпи во Стародуб, оддалечен околу 110 километри, напиша Ковалчук, додавајќи дека петгодишно момче е повредено и во одделен напад со беспилотно летало.
Во северниот украински регион Суми, 44-годишна жена беше убиена, а друга беше тешко повредена во руски напад со беспилотно летало, објави регионалниот гувернер Олех Хрихоров рано денес на Телеграм.
Уште три лица беа повредени во напад со беспилотно летало во јужниот украински град Николаев, соопштија локалните власти на истиот канал.
Ројтерс наведува дека не може независно да ги потврди инцидентите.
