Соединетите Американски Држави воведоа нови санкции кон Русија, кои опфатија повеќе од 30 лица и компании и одлучија да протераат 10 руски дипломати.

Причината за воведување нови санкции, како што тврди Вашингтон, е мешањето на Москва во американските избори во 2020 година и сајбер нападот за кој американската влада ја обвинува Русија, пренесуваат агенциите.

Нападот врз софтверот на компанијата „Солар Виндоус“ им овозможи на хакерите пристап до илјадници компании и владини агенции кои го користат тој софтвер.

Според информациите на германскиот дневен весник „Велт“, политичарката на Христијанско-демократската унија (ЦДУ) ќе биде вакцинирана со вакцината на „Астра зенека“, со цел да се зголеми довербата во оксфордската вакцина низ целата Европска Унија.

Канцеларката Меркел има повеќе од 60 години и со тоа спаѓа во групата на оние кои ги исполнуваат условите за вакцинација со вакцината на „Астра зенека“ во Германија.

Претходно, Ангела Меркел, која има 66 години, изјави дека нема да се вакцинира со вакцината на „Астразенека“ и „Оксфорд“, бидејќи таа не влегува во групата на луѓе за кои се препорачува таа вакцина.

Полска денеска почна да вакцинира со вакцинте на фармацевтската компанија „Џонсон и Џонсон“, бидејќи проценката на владата и здравствените власти е дека вакцината има поголема придобивка отколку потенцијален ризик, објави „Ројтерс“.

Федералните власти на САД во вторникот препорачаа да се прекине употребата на вакцината на „Џонсон и Џонсон“ најмалку неколку дена, бидејќи шест жени на возраст под 50 години добија згрутчување на крвта по приемот на една доза.

„ Во случајот на „Џонсон и Џонсон“, денес е првиот ден кога ја користиме вакцината. Не добивме никаков сигнал дека има проблеми, ниту дека некој пациент одбива да ја прими“, рече Михал Дворчик, владин претставник кој ја надгледува кампањата за вакцинација.