Германија постави нов шеф на разузнавачката служба БФВ, која во последните години се соочи се разни скандали.

Томас Халденванг, кој моментно е потпретседател на службата, беше назначен за претседател на разузнавачката агенција, соопшти министерот за внатрешни работи, Хорст Зехофер, на конференција во Берлин.

Претходникот на Халденванг, Ханс-Георг Масен, беше отпуштен минатата недела кога упати неколку контроверзни коментари кон канцеларката Ангела Меркел и нејзината владејачка коалиција, како и неговите наводни контакти со високи функционери од екстремната десничарска партија АФД.

Социјалдемократите остро го критикуваа Масен за кој тврдеја дека не сфаќа колку сериозни се десничарските екстремистички групи и заканите што доаѓаат од нив.

Неколку пратеници од Конзервативната партија на британската премиерка Тереза Меј соопштија дека поднеле писмо за гласање недоверба на премиерката, а лондонските медиуми очекуваат во текот на денот да бидат предадени неопходни 48 писма за да се поведе постапката.

Лондонски „Телеграф“ јави дека со очекување до крајот на денот да бидат предадени 48 писма гласањето на недоверба на владата би можело да се изврши уште во вторник.

Малопродажните цени во ЕУ бележат годишен пораст од 2,2 отсто во октомври, објави Европското биро за статистика. Според Евростат, годишната инфлација во земјите членки пораснала 0,1 отсто во споредба со претходниот месец кога пораснала 2,1 отсто.

Официјалните податоци покажуваат дека годишната инфлација во ЕУ минатата година изнесувала 1,7.

„Најниски стапки на инфлација се забележани во Данска (0,7 отсто), Португалија (0,8 отсто) и Ирска (1,1 отсто)“, велат од Евростат.

Бирото за статистика вели дека највисоките годишни стапки се забележани во Естонија (4,5 отсто) и Романија (4,2 отсто). Минатиот месец,стапката на инфлација пораснала во 14 земји членки, а опаднала во осум во споредба со септември.

Во последните десет години највисока стапка на инфлација во ЕУ е забележана во јули 2008 (4,4 отсто), а најниска во јануари 2015 (-0,5 отсто) кога всушност цените паѓаа.